¹ Ayé ra koleta ra Santu, mora ma un manda ngêza Galásia, zié mora é mé turu. ² Pumbê ria somana, kara whã sê baga kua ma bô ka poy sô pê alimanzé, pa ê na tê koleta ola nga bi wha. ³ Sô ola nga vitxa kua si ma sê pova, nga manda sê ku kata pa sê ra pezentxi sê Jeruzalê. ⁴ Si ê sa pmbé popi ané na ka bé ku an wha. ⁵ Mzi nga ba lêlê sê ola nga la Masedonha. ⁶ Katxê nga pô ta ku sê ô pasa ngavana ku, pa sê zura un ku suvisu, nga ma nga mêsê bé. ⁷ Punda na ka mêsê bê sê ayié txo wha punda nga whara pasa txo ku sê, si Sun plomêtê. ⁸ Mazi nga fika Efeziu atê fesa Pentekosti. ⁹ Punda whã poto ngayru biri ran buaru, sô ê tê yô numigu. ¹⁰ Sô ola Timotiu ka vitxa, ngolo pa ê sa ku sê sê mendu, punda ê sêka zi suvisu Sun ora un. ¹¹ Sô pa né nkênu na bila méma ré wha. Mazi bé kuê ku paji pa ê bi lêlê un punda un sêka wharé ku ané ná amon. ¹² Ola ná amon Apolu, ku un ku fosa ku kuraji ba vizita sê ku ané ná amon dy kuali kéru moru ê mêsê aié, ku turu êlê ka bé ola mê tê opotunidari. ¹³ Biri whê ta fimi ny afé tê kosó sa fotxi. ¹⁴ Turu kua ma ô ka zi zié ku amolê. ¹⁵ Sê ta ané dy kay ry Estefana sa pumbê ku konvertê ny Akaia ku suvisu ry ané Santu. Aié an nga loga na mon , ¹⁶ Bô umilha ra ané nkênu é y kara whã ku ka taba y ka zunta ku non. ¹⁷ Sô nga ta ku ngosô ku ola Estefana, Futunatu ku Akayku. Ané ka lispêta mema sê. ¹⁸ Punda ané zura supitu un ku ri sê. Antó ta mora nkênu mora yé. ¹⁹ Ngêza Azia ka fa sê mantxa. Akila ku Pisila ka fa sê mantxa ku sun motxi foga wha, ku ngêza ku sa kay ané. ²⁰ Turu ná amon ka fa sê mantxa. Fa otô mantxa ku bêju buaru. ²¹ An Paulu, sêka sisika kua é ku popi mon un. ²² Si nkênu na ka ama Sun wha a pagé ku mali, Sun sêka bi! ²³ Ma favôlô Sun Jizu ka sa ku sê. ²⁴ Amolê un ka sa ku turu sê ku Kistu Jizu. Amé. Pumbêlu kata ra korintiu a sisiké ny Filipu, mandaru ra Estefana, Akaiku ku Timotiu.