¹ Un pô ka fa lungua ané omé ku ri anzu, si na tê amolê wha, ê ka sa mora whã xinu ô whã tambôlô ku ka toka. ² Un pô ka tê jêtu ri fa kuakuali kua setu sô ta turu veré kondêru sô ta turu kua sô tê turu afé ri mura mundu, si na tê amolê wha na ka sa né whã kua wha. ³ Sô un pô patxi turu kua ma nga tê ra pobli mé sô un pô ra ongê un pa a kemé, mazi si na tê amolê wha ê na dienta né whã kua wha. ⁴ Amolê ka tê paxensa sô buaru. Amolê na ka pê whê wha na ka tê whê riba nkênu wha: na ka zi luxu wha, ⁵ na ka sa má fé wha, na ka ngolo turu kua ré sô wha, Na ka satia seru wha, na ka pê ngê kosó wha. ⁶ Na ka sa ku ngoso ku mali wha, mazi ka sa ku ngoso ra kua veré. ⁷ Amolê ka sufi turu kua, ka kêlê turu kua, ka whara turu kua sô ka ngênta turu kua. ⁸ Nunka amolê ka loké wha. Si ê tê nkênu ka fa turu kua ê ka pasa, nkênu ku ka fa lungua ê ka ndja, nkênu ku ta kua, ê ka pasa. ⁹ Punda non ta whã kiba sô ny whã kiba non ka fa: ¹⁰ Mazi ola kua ku sa buaru ka bi, ysi ku sa patxi ka pasa. ¹¹ Ola un tá ná pikina un ta ka fa mora ná pikina, ka pensa mora ná pikina ka zi zugamentu mora ná pikina. Ola un bila ngê tamé un desa kua ná pikina. ¹² Ayé non ka bê mora supê sê kerari, mazi sô non ka bê polo polo. ¹³ Ayé un ta kiba, mazi sô nga bi ta turu kua mora ma a bi ta un setu. Ayé tesi é ka ta: afé whara ku amolê, mazi masi ngay ané sa amolê.