1 2 1 Ni tempu, sa la Jizu vala ni plantason di sêreais ni dja di sabadu. Inen dixipulu Dê tava ku fomi anton inen komesa ka kôyê spiga ka kumé. 2 Maji ola inen falizeu bê kwa se, inen fada Jizu: Pya, inen dixipulu bô ska fé kwa ku na toka fa ni dja sabadu. 3 4 3 Só só só Jizu fadine: "Nansê na xi lê kwa ku Davi fe ola êlê ku inen ome dê tava ku fomi a? 4 Ê lentla kê Dêsu kume inen npon santu, kwa ku ê na toka kume fa, nê inen xi pa tava kwê, kwa ku sasedotxi tangon tan ka pô kume. 5 6 5 Nansê na bê ni alê, kuma inen sasedotxi ka plofana sabadu ni templu, maji inen ka ta sê kupla fa? 6 Andê jime nja fada nansê: Nai tê ngê ku sa maxi tame dôkê templu. 7 8 7 Xi nansê ka sêbê kwa ku sa: Ami gôgô ku mixikoji saklifisu fa, a naka konde na, nosêntxi fa. 8 Punda Mina ome sa Sun di sabadu. 9 10 9 Anton Jizu xê nala lentla xinagoga. 10 Nala tava ku uwa ome ku uwa mon lezadu. Inen falizeu punta Jizu: Ê sa setu kula ni sabadu? Di modo se inen ka põ kuze di peka. 11 12 11 Jizu fadine: " Kê ome ni ômê nansê, kutê uwa ôvêlha tã, xi ôvelha sê kyê ni kobo, ni sabadu, ê na ka sêndê mon txila da la fa? 12 Kantu maxi ka valê, uwa ome dô kê ôvêlha! Dayem a pô fe bem ni sabadu. 13 14 13 Anton Jizu fla ome: "Sêndê mon" axen ku ê sêndê mon, mon fô kuladu, fika axen kuma ôtlô mon. 14 Maji inen falizeu plama konté, di kuma inen ka pô txilé vida. 15 16 17 15 Ola Jizu bi sêbê kwa se, Ê xê dai. yô ngê ku lêlê, so so so Ê kula inen tudaxi. 16 So ku Ê lêklê inen pa niwa ngê na sêbê kengê sa Êlê fa. 17 Di modu ku kwa ku plofeta fla sa vede. 18 18 Ê fla: Pya selivi Mu kun kôyê, Amôlê Mu, ixi ku alima Mu ka gôgô kwê. Ami ska bi pê Suplitu Mu ni liba Dê, Ê ska bi da nitixa di justisa da inen jentiu. 19 20 21 19 Ê na ska bi plufia, nê glita fa, niwa ngê na ka bi têndê fala dê ni lwa fa. 20 Ê na ka kebla kana plêmidu, ne pavu ku ska xê ligô fa, antê ku justisa ka tê vitoria, 21 Inen jentiu ka bi pê kunfiansa dine ni nomi Dê" 22 23 22 Anton a be ku uwa ome segu mumu, ku demono ni ubwê Dê, so ku Jizu kulé. Ê da kwa ku ome mumu komesa ka pya bila fa. 25 tudu mansa ngê fika pantadu ka fla: Ome se sa mina Davi? 24 25 24 Maji, ola inen falizeu têndê milagli se, inen fla: "Ome se na ska txila inen demono xi ê na se plô Belzêbu fa, plinxipi di dutu demono". 25 Mo Jizu, konsê pensamentu dine, ê fa-dine: Tudu lênu ku divizon ni ômê ka blaga, tudu ké ô poson ku demanda tudu ola ê ka blaga. 26 27 26 Xi Demono ka kôlê ku Démono, anton êtê divizon di modu se kuma lênu dê ka gwenta? 27 Xi Ami ka txila inen démono plô Belzel, anton kêngê anzu nansê ka txila kwê? Plôvya kwa se, inen kabi sa zuxi kontla nansê. 28 29 30 28 Maji xi Ami ka txila démono ni Suplitu Desu, anton Sumu Desu xiga da nansê. 29 Kuma a ka po lentla ke di ome butu- butu futa bem dê xi plumê a na male fa? Di modo se, a pô futa kwa ku sa ke dê . 30 Ixi ku na sa ku Ami fa sa kontla Mu, ise ku sa zunta ku ami fa wanga. 31 32 31 Êlê manda nga fla nansê a poda inen ome tudu pekadu ku blasfemya, maji blasfemya kontla Suplitu na ka bi sa podadu fa. 32 Kwa kwali fla uwa palavla kontla Mina Ome ise ka tê pedon ; maji ixi ku fla kontla Suplitu Santu, ise na tê pedon, nê ni mundu se, nê mundu ku sa di bi fa. 33 34 35 33 Xi uwa pó sa bwa, kume dê sa bwa, xi uwa pó na bwa fá, kwne dê te na ka bi sa bwa fa, andê jime uwa po sa konxidu ni kume dê. 34 Lasa koblo, xi nansê sa mau, kuma nansê ka pô fla kwa ku bwa? kwa ku sa xa ni kloson so ku boka ka fla. 35 Ome ku bwa, ni bau dê ku bwa ê ka txila kwa bwadu, maji ome ku na bwa fa, ni bau de ku na bwa fa, êka txila kwa mali. 36 37 36 Nga fla nansê, ni dja de Jizu, tudu ngê ska plesta konta di kada palavla obisena ku a txila ni boka. 37 Êlê manda plovya palavla bô, bó ka bi sa kondenadu." 39 40 38 Anto, inen eskliba ku inen falizeu fla Jizu: Mese ê, non mêsê bê uwa xinali Bô." 39 Anton Jizu kujinen: Ma zelason aduteru ska golo xinali, niwa xinali a na ka alefa, xi no sa xina di plofeta Jona. 40 Axen mo Jona tá tlexi dja tlêxi nôtxi ni bega pixi glandji, Axen Mina Ome ka bi ta tlêxi dja tlêxi notxi ni kloson de tela. 41 41 Inen ome di Ninive ska bi lanta, ni Juzu, kontla ngê di zelason se di kondena inen, punda inen lêpendê ku plegason di Jona, agola pya: nai ten ngê maxi tame dê kô Jona. 42 42 Lainha di Sulu sa di lanta, ni juiza ku inen ome de zelason se di kondena inen, punde ô bi di tela lôndji di têndê sêbê ai Salumon, agola pya: nai tô ngê maxi tame dô kê Salumon. 43 44 45 43 Ola demonó ka xê ni uwe ome, ê ka nda vunjunu vangana gola luje tamê, maji sê bêlê. 44 Anton ê ka flo: Ami ska ba ke mu, kamya m´tava nê? Ola ê ka bê, ê ka bêlê kê balidu bem lumadu. 45 Anton ê ka be ku ôtlô sete suplitu py olo dô kê, di lanta vivê na la Anton kondison di vida ka sa pyola dô kê plumê. Axên ka bi sa ma zelason. 47 46 Andê jime ola Jezu tava ka fla da povo, men dê ku inen manu dê tava lwa, ka golo modu fla kwê. 47 Só ku a fedê:" Pya, Men bô ku inen manu bô mêsê fla ku bô. 48 49 50 48 Maji Jizu fla da ngê se ku fla kwê: Ê ngê sa men Mu. 49 Anton ê sêndê mon da inen disipulu Dê fla: Pya men ku inen manu mu sa inen!. 50 Punda ixi ku ka fe vontê Pé mu ku sa ni ose, ngê se so ku sa manu, mana ku men Mu."