¹ Paulu, un wa apóstulu - na sa un wa apóstulu di patxi ome, ne nê un ome wa, magi punda Jizu Kristu i punda Desu, Tata, ku lata motxi -, ² i turu manu ku aun, ngueza Galácia: ³ Glasa y pagi da sê, di patxi Desu Tata y di Sun non Jizu Kristu, ⁴ ku ê da non punda pekaru non pê livra ni tempu xie di demônô, ku vonté Desu y Tata. ⁵ Ê ta ka turu glória pa sempe y sempe. Amé. ⁶ Un sa pantaru ku seé sa muda seru fogawa pa ôtô Ivangelhu, zeta ungue ku sama seé ni glasa Kristu. ⁷ Ê na tô tê ôtô Ivangelhu, magi ê tê nguê ku ka ngolo fintxi ra sê, me sê dana ivangelhu Kristu. ⁸ Magi, ê pô sa non, ô un anju ku bi onsé ka bi fara un ua Ivangelhu ôtô mora di isé ku non ka faiva ma ka pindji paga ré. ⁹ Ma non fa naria, sô nga fa di non si ôtô nguê fa un an ôtô ivangelhu ku sê kundji. Sê ka pindi paga rê. ¹⁰ Aié, un mesê aseitason di omé ô di Desu? Ô un ka ngolo dji vonté ome? Xi sê ka tenta dji vonté omé na sa sevidouru Kristu wa. ¹¹ Punda un mesê pa ta ua manu, ku Ivangelhu ku fa na sa kua omewa (gina komesu di ome). ¹² Na tué di ome uwa, ane na xina wa, mazi, di vêgi kué, a danbele punda Jizu Kristu. ¹³ Sê ndê lumba di vira un antigi ni judaísmu, mora ma ta persegui ngueza di Desu ku yô fosa. ¹⁴ Un vansa ni judaísmu mazi ku yô judeu anu anu, an sa montxi zwlozu fogawa ne traison di ane zina uw. ¹⁵ Mazi, ola Desu ki gôgô kua un na lega mama un ê sama un ni glória rê ¹⁶ Pa musa na Rêni un, pa fa katxi zintxi, Aun na kosultá nê kani nê sangue, ¹⁷ Na ba Jerusalén ane ki tava apóstulu antji un, magi un veji di kué un ba Arábia ê tô bila ba Damasku. ¹⁸ A ntó, têsi abu bauê, banda Jerusalén ba lêlê Cefas un ta kué kuin tanô ria. ¹⁹ Magi na bê nê ua ôtô apostulu, sela Tiagu, namo Sun. ²⁰ Kua nga screvê da sê, sa setu, ni wuê Desu, ki aun na sa xirigawa. ²¹ Zô aun bé region di Siria ku Cilícia. ²² An na ta konsêru inguê ni nguesa Judia ki tava ni Kristu, ²³ Maji ane ta ndê: "Ixi ki naria ta persegui non aié sê ka fa ni fé ku ê ngolo dana". ²⁴ Ane glorifika Desu punda un.