¹ Sigi amolê sô mesê ku vonté mora supitu, masi buaru sa ri fa kua Dêsu. ² Punda nkênu ku ka fa lungua na ka fa ra nkênu wha mazi ra Dêsu. Punda né whã nkênu na ka té wha, punda ê ka fa misteriu ny Supitu. ³ Mazi nkênu ku ka fa kua Dêsu ka fa ra nkênu ri zi, ra kosó sô anoma . ⁴ Ané ku ka fa lungua ka koseté mé, mazi ku ka fa kua Dêsu ka koseta ngêza. ⁵ Ntá gosta pa turu sê ka fa lungua. Sô masi motxi rô kê yé, nta mesê pa turu sê ka fa kua Dêsu. Nkênu ku ka fa kua Dêsu sa masi ngay rokê ku ka fa lungua. ( a ménu pa nkênu ka tô fé pa ngêza koseta). ⁶ Sô na amon, si unvitxa kota sê fa lungua, kuali kua buaru ma nga bi kuê ra sê! né whã ! Pa ê na sa pa nga fé pa sê bê ô tô siné. ⁷ Si strumentu sê vira ka lonka mora pitu ô koneta, ê na ka lonka otô mora lonka mora ma nkênu ka ta kuali toki ma pitu ô koneta sêka toka wha! ⁸ Punda si buzina toka whã mora tapayaru ma nkênu ka ta ma ê sa ola luma ra ngêla! ⁹ Asyé sa mora sê: Si sê komesa ka fa kua ma a na ta wha ma nkênu ka ta kua ma sê sêka fa! Sê ka fa mazi ne whã nkênu na ka ta kua ma sê sêka fa wha. ¹⁰ Si duvira ma ê tê yô mora lungua lêtu tia mazi né whã ané na sa sê pa a té wha. ¹¹ Sô si na ta kua ma lungua é sa wha, nga sa mora nkênu tokaru ra nkênu ku ka fé, sô ê ka sa nkênu tokaru ran. ¹² Mora é mé ku sê: ma sê sê ka mêsê pa Supitu zi kuakuali kua, vugu pa ê zié pa ngêza sa buaru. ¹³ Sô ngê ka fa lungua tê fa lason pa a pô tô fé pa a tá. ¹⁴ Punda sy nga fa lason ku otô lungua, supitu un sê ka fa lason mazi ntê un sa sê mé. ¹⁵ Kua nga zi! Pa nga fa lason ku supitu un, mazi mazi ku ntê un turu. Nga kata ku supitu un sô ku ntê un turu. ¹⁶ Sô si sê ka kata ra Dêsu ku supitu, ma otô nkênu ka kundji "Amé" Ola bô sê ka ra gasa, sy ê na ta kua ma bô sê ka fa wha. ¹⁷ Sê veré ka ra gasa bua foga wha, mazi otô nkênu na ka zi mora é wha. ¹⁸ Nga pindji Dêsu ra mora nga fa lungua masi rokê turu sê. ¹⁹ mazi si ngêza nta mêsê fa tanon kua ma nta pa nga sina otô, ka fa kuyni mili lumba ny lungua. ²⁰ Ná amon na sa ná pikina wha. Masi, ra ané mafé, sa mora ná pikina, mazi ku kua ma sê ka pensa sa bobôru. ²¹ Ny alê sa siskaru: Ra omé otô lungua sô ku lungua tokaru nga fa ra pôvô é Asyé mé, ané na ndê un wha, Sun sô fa. ²² Sô lungua na sa whã sinali ra kiston wha mazi ra ané na sa kiston wha, mazi fa ku Dêsu sa whã sinali ra ané ku na sa kiston wha mazi ra ané kiston. ²³ Sô si turu ngêza ka zunta sô turu ané ka lungua si ané kusa lua ô ku na sa kiston wha vitxa, ané na ka fa ma sê sa dorô wha! ²⁴ Mazi si turu sê ka sê ka fa Dêsu sô whã ku na sa kiston wha ô nkênu ku sa lua vitxa ané ka kuxintxi ku turu kua ma ané ndê sô ané ka zuga turu kua ma a fa. ²⁵ A ka sêgêru koson ô, mora kua ma ê ra, ê ka baza ntê pê son ngôgô Dêsu, sô ka fa biriru ma Dêsu sa ku sê veré. ²⁶ Sô ma ná amon! Ola sê ka zunta, ka ra whã tê whã salumu, whã kua ma s ka sina, whã kua ma a bi tá whã lungua ô whã kua ma ô tô fa. Zié turê pa ngêza sa buaru. ²⁷ Si nkênu ka fa ku whã lungua, ma ê ka sa ra dôsu ô têsi masi, sô whã kara vê, sô nkênu tê ki tô fa turu kua ma a fa. ²⁸ Sô si nkênu na sa ri tô fé wha, ma kara whã ka ta suraru lêtu ngêza. Desé pa ê ka fa kuê mé ku Dêsu. ²⁹ Ma dôsu ô têsi pofeta ka fa sô ma otô ka ndê ku kuiraru kua ma ê fa. ³⁰ Mazi si nkênu ku sa tasoru bi ta whã kua ku bi ntê rê ny kutu, ma nkênu ku sêka fa ka kaboka. ³¹ Punda kara whã sê ka pô pofetiza, whã whã whã pa kara whã ta, sô turu sê ka tê kosó. ³² Punda supitu pofeta sa kotolaru ku pofeta. ³³ Punda Dêsu na sa Dêsu demanda mazi ri pazi. Yé sa oji turu ngêza santu. ³⁴ Ané mengay tê ki kaboka lêtu ngêza, punda a na pomêtê ané fa wha. Sô ra kua é ê tê ki ta kosi oji mora ma alê ka fa turu. ³⁵ Si ê tê kuakuali kua pa ê sina ê ka desé pa ê puta omé rê kay. Punda ê sa vegonha pa mengay fa lêtu ngêza. ³⁶ Lumba Dêsu bi ra sê! Sê sa uniku ku tué! ³⁷ Si nkênu ka kunda ma ê sa whã pofeta ô ku supitu, ê toka ta ma kua ma un sisika ra sê sa kua ma Sun manda. ³⁸ Mazi si nkênu na ka ta kua é wha, ma ê na ka té wha. ³⁹ Sô ná amon, ngolo ku masi vonté pofetiza, sô na puvi nkênu ku ka fa lungua wha. ⁴⁰ Mazi ma turu kua ka sa ziru ku lispêtu sô ku odji.