¹ Kuaxi ma luma sa setu pa kêlê: xi Nkênu sa mêsê sa wã bispu sa mêsê wã suvisu buaru. ² Sô bispu tê ku sa sê represon, ome de wã mengai, moderaru, sensivel, respetaru ka pe ngê ni kai, setu pa xina. ³ Ê na ka sa dado vi wa, ni buaru; di kué, livi ku paji. Na pô sa pegaro ni vi wa. ⁴ Ê tê ku governa buaru kai rê plopi na ré té ku obedêsê ku turu respêtu. ⁵ Punda xi wã ome na ta mora govenu buaru plopi kai rê, ma ê ka ra konta ngêza Dêsu ⁶ Ê na ka pasu novu kovertido, pé na bila wê xa sô kiê ni kondenaso mora demono kiê wa. ⁷ Tê ku tê wâ testemunhu buaru, ku ane de lua, pa ane na kié ni mali wa sô ni tela de demono wa. ⁸ Ane diakunu té, tê ku sa respetaru, ku wã lumba sô. Na ka pô bêbê iô vi wa, né sa avrentu. ⁹ Ê tê ku sa ku seginero de afé ré ku wã kuxensa limpuru. ¹⁰ Ane té tê ku sa esprimentaru pimelu sô, anton ê tê ku xivi punda ê sa lepleson. ¹¹ Ane mengai, de mora é mé, tê ku sa respetadu. Na ka pô sa fa vira ngê wa, maji, moderadu fieli ni turu kua. ¹² Ane diakunu tê ku sa ome de wã mengai sô. Govena buaru nã ré ku kai rê. ¹³ Punda nkênu ku ka xivi buaru, tua ré wã buaru pozison ra tê wã ngairu konfiansa ni afé ku sa ni Klistu Jizu. ¹⁴ Nga eskrevê sê ane kué ka wara pa mba lêlê sê maxi seru. ¹⁵ Maji, xi un traza, bo té ku ta mora di ji ni kai de Dêsu, ku sa ngêza de Dêsu vivo, kuluna ku suporti de vêrê. ¹⁶ Na ka pô nega ku é sa ngairu segêru de pedade. Ê tê biru ni kani ku lênu ni supitu bêru ri anzu ba ji da turu nason, keleru ni mundu gabaru ni onsé.