¹ Paulu, apostulu de Kristu Jizu de akordu ku ordi di Dêsu, salvarô ku Kristu Jizu, ma non sê ka wara, ² A Temoteo, wã vere nã ni afé, mizerdikodia ku paji Dêsu Táta, ku Kristu Jizu, savarô non. ³ Mora ma un loga, ala ka xiê ba Masedonia ta efezu pa pô da konsê ane nkênu pa ane na xina un ôtô dotrina wa, ⁴ Na presta atenson ni istoria ku jeneolojia ni fin ku ka da diskuti inveji de zuda planu di Dêsu, ku sa de afé. ⁵ Maji kuaxi di konsê ê sa amolê ku ka da di koso limpuru, di wã kuxensa buaru di wã afé setu. ⁶ Ê tê nkênu ku na ku gana vira rê sô xiê punda lumba fasu ⁷ ane mése sa mése de alê, maji sê ta kua mata fa, ni kua ma sô ka forsa paji. ⁸ Maji non ta ma alê sa buaru xi ê sa uzaru de mora mê ka ra. ⁹ Sô non ta ma kué, alê na sa jiru ra justu, maji ra ane rebelde ku sa sê alê, ra ane inkredulu ku pekarô, ra ane nkênu ku ka mata ane plopi ma a ku Táta, ra ane asasinu, ¹⁰ sô ra ane nkênu ku ka ji kua sexu imoral, ra ane nkênu ku ka vévia ni vira homoséxual, ra ane nkênu ku ka bendê eskravu, ra ane xidigarô, ra fasu testemunhu, ra turu ku sa kontra dotrina. ¹¹ Dotrina é sa rê akoro ku evangelho gloriozu ri Dêsu benditu, ku an kunfia né. ¹² A nga pindji obrigado, Klistu jizu, Sumu non, ku ka ra un fosa, punda Ê bi un fieli, Ê pê un ni obla é. ¹³ A un era wã ome ku ta ka fa mali ka pisigi, ku fasu, maji aun resebê mizerdikodia, punda aun ta ka ji kua é, ku leva ni inkredulidade un. ¹⁴ Maji glasa de sumu non txia un ku afé ku amolê ku sa ni klistu jizu. ¹⁵ Lumba é sa sétu sa retu de turu nkênu ku ka seta: Klistu Jizu bi tía é pê sava ane pekarô, sô aun sa piolo de ane. ¹⁶ Maji, punda lazó é, aun resebê mizerdikodia, de mora ku aun piolo de pekaru, Klistu Jizu ka pô musa turu paxensa. Ê ji kua é mora un exemplu ra nkênu ku ka bi kêlê Né, ra vira ra sémplé. ¹⁷ Axié, Alê pa semple, ku na ka muê wa sa ma a na ka bêwa, sa un ka Dêsu, a ra respeitu sô ré gloria ra semple ku semple Amem. ¹⁸ Aun ka ra ô konsê é, Timoteu, na un ni mo profesia jiru a respeitu ô, pô subi ni sô pô luta buaru. ¹⁹ Ji kua é pô pô tê afé, sô ma buaru kuxensa. Ôtô nkênu ta zeta sô naufraga afé ane. ²⁰ Ane nkênu é sa Himeneu ku Alexandre. Aun tlega ane ra satanas, pa ane ta ma ana ka sa fa mali ngê wa.