¹ Sô, ola endó kiné kuana ano, zó un zo an tô ba Jeruzalém ku Bernabé, bé ku Titu ku an un turu. ² Un bé punda kua mambê, sô un fa da onsé envangelhu nansê ka lumba katxi ndinxi. Un fa kondeiro da ané guêxi ku ka ta ki maxi vonté, pan ta setu ma na sa koleuwa, ô nsêka kolê dudi. ³ Mazi né Titu ku ta kua un, ku sa grego, sa mandaru pê sá sirkunsidadu. ⁴ Demanda da puna ane fasu ná mó Ki bé konderu pa ine zongo liberari ma nón tê ni Kristo Jizu. Ané ta ka meseê pá no tô letxa ni eskravidon. ⁵ Maji, non na letxa koxi ané wua, ne ola xié pa veré envagelhu, pê sa rê mora é mé da sê. ⁶ Ané ixi ku fá ma ané sa sefi, ané na zura un né txo. Kuma sefi ané na liga unwa. Dêssu na ka dji jugamentu ka pia poló wa. ⁷ Atô mora ané pia ma tia mandaru ba lumba envangelho dá ané insirkusizu, ⁸ sô ku Dêssu ku mura Peru pê sá apostulu ané ku sa sirkunsidadu. Ê té mura vira un di dji suviso ku zintxi. ⁹ Ola Tiago, Sefai Zón, ane sa konsêru mora ané ngudji nguêza, ane bê glasa ku a dáun, ane sendê mon letu, di bondari da un ku Barnabé. Ané zi kué é, é, pan mon ba lêlê ané zintxi, pa ane ba zunta ku ané nkênu ku tava sirkunsidadu. ¹⁰ Ané turu ta mesê pa ka lemba pobli. An turu tava ku gosto fogaua pagi kuê. ¹¹ Sô, ola Sefa bi Antiokia, un pufia ku ané fogaua, punda ané na ta sétuwa. ¹² Antigi pa ané bi otô homé di patxi Tiagu, Cefa ka ta mé zuntaru ku zintxi. Mazi, ola ma ané homé bi, ê bê rê i ta longi zintxi punda omé tinha mendu nguê ta ka pindji sirkunsizón. ¹³ Só, oto Judeu zunta ku Cefa ni siriguéé. Ê da kua atê Bernabé turu da odía ni siriga ané. ¹⁴ Ola man bê ma ané na se ka lelê veré envagelhu wua, un lumba ki Sefa katxi turu nguê: Si sê sa Judeu magi kagi kua mora zintxi i na mora Judeu má sê ka pô obiga ané vivê mora zurê. ¹⁵ Nón, ku sa Judeu nasiru i na sa pekaru zintxi, ¹⁶ nón ta ma niuã nkênu na sa zustu ni kua ma Alê ka zi mazi punda fé ni Kristu Jizu. Nón bi ni afé de Kristu pa nó sa justu ni afé Né, punda ê na sa né kua ma Alê ka zi wua. Punda si ê sa pa Alê sô néunwa kane ka sa justifikaru. ¹⁷ Mazi, nó ka zi kua pa nó sa zustu ni Kristu, punda nó bê ma nó sa pekarô, axié Kristu ka tô bila ministru pekarô! Ê na sa seto wa! ¹⁸ Si ingazi kua si maun baga za, sa punda ê sê ka baga Alê tá. ¹⁹ Un, ta ni wê de Alê muê da Alê npa un vivê da Dêssu. ²⁰ Apê un kusu ku Kristu, sô na ka tô vevia da un wua, mazi Kristu ka vivê letu un. Aié vira ma nga vivê ni kane, nga vivê ni fé ku Ná Dêssu, ku ka gôgô ku an un, ku da vira rê da un. ²¹ Na ka pô nega glasa Dêssu, punda sê justifikason ka sai punda Alê, Anton Kristu moê rê dudi.