¹ Amaru, za ma tê plomesa é, sa limpu dy turu kua ku ka zi sê sa suazaru ny agê non sipitu. ba tua turu ka buaru ny tleme Dêssu. ² Zunta sê ny koson non. Non na zi mali ô zi nkênu mali na txia kua buaru dy nkênu wha. ³ Na fa kua é wha pa kondena, punda an fa za ku ta ny koson non, pa zunta sô muê y zunta sô vivê. ⁴ Ntê mé kunfiasa ny sê, an sa ku yô goso, me ri turu demanda sê. ⁵ Ma non bi Masedônha, ogê non na tê sosegu wha. punda kua é, fô tometaru ri turu mora: demanda ny esterior tleme ny letu. ⁶ Mazi Dêssu, kaluma dizanimu, kaluma ku siga Titu. ⁷ Na sa punda bô bi wha ku Dêssu kaluma non, mazi sô ra kaluma ku ê tua ri sê. Ê konta non ri meme afison sê, pesa sê pekupason sê fundu ra an, punda kua é nga sa ku goso masi anda. ⁸ Mora é mé ma kata un ta ku leva, na ka lependê rê wha, ma an ta lependê ma an bi kuê desa sê ku leva anda ra whã ola é sô. ⁹ Whêlemé an sa goso, na punda ta ku leva wha mazi punda leva sê bi ku sê ba lependê. Sê pova whã tisteza segundu Dêssu, anto na sofe pende né whã punda non wha. ¹⁰ Punda tisteza divinu ka bi ku lependê ku ra savason sê kupa, tisteza ri mundu, sô kabi ku motxi. ¹¹ Bi ku meme manda tisteza si é segundu Dêssu ku klese ny sê. Kua meme sa mandá sê pa pova nôsêntxi sê. Kua me me sa dignason sê, temé, vonté, zela, ku disizon dy pia zustisa sa ziru! Ny turu pova sa nosêntxi ny kua é. ¹² Ma an ta sisikaru, na sisika punda ngê mau, né punda nkênu ku padisê mali, mazi pa non fa veré ku non mé fô konseru ra sê whê Dessu. ¹³ Punda kua é, non sa ku koraji. Punda popi ku buaru non, non ka sa goso masi anda ra goso ri Titu, punda supitu ô fo renovaru ra turu sê. ¹⁴ Sô sa ku ôgulhu sê whê rê na fô vegonharu wha, ra ôtô, mora ma turu kua ma fa sa veré, ôgulhu non ri sê Titu sa veré. ¹⁵ Afison rê ra sê sa meme, djira kuê ê ka lembla ri kundji ri turu sê ri mora lesebe ku teme tetete. ¹⁶ An sa ku goso punda punda ntê kunfiasa kumpletu ny sê.