1
Olá Jizu nanse, ni Belén di Judeia, ni tempu sala di alê Hêrodes, inen sêbêdô di Olientxi inen Xiga Jeruzalén, kiê ká flá: "
2
Isé ku nanse, ânji ê sa né, Alê dinen Zudê? Non bê stléla dê ni olientxi non bi adóré"
3
Olá alê Herodes tendê kwa sé, ê tlubula, tudu Zeruzalen têmbetê.
4
Herôdes zunta tudu inen xefi dinen saserdotxi, inen mesé di povô punta: "Anji klistu ka ba nanse nê?"
5
Inén flá:"Ni bélém di Judeia, punda ê sá xklêvidu plô plofeta;
6
bô belém ni tela di zudá, ê na sa maxi txoko ni ômê dinen poson plixizu dí zuda fá, Punda di bô uwã kia skabi ku ka ba kia pôvô mu di Islaeli!"
7
Anton herodes sama inen sebêdô u stlékédu pá, punta inen kê olá ku stléla plasê dá inén,
8
so kû manda inen ba Bélem, fada inen: "Bê koló anzu ku sustensu. Ola a ka bêlê, fada mú, pan pô bá adoré!"
9
Só só só ola inen tendê kwa alê flá inen bé. Anton stléla ku inen ta ka bê ni olientxi ê bé ku inên antê ku ê munja ni luké ku anzu tava nê,
10
Olaxi ku inen bê stlêla, inen gôgô lumadu.
11
Inem lentla ké, inen bê anzu ku Maria, mén dê, inen dá dizê adóré. Inen bili txigólô dinen dí plezéntxi: ôlô, insênsu, mira.
12
Soku Dêsu fadinen ni sonhu pa inen na ba lêlê Herodes fá, anton inen bila ba plopi tela dinen ni ôtlô stlada.
13
Axén ku inen bé, uwã anzu plasê zózé ni sonhu flá: "Lanta, té anzu ku men dê, fuji ba Ijitu. tá nala antê kun ga fla bô, punda Herodes ska bi goló anzu pê pô mata"
14
Ni notxí sé, Jozé lanta, pega anzu ku mén dê xê ba Egito.
15
E ta nala antê motxi di Herodes. Isé Kumpli kwa ku sun flá plô mê di Plofeta:" Ni egito û sáma mina mú"
16
Anton olá Herodes, bé ku inen sêbêdô ngané ê fika ku leva. Ê manda mata tudu inen anzu di dôsu anu ba basu. Ku tava ni belén ku tudú janga janga, mó inen sêbêdô ta fáde.
17
Anton kwa ku fô fadu plô ploféta Jeremia Kumpli:
18
"Uwã glita di dôlô nglanji ku zemé ku atendê ni Ramá, tava sa Raquieli ku sola da inen mina dê, ê kuji di sa konsoladu, Punda inen na bila sen maxi fá.
19
Olaxi ku Herodes môlê, anton uwã anzudi sun plasê ni uwã sonhu da Jósé ni Egito flá: "
20
Lanta tê anzu ô pega anzu ku mén dê bá téla di Islaeli, Punda inensé ku tenta di txila anzu vida, inen sa motxi!"
21
José Lanta, â pega tê anzu ku mén dê, bé ba téla di Israeli.
22
Anton, óla ê têndê ku Arquelau tava ka manda ni judeia, ni luké di pé dê Herodes, ê fika ku uã sonhu.
23
Ê xê ba Galileia, ê ba vivê ni uã pason samadu Nazaré, kwa ku inen plofeta flá kumpli, ku ê ka bi sama Nazarenu