¹ Paulu, plezu di klistu Jizu, ku manu Timotio da Filemom, manu kloson ku ka juda non ni stlivisu. ² Da mana non Ápia, ku Arquipu ke sa sode ni luta ku non ke glêza ku ka zunta ni ke bô. ³ Glasa, paji di Desu Pe, ku klistu Jizu, da nansê. ⁴ Nga da Desu glasa semple, ola nga lembla bô né lason mu. ⁵ Ami tendê amôlê afe ku bô tê ku Jizu ni tudu santu. ⁶ Nga pe leson pa bô fla da que di modu setu pa pô sebê di tudu kwa ku non tê ni klistu. ⁷ Plôvia di amolê bô manu ami sa ku gosto luma ku kontentamentu, punda plôvia bô kloson dine manu bila tê anumu. ⁸ Êle manda ni Klistu ami tê tudu liberdaji di da bô oji di kwa bô ka pe. ⁹ Ni nomi di amolê nga pasa piji bô; ami Paulu, ome ve myole, plezu plovia Klistu Jizu. ¹⁰ Nga piji bô favolô da mosu mu Onezimu, ku ami Jera ola un tava kadja. ¹¹ Punda elé, na tava ka stlivi fa, maji myola, ê ka stlivi da bô mo omi. ¹² Nga bila mande da bô, ê sa plopi Kloson mu. ¹³ Um mesé dese nai ku ami, pê po juda mu, ni luge bô, ni kanya û sa ne plezu punda vangelu. ¹⁴ Maji, na mesê fê se vonte bô fa, pla bon kloson bo na sa obligason fa, maji livli vonte. ¹⁵ Ê pô dja punda kwa se êle manda ê sa londji bô ine tempu se, pla bô bila teme ûa toma, ¹⁶ na mo katxibu fa, maji maxi dóké katxibu, ûa manu, manu kélidu mu, antáo ji bô, manu sangi manu Klistu. ¹⁷ Anton xi bô ka bê mu mon mayêlu, tome mon ami. ¹⁸ Xi ê da bô prejuizu ô davê kwakwali kwa, pê ni konta mu. ¹⁹ Ami Paulu, so xklêvê kwase: nga paga bô sê fla kuma bô tê divida di plopi ubuê bô ku ami. ²⁰ Axen manu punda sun e Nga piji bô favolô se. Da gostô ni kloson mu. ²¹ Nga skleve kwa se, punda nja kelê ni bo, um sêbê kuma b^p ka fe maxi dôkê ise. ²² Laundja ûa kamia pan ta nê, punda, plovia lason nansê, nga pô xê nai. ²³ Epafra ska manda mantxa, ê sa mayêlu mu ni kodja plovia Klistu Jizu, ²⁴ tembete Marku, Aristarku, Demas ku Lukas ine mayêlu mu di stluvisu. ²⁵ Glasa di sun no Klistu Jizu ka sa ku suplitu nansê. Amém.