¹ Na un, obdese tata sê ny Sun, Punda kué sa sentu. ² Obdesê tata ô ku ma sê. Isié sa pimelu mandamento ku plomesa, ³ Pa sê nda buaru, tê vira longo ny tia é. ⁴ Sê tata na, poveka na sê leva wha, sô dy ku[e, kia ane ny dixipina y mondja Sun. ⁵ Xikravo, kundji kua ma Sun dy tia sê ka fa témé tétété ny vere dy konsô sê. Obdesê kua ma ane ka fa, axié mora Klistu. ⁶ Kundji kua ma ka fa é na sa pa sê fingi ré wha dy mora agrado wha sô veji sié, kundji kua ma ka fa mora xikavo dy Klistu, kuali, dy konsô, ndji vonté Dessu. ⁷ Xivi ku turu konsô, sê, mora Sun y na nkênu wha, ⁸ Punda nón ta, ma kuali keru obla buaru kara nkênu ndji, ê ka lesêbê whã lekompensa dy Sun, ê po sa xikavo ô livi. ⁹ Sê Sun ane, ndji kué mé ra xikavo sê, sê miasa. Ta ma nkênu si ku sa Sun ane sa dy sê sa ny onsé, y ku na ka koiê nkenu dy kiba Rê. ¹⁰ ATê kefin, sa forte ny Sun ny fosa dy pôrê Rê. ¹¹ Bixi turu armadura dy Dessu, pa sê poi guênta mali demono. ¹² Punda luta nón na sa kontla kane ô sange wha, mazi kontla plinsiparu, kontla potestade, kontla ku ka ngana maligno ny leno kulo, kontla Supitu demono ny nga selestiali. ¹³ Sô dy kué bixi dy turu armadura dy Dessu, pa sê sa kapazi dy lizisti ny tempo mau pa, pia sê zi turu kua é ndja fimi. ¹⁴ Sô, ta fimi, depoge dy pê xintu dy veré kourasa dy zustisa. ¹⁵ Pê sapatu opé ku prontidão pa plokama vangelho dy pazi. ¹⁶ Ny turu lugué, tua eskudo dy afé, ra kuali bô ka sa kapazi dy paga turu mali giru dy maligno. ¹⁷ Pê kapasête dy salvasó y supara dy Supitu, ku sa lumba Dessu, ¹⁸ Ku turu lasó ku suplika, fa lasó turu tempo, ny Supitu, pa sê sa semple ka vijia, ku turu perseveransa ka fa lasó ra turu Santu. ¹⁹ Fa lasó ra un tuze, pa mensagem ka pô sa faru ola nga biri boka un. Fa lasó pa un sa ki gosto ka pô zi ane konsê veré kondeiru dy vangelho. ²⁰ Ra vangelho ma aun sa whã embaxaru ny pezu, dy mora ku, ny pezu, aun ka pô ka ku kurazi, mora nga pô fa. ²¹ Tikiko, amaru na mon un y fiéli sevo ny Sun, ka zi sê turu konhesiru, pa toze sê ta kua ma sê ka zi mora é mé. ²² An un mandé pa sê ku plopozitu é, pa sê ta rispeitu un, pa êlê Ê konforta kosó sê. ²³ Ku pazi ka sa ku ná món, ku amolê ku afé dy patxi dy Dessu, Tata y dy Sun Jizu Klistu. ²⁴ Ku glasa sa ku turu nkênu ku ka ama Sun nón Jizu Klistu ku whã amolê ku na ka moê wha.