1 Ni tlêsêlu dja, tava uã kazamentu ni Caná di Galileia;men di tava nala. 2 Jizu ku inen lumôxinho dê tembete fô kunvidadu kazamentu. 3 Ola, vin Kaba , men di Jizu fla Jizu:" Inen na tê vin fô." 4 Jizu kuji: "Bô ka bi lêlê Mu, mwala?Tempu mu na xi xiga fa." 5 Men di Jizu fada inen selivi: Fe tudu kwa ku Ê ka fla nansê." 6 Nala tava sexi vazu di budu inen zudê ka pê awada puliflikason nê kada uã vazu se ka lêsêbê ôtô dexi ante sentxi vintxi litlu. 7 Jizu fad'inen: "xa ine vazu seku awa." Inen xe ante boka. 8 Anton, Ê fada inen selivi: txila pikina dê be kwê da mese sala."Inen fe axen. 9 Ola mse sala plova awa ku bila vin, sê sêbê andji ku ê bi nê fa(maji inen selivi ku txila awa sêbê. Ê sama noivu, 10 fade: " Tudu ngê ka pê vin bwadu plumê, zo ise baleladu ,ola inen konvidadu ka sa bebidu; maji bô lôklê vin bwadu antê myole. 11 Ise sa plumê xinali, ku jizu fe ni Kaná di Galileia, musa gloya Dê, inen lumôxinho Dê kêlê Nê. 12 So so so di kwa se, Jizu , men dê, inen manu Dê ku lumôxinho dê dêsê ba kafanaum, inen ta la uã dôsu dja. 13 Paskwa dinen zudê tava petu, anton Jizu subli ba Jeluzalém. 14 Ê bé ni templu inen se ku ta ka bêndê bwê, kanêlu, pombim, ku ngê ku ka ta tlôka djêlunala tasondu. 15 Jizu fe uã sôtxi di kodo, kôlê ku tudu inen fô templu, antê kanêlu,bwê,bila wanga djêlu pê sondinen ku ka , bila meza dinen. 16 Ê fla da inen ku ka bêndê pombi: Txila inen kwa se daí, na fe kê pe Mu uã fela fa( tloka djêlu). 17 Inen lumôxinho Dê lembla kwa ku sa sklêvidu:" Zêlu ké Bô ska mata mu!" 18 Ê na tada fa, inen giya wê dinen zudê kujê: "Mo Bô fe inen kwa se kê xinali a ka musa non?" 19 Jizu kuji:" Ami ka blaga templu se, ni tlêxi dja nga bila fê." 20 Anton, inen zudê fla: temlu se te kwalenta sêxi anupê sa fedu,Bô ka fê ni tlêxi dja?" 21 Maji , Ê tava ka fla di templu di klôpô Dê. 22 Tempu vala, ola Ê koda ni motxi, inen lumôxinhu dê lembla di kwa ku Ê tava fladu, inen kêlê ni sklitula ku palavla fladu plô Jizu. 23 Ola a ska fe seleblason di paskwa,Ê tava ni Jeluzalém, yô ngê kêlê ni nomi Dê,punda inen bêmilagli ni xinali ku Ê tava ka fe. 24 Maji, Jizu na kunfya n'inen fa, punda Ê kônsê tudu inen. 25 I ê na se plixizu nê uã ndê da sestemunhu di ome fa, punda Êlê me kônsê tudu kwa ku sa ni ome.