¹ Paulu, ku Silvanu, ku Timoteu, Ngêza tesalonika, ni Dêsu Papa non, ku Sun JIzu Klistu. ² Katxi sê ka tê paji ku glasa de Tata non, ku Sumu Jizu Klistu. ³ Non tê ku da semplé glasa Dêsu da sê, punda ê sa buaru, punda afé sê sô ka banda motxi sô amôlê ri koda wã sê sa bili wã ku ôtô. ⁴ Mora é, non mé ka tô xintxi gosto ku sê, katxi ane ngêza di Dêsu, da paxensa sê ku afé sê turu persegison ku aflison ma sê suporta. ⁵ Ixié sa wã xinali ri zustu zugamentu de Dêsu. Sô rezultaru sa ku sê ka sa konsiderdu buaru ni lênu Dêsu, de kua ixié ma sê padisê. ⁶ Ê sa justu ku Dêsu ka rekompensa ku afliso ma ji sê, ⁷ Ê ka ra sê aliviu, sê nã ane afliso ku non. Ê ji axi ni revelason de sumu Jizu, bêru ni Onsé ku ane anzu de pôrê rê; ⁸ Ku labareda de fôgô, Ê ka kastiga ane nkênu ku na konsê Dêsu wa, ku ane nkênu ku na kundji Evangelho ri Sumu JIzu. ⁹ Ane ka sofre kastigu ku perdison da semple, londji wê Sumu ku gloia ku pôrê Rê. ¹⁰ Ria xiza, ola Ê ka bi pê sa glorifikaru ni pôvô Rê sô maravilhozu ku turu nkênu ku kêlê, Punda testemunhu non sê kêlê. ¹¹ Punda kua é non tê na ndja de ji laso ra sê pa Dêsu non konsidera sê retu ni xamada sê kumpli turu plopozitubuaru ku obla de afé ku pôrê. ¹² Pa ku nomi de Sumu Jizu ka sa subiru ni sê, ku sê ni, glasa rê Dêsu non ku Sumu Jizu Klistu.