¹ Un mêsê pa ané ná amon ta, ma ané tata non turu ané ta kosi ombosi sô turu ané la mionga. ² Muzé sô butiza ané ku ombosi ku mionga. ³ Sô turu ané mé whã mé supitu é mé, ⁴ sô turu ané bêbê whã b^bê supitu é mé. Punda ané bêbê ri whã loxa supitu ku ta ka lêlê ané, sô loxa é sa Kistu. ⁵ Anto, Dêsu na ngosta masi motxi ané wha, sô kavera ané poto pê whã nga sê né whã kua né. ⁶ Ané kua é sa whã zempu ra non, pa non na ka mesê zi mali mora ma ané zi wha. ⁷ Na sivi fêgula mora whã whã ané ta wha. Mora ma ê sa sisikaru: Ané nkênu tason pa mé tô bêbê, sô lata pa ané trêtê. ⁸ Non na ka ba dumi ku otô atôa mora ma yô ané zi, bêru ma, punda kua é, vintxi têsi mili nkênu muê whã ria. ⁹ Né non na ka papa Kistu, mora ma yô ané zi, sô ma kiongô loké ku ané. ¹⁰ Na ngungunu turu, mora ma yô ané zi, sô anzu motxi loké ku ané. ¹¹ Sô ané kua é ra ku ané, mora zempu ra non. A sisika ané ri viza non, punda fin tempu sêka bi. ¹² Sô kuakuali ngê ku ka kunda ma ê sa ndjaru tua kautela pa ê na kiê wha. ¹³ Né whã povegason na bi ra non ku na sa pisizu ra turu nkênu wha. Mazi Dêsu sa fieli. Ê na ka desa povega sê masi rôkê ndjira ma sê ka poy kuê wha. Êlê ka ngolo mora ma sê ka poy ngêta. ¹⁴ Sô, ané ná amon, na sivi fêgula wha. ¹⁵ Nga fa sê mora nkênu ku ta kua, Asyé sê ka poy kêlê kua ma nga fa. ¹⁶ Kalsi bensa ma non ka ra bensa, na ka zunta non ri sangi Kistu wha! Mpó ma non ka patxi na ka zunta non ri ongê Kistu wha! ¹⁷ Punda ê tê whã mpó sô, non ku sa motxi non sa whã ongê. Turu non ka zunta ra whã mpó sô. ¹⁸ Pia pôvô Israeli: na sa ané ysi ku ka mé sakifisiu ma a ka zunta atali wha! ¹⁹ Anto kua ma un sê ka fa! Ma fêgula sa whã kua! ô ma mé si ma a sêka sakifika ra fêgula sa whã kua! ²⁰ Mazi nga fa ma kua ma ané diskrenti ka sakifika, ané zi ané kua é ra demona na sa pa Dêsu wha. Na mêsê pa sê ka zunta ku demono wha. ²¹ Sê na pô bêbê kasi Sun ku kasi demono wha. Sê na pô zunta meza Sun ku meza demono wha. ²² Ô non sêka povéga sumi ku Sun! Non sa masi fotxi rôkê! ²³ A pô zi turu kua, mazi né turu kua ku sa buaru wha. A ka pô zi turu kua, mazi né turu kua ku sa buaru ra nkênu wha. ²⁴ Né whã nkênu na ka pô ngolo kua buaru. Ra kua é, kara whã ka ngolo kua buaru sô ra whã nkênu ku sa vota rê. ²⁵ Sê ka pô mé kuakuali kua ma a ka bêndê fela, sê ngolo kuxensa. ²⁶ Punda tia ku turu kua ku sa né sa ri Dêsu. ²⁷ Si whã diskrenti kuvira sê ri mé whã mé sô bô mesê bé, mé turu kua ma a pê méza ra sê, na puta né whã kua wha punda kuxensa. ²⁸ Mazi si nkênu fa: Mé é sa ri fesa fêgula, na mé wha, punda a viza sê sô punda kuxensa. Punda tia ku turu kua ku sa né sa ri Sun. ²⁹ Na ka fa kua é ra kuxensa sê wha, mazi kuxensa ôtô nkênu. Punda kuay ma liberari un ka pô sa zugaru punda kuxensa otô! ³⁰ Si nga mé mé ku vonté ra kuay ma a ka kéta ku un ra kua si nga ra gasa! ³¹ Punda, bô mêsê mé ô bêbê ô zi kuakuali otô kua, zié turê pa goya Dêsu. ³² Na zi pa zurê, ô gêgu, ô ngêza Dêsu tapaya wha. ³³ Mora ma nga ngolo bua ra turubnkênu ra turu kua, na ka ngolo ben ra un sô wha mazi ri yô nkênu pa ané ka pô sava.