¹ Paulu ku Timóteu, sélivi di klisto Jisu, ku tudu santo de Klisto Jisu ku sa ni Filipus, ku inen bispu i diacunus. ² Glasa nanse ku pagi di Desu, Pê non, di Sumu Jisus Klisto. ³ Nga da glasa Desu mu, tudu vê ku nga lembla di nanse. ⁴ Ni tudu lason di mun da nanse sa ku gosto ku nga fé tudu ola. ⁵ Nga da glasa plô tudu patisipation di nanse ni vangeli, jina plimèlu dja antê osê. ⁶ Ntê konfiansa ni kau sé: Genxi ku komesa obla buadu ni nanse ê ka kompleta ante dja di Klisto Jisu. ⁷ Ê sa justu pan xintxi axen lispetu di tudu nanse, punda ntê nanse ni kloson mu. Tudu nanse sa damon mu ni glasa, ola ntava kadja kantu ni defesa di konfimason di vangeli. ⁸ Maji Desu sa testemunha mu di kuma ntê vonté di tudu nanse, kompaxon di Klistu Jisu. ⁹ Ni kua sé nga fé lason: ku amolê nane ka klesse maxi i maxi n sêbê ku xintidu kompletu, ¹⁰ modu kuê ka sa vêdê, di modu ku mina ngê na ka sama nanse atenson fa ni dja di Klisto. ¹¹ Tenbete nga fla lason pa nanse sa xa di flutu di justisa ku kabi plô ômê di Klistu Jisus pla gloia di louvor di Desu. ¹² Miolé, n mêse pa inen lumon, pô sêbê kuma tudu kua ku da ku ami stlivi muntu da plogleso di vangeli. ¹³ Nanse ka sebê ku resultadu di tudu kadja mu ni Klisto bila konxido plô tudu guada di palaxu, plô tdudu inen ôtlô; ¹⁴ maxi montxi d´inen lumon bila, ni Sumu maxi kunfiadu plôvia kadja mu, plinen poji fla palavla Desu sê mendu. ¹⁵ Ûa, ûa d´inen, ka fla di Klisto plu wê xa ku demanda, maji ôtlô ka fé di bon xintidu. ¹⁶ Inen sê ka ka fla di Klistu plô amôlê, sêbê ku n fô pêdu nai di defendê vangeli. ¹⁷ Ôtlô fla di Klistu plu ambison ku wê xa, sê vedé, ka kunda kuma as ka blôse mu ôla n sa n kadja. ¹⁸ Maji kua ê pôta? Di kua kuali modu, ê sa plô pletextu ô vedé, Klistu sa fladu ni kua se n ga tê gôstô. Yôxi, n ga gôgô; ¹⁹ maji n sêbê ku Ê ka lesuta ni stlavason mu, pla ômê di lason di nanse i pla plôvison di Suplitu de Klistu Jisu. ²⁰ Plôvia di vontê montxi ku n tê, ku ska guada ku konviksion kuma nada xi na ka sa vlegonhadu fa, anton, ku tudu ôsadia mô semplé Klistu ka sa isaltadu ni klôpô mu, ê pô sa ni vida ô ni motxi; ²¹ Punda pla mi vivê sa Klistu molê sa luklu. ²² Maji, kendiji, xi vivê ni klôpô sa flutu di stluviso mu, kuali dê nga koiê? Ami na sêbê fa. ²³ Nsa plêsu plu doso kamia. Vontê mu sa pa na bê mu ba sa ku Klisto, ku sa maxi buadu; ²⁴ modu ku modu, plêmanesê ni klôpô ê sa maxi plixizu, plovia nanse. ²⁵ N sa kunfiado ni kua sê, n sêbê ku nga ba plêmanesê bila kuntinua ku tudu nansÊ, pla plôglêsu nansê ku gostô ni afé. ²⁶ punda, plôvia d´ami, ô ku da mutivu di klêsê bila gloia ni Klistu, ola nga bi ôtlô vê antê nansê. ²⁷ Ni liba di tudu kua sê, vivê di modu buadu di vangeli di Klistu, punda, ba pia nansê ô sa lonji nansê, nga pô tendê ni nansê ku nansê sa flimi, n´ûa Suplitu tna ni ûa alima tan ka luta zuntu plô mê di afé ni Vangeli; ²⁸ I nadaxi nansê na ka tê mendu plôvia numigu fa. Isé ûa xinali da inen di plôpi distluison dinen, maxi da nansê, ûa xinali di stlavason, ku ka bi di Desu. ²⁹ Punda pla nansê lêcêbê glasa di na kêlê ni Klistu tan fa , ³⁰ maji tembêtê sufli plôvia Dê, tê luta semé ku sa bê nami ku miolê nansê tendê ka sa nami.