¹ Nga fa ra presbiteru katxi sê, an turu whã presbiteru sô sesteminha parisê Klistu ku ka tua patxi goia ku ka bi sa biriru: ² Tua konta ane ombô Dêssu ku sa katxi sê. Nda ku ane ê na sa obligaru wha, mazi nga-sá mora ma Dêssu mesê, na punda vonté ra wha kua wha, mazi ri ngosô. ³ Na zi mora sefi ku sa diba nkênu ma sê sa konta ane wha, mazi musa zemplu ra ane. ⁴ Ola sefi Pastoru ka bi musa sê ka tua whã klôa glavi ku na ka rana wha. ⁵ Mora é mé, ma sê jóve ka lispeta masi tamé. Turu sê baza ntê sô sivi otô, punda Dêssu na ka liga lifiron wha, mazi Ê ka ra bensa ra soségaru. ⁶ Sô baza ntê kosy mon Dêssu, asy-é Ê ka gaba sê whã ria. ⁷ lukua turu kua vira sê pê diba Rê, punda Ê ka zura sê. ⁸ Ta supetu ka zongó, punda numigu sê, demóno ka lonka mora lion ka londa ka ngoló nkênu pa ê mé. ⁹ txô kotá rê ndjaru ku afé punda sê ta ma ane ná amon sê ku sa mundu, sê ka passa mora parisê é mé. ¹⁰ Sô olá sê ka parisê txó whã dosú ria, Dêssu ku turu vonté ma Ê sama sê ra gloia Rê atê atê ny Kistu, ka sina sê ka pê sê sa buaru sô ra sê fôsa. ¹¹ Ê ka domina atê atê. Amé. ¹² Punda Silivany, ma ngá kunfia né mora ná amon un buaru, ma un sisika ra sê séru fogá wha ka viza sê ka fa ma yé sa vonté Dêssu, véré ma sê sa plontu. ¹³ Ane gupu ngê Dessu ku sa Babilonha ka manda sê mantxá, asyé ku ná un Maku. ¹⁴ Fa otô mantxá ku beju santu ku amolê. Pagi ka sa ku turu sê ku sá ny Kistu.