¹ I se sa levelason di Klistu Jizu, Ku Dêsu da di musa inen selivu Dê kwa ku toka da myôle me; Ê fe kwa se kônxidu ola Ê nanda anzu da Zon selivu Dê. ² Zon fla tudu kwa ku ê bê ni palavla Dêsu,i ê da sestemuno d Klistu Jizu. ³ Legêla sa pa ise ku ka lê inen ixi ku ka têndê palavla di plofesia se bila lôklê kwa ku sa sklêvidu nê, punda tempu sa petu. ⁴ Zon, pa sete glêsa ni Ásia. Aglasa ka sa kunansê paji di ise ku sa, ku tava,ku sa di bi,da inen sete suplitu ku sa suntu di tlônu Dê. ⁵ I di Klistu Jizu ku sa sestemunho fieli, plumê ku kôda ni ômê dinen motxi, Sôb^lanu dinen alê di tel.I se ku ka ama non, livla non di pekadu plô sni Dê, ⁶ Fe da non uã lênu sasedotxi pla Dêsu Dê Pe, sela gloya ku pôdê pala semple semple. Amém! ⁷ Ê ska bi ku nuven, tudu wê ska bi pyê, antê inen se ku fule pontada. tudu tlibo di tela ka bi lamenta Dê; Sala ,ê sa amén. ⁸ Ami sa Alfa ku Omêga, fla Sum Dêsu tudu pôdêlosu. ^{10 9} Ami, Zon( lumon nansê, ise ku ka vivê ni suflimentu di lênu ku nansê, paxensa ni plesevelansa ni Klistu Jisu) , ami tava ni ya samadu Patimu plôvia palavla di Dêsu ku sestmunho di Jizu.v 10 Ni dja Sun, un fê alebatadu ni suplitu, ni tlaximu, ami têndê uã vozu glandji mo uã tlômbeta. ¹¹ ku fla:"sklêvê ni uã livlu kwa bô ska bê, manda ba sete glêsa: a Éfesu, Esmirna,Pergamu, Tiatira, Sardes, Filadélfia i ku Laodiceia. ¹² I un bila pa bê di kêngê sa vozu ku tava ska fla ku ami, ola un bila,nbê sete kandjadi ôlô. ¹³ ni ômê di kandja, tava ku uã mo Mina Ome bixidu uã manta lôngo antê ope, ku uã xintu di ôlô ni vota petu Dê. ¹⁴ Kabêsa Dê ku kabêlu sa blanku mo lan blanku fenene kuma pane, wê Dê sa mo fôgô. ¹⁵ Ope Dê mo blonzi pulidu, blonzi lefinadu ni fono; vozu Dê mo tlomentu di awa glandji. ¹⁶ Ni mon glêtu Dê, Ê tava ku sete stlela, uã supada xê ni boka limadu dôsu kwantu, kala Dê ludji mo solo ola ê ka lêdê zazaza. ¹⁷ Ola nbêlê, ami kyê mo ua ome motxi pê ope Dê.Ê pê non glêtu liba mu fla:" na tê mendufa Ami sa plumelu bila sa útimu. ¹⁸ Ise ku ska vivê.Ami ta motxi maji un ska vivê pla semple! Ami tê sabi di motxi ku Adis. ¹⁹ Andêjime sklêvê kwa ku bô bê , ku sen myolé, ku ise ku ska da depoji dise. ²⁰ Mistli di sete glêza ku bôbê ni mon glêtu mu ku sete kandja di ôlô,sete stlela sa sete ansu de sete glêza, sete kandja sa sete glêza.