¹ Lembli-inem pinem tende nem ku sa uê papelo glovenado, bila cutinem pinem sa plonto de fê tudo obla ku bua. ² Ba fla mali niwm nguê bila sa di pagi ku amole semple sela nancê sa manso de vedê, ku tudo homê. ³ Punda nom tem outlo tempo nom tava sê chintxido, ku olha lizu ni tudu kasta de paixon ku vontê, nom tava ku má kloçon ni inveja mo ngue ku ma bua fani ojo um ku otlo ⁴ Maji ola ku glaça ku amole de Deçu place da home ni patchi de Deçu xtlavado non. ⁵ Na sâ plovia de michicoji dê ê xtlava nom plomê de suplito santo ku geranon bila fê non otlo vê. ⁶ ku é bloca pê liba non ku amôle plome de clistu jesu xtlavado nom. ⁷ É fê nem kua sê di modo justificado ni glaça sum, nom ka bi ca ledelo sum, sum te esperança ni vida ku na ka caba fa. ⁸ Fiele sa palavla sê, messê pa bo fla flime nem kua sê pa tudo nguê ku ka kele ni Deçu, ka fê npenho de fê obla ku bua. Nem kua se sâ fina lekeleke plixizu da homê. ⁹ Vuta klonveson nom, non nem chinamento de gelação, plufia ku demanda. Plovia de alê punda nem kua sê na bua fa. ¹⁰ Da inem xi ku ca plovoca divison, lecle um vê bila lecle du co vê xi é na tende fa zété. ¹¹ Bo sê bê kuma nguê sê sa curumpido bila sa ni pecado ê sa condenado plopli. ¹² Ola nga manda bo antemas ou tiguico, fê tu kua ku bo poje pa bo bi lêlê mô nicopoliz um ton decision di paca inverno nala. ¹³ Landja tudo kua ku sa plexiju da viagem de tenas juchi ku apolo di modo ku nada xi na ca bi falainem fa. ¹⁴ Da inem ku sa jinon, ku inen ka be ca flime de fê obla ku bua modo ku inem cabi supli fata de dja dja, pla inem na ta sê produxon. ¹⁵ Tudo ngê ku sa kua mi ka manda mantcham, mantcham da ixi ku ka ama nom ni afê glaça ka sa ku nance tudo achi.