¹ Sê me ta, ná mon, punda vizita nón da sê na fô évon. ² Ta ma nón sofle y non fô tlataru dy mora vegonha ny Filipo. Mora é mé axé non ta ku konfinsa ny Dessu nón pa fa dy vangelho ku sê, me ny kantxi méme mali. ³ Punda kua ma nón ka fa na sa dy mili wha né suzu wha né siriga wha. ⁴ Mazi, axé mora ma nón be buaru ra Dessu ku vangelho ka zi nón kufia né, axé fa, na pa ê yê omé wha, mazi pa yê Dessu. Ê sa nkenu ku ka pia konso nón. ⁵ Sô nuka nón ka tua lumba Dessu ku pôvega wha, mora ma ô ta né ku intenson ku gana. Dessu sa testemunha kué. ⁶ Na tua gaba dy omé wha, né dy sê né dy ôtô. Mora melú Klistu, nón kapô golo moru dy sa ixibiru wha. ⁷ Dy kua xi é, non fô buaru kantxi sê, mora whã mama ka sintxi ku na rê. ⁸ Dy mora é mé, punda kua ngairu buaru ra sê nón sa ku ngoso ri zunta ku sê ny ku Vangelho Dessu sô whã mazi ku plopi vira nón turu. Punda sê bila migu nón fogawha. ⁹ Ná mon, sê duvida sê lembla dy suvisu non ku kansa. Nón taba pomonha ku nsuku pa na sa mora whã kega ra né whã sê wha. Djina tempo si za, sê ka plega Vangelho dy Dessu. ¹⁰ Sê sa testemunha axé é mora Dessu, dy mora nón kaluma dy mora santa, zunta sê lepenson ra sê, ku kêlê. ¹¹ Dy mora é mé, ta ma nón ka vivê ku sê mora whã Tata ka zi ná rê, ¹² Nga tô fa sê tô ra sê kosó sô ka vugu pa sê vévia mora buaru ku Dessu, ku ka sama sê pa lenu ku goia rê. ¹³ Ra kua é nón turu pindji Dessu semple. Punda ola sê tua Lumba mon nón ma sê ndê sê na kundjê mora lumba omé wha, mazi mora Lumba Dessu véré. Yé sa Lumba ku ka zi sê ku ka kêlê turu. ¹⁴ Punda sê ane ná mon, ma sê bila ka mindji ngeza Dessu ku sa ku sa tia zurê, ku Klistu Jizu. Punda sê turu ka parisê kua é mé ri nkênu tia sê, mora ma ane parisê ku zurê. ¹⁵ Ê sa ane zurê sô mata Sun Jizu ku pofeta. Ane sô kolê mema nón. Ané na ka zi kua buaru da Dessu wha sô tô sa numigu turu omé. ¹⁶ Sô tô puvi nón fa ane zintxi ra savason ané. Ri mora é sô omenta pekaru ané. Leva bi ra ané atê atê. ¹⁷ Nón, ané ná nón, londji sê, whã dosu ria whê sê mazi na ri konso wha, nón sê ka ngolo ku vonté foga wha ri tô bê sê ningi. ¹⁸ Punda nón mê sê ba Lêlê sê. Aun Paulu ngólo ba lêlê sê masi rokê whã vê, mazi demono na mê sê wha. ¹⁹ Punda ola Sun nón Jizu ka tô bi ngey ka sa sperasa nón ku legêla ku kloa dy goia whê Rê! Sô yé na sa sê mora ôtô whã! ²⁰ Punda sê sa goia ku legela nón.