¹ So ria di Pentekoste xiga. tava turu zuntaru ni wha nga. ² Pa so bi di osé wha tometu mora wha vento fuguru e xialé turu kai nga ma ané tá tasoru né. ³ E plase lungua mora di fogo ku fo patxiru katxi ane yane pasa katxi kara wha ané. ⁴ Turu ané xia ku supito santo ikomesa ka fá oto lingua, mora supito da ané páf a. ⁵ Tava ka tá ni Jerusalém Judé massu di turu nacon basu osé. ⁶ So ma ané nde tometu é yo povo zunta ane ta se kua fá punda kada wha ane nde fá plopi lungua ané. ⁷ E tava pantaru dimira fá: Vere na sa Galileu turu ane ku sa fa wha. ⁸ Mora ma nó se ka nde ka fa kada wha ané ka fá plopi lingua non. ⁹ Non sa du partos medos elamitas, inkenu ku vivé ni Mesopotamia ni Judeia i ni Capodocia no Panto i ni Asia. ¹⁰ Ni Frigia i ni Panfilia, ni Egito i ni partes di Lbia petu di Cirene vizita di Roma, Judeu i proselitos ¹¹ kretenses i arabes turu non ndé fa lungua no pure obla di Dessu. ¹² Toru ane tava pantaru mrndu fa wha ku oto. Kua m kue ka fa. ¹³ Magi oto zomba fa: Ane sa xiaru di vim novo. ¹⁴ Mazi Peru lata ku onze lata vozi re, e fa: Omé di Judeiaa turu ku tá ni Jerusalém, se ka ta kue é se ka nde lumba un. ¹⁵ Ané ngena sa beberaru wha mora ma se pensaua punda sa pena tesi ola di ria. ¹⁶ Mazi yé sa kua ma plofeta Joel ta fá: ¹⁷ Ny utimo ria fa Dessu; Nga derma supito um da turu kane: Mosu se na se ka ba profetisa jove se ka te oe ve se ka sonha. ¹⁸ So diba ane mosu kia idiba ane na kia un lingua lukua supito un so ane profetisa. ¹⁹ Nga musa ane kua buaru ni diba osé ku xinali kosi tia: sange fogo vaporo digó. ²⁰ Sisima pore ka tua tia mbezi ka snge anté ku kabi ku meme gloia ria di Sum. ²¹ Kuntese ku turu nkenu ku fa nome di Sum sá salvo. ²² Omé dy Israel, ndê lumba é: Jizu dy Nazaré, omé na Dêssu papa oyê sê ku milage, ku yô kua buaru ku sinali ma Dêssu zi ni katxi sê má sê tá, ²³ Punda kua ma ta fa ku vonte Dêssu, Ané tué y ni mó omé sê alê, sê pê kusu sô maté: ²⁴ Ngê ma Dêssu kora kebia lege motxi, punda ê na fô sato pa ê sa pesu rê ua. ²⁵ Sô, respeito êlê sô fá Davi: Aun bê semple Sun petu un, sô ê sa direita un pa aun na sá xatiaru. ²⁶ Punda, koso un sá ku gosto lungua un gôgô kuê, atê mora é mé kani un ka poza ni esperansa. ²⁷ Sô na bandona aliima un ni Hadi, ê na pimiti ku Santo rê ka sofrê korrupisón. ²⁸ Bô musa mondja di véré, Bô ka xia di gostu ni wê ô. ²⁹ Ná món, aun ka pô fa seguru ku respeitu di patriaka Davi, Ê moê yô, mora ma tié, i tumba rê sa katxi nón atê oze. ³⁰ Punda Ê sa whã plofeta, I ta ku Dêssu ê plometê ku juramentu, má ê ka pê whã ná món rê ni trono rê. ³¹ Ê pêvê kué é fa serka di ressurrison di klistu: Ê na fô bandonaro ni Hade, ni kani rê soflê korrupson. ³² Jizu é ngê ma Dêssu ressusita, kua turu nón sa testemunha. ³³ Me sa xi be ku é direita di Dêssu lesebe di Tata plomessa di Supirito Santo, kua fo delamado wê sê ka ndê. ³⁴ Punda Davi na subi osé whã, mazi ê fa: Sun fa Sun un: taso direita un, ³⁵ Atê ma nga ndji turu numigu ô letxa basu opé ô. ³⁶ Punda, turu kai Israel ta, ma Jizu é, ngê ma sê kusifika, Dêssu ndji Sun i Klistu. ³⁷ Ma ane ndê kué é, koso ane tá ku leva i ané fa Peru ku ôtô apostulo: Na mon, kua ma nó ka pô ndji! ³⁸ I Peru fa: Lependê kada whã di sê ka sá butizaru ni nome di Jizu Klisto, pa pero pekaru sê ka lesebe don di Supito Santo. ³⁹ Punda, plomessa sa pa sê, pa ná sê pa turu ku ka sa longi, pa turu ma Sun Dêssu nó sama. ⁴⁰ Ku yô ôtô lumba Ê testifika ézata fa, salva di gerasón mali é. ⁴¹ Antó, nkênu ku aseita lumba rê fô butizaru, dia si za fô omentaru seka di têsi mili alima. ⁴² Ê fika rê ni doutrina di apostulo ni komunhó, ni patxi di pón ni orasó. ⁴³ Sô kada alima ka bê rispeito, yô maravilha, xinali sa ziru ni katxi apostulo. ⁴⁴ Turu nkênu ku kelê tava zunto turu kua mora whã. ⁴⁵ Bendê turu kua ané y patxi ku turu, mora mali di kada whã. ⁴⁶ Anto, turu ria ane tava ka vivê ni whã popozitu ny ngêza, ka patxi npón ni kai kai, ka mé mé zunto ku gostô singileza di kosó, ⁴⁷ Ane ta ka louva Dêssu ni favolo di turu pôvô. I Sun ta ka omenta ria após ria ku ka bê ka sá salvo.