¹ Olá plumêlu aliansá tává di sá kutu ku santuáriu ni téla. ² Pundá uâ tabénakulu fô plepaládu, kamiá kú olá salá táva kú kándjá. mésa kú pón kónsagladu á táva ká somé luguê santu. ³ Ni tláxi di segudu kôtxina, ôtlô sála táva nalá, kú a ká samé sandu di santu. ⁴ Ku uã atáli di ôtlô tavá nalá pá sensu ká arka di aliansá, bixidu di ôlâ. uâ vázu di ôlô táva nalá kú maná ni glêntu dê, axá di arón kú da flóli kú tába di aliánsa ⁵ Ni liba di arka, kerubin da glóia kubli plópisiatóru. di inén kwa sé, nón ná ká pôji flá né miólé bá kabá fá. ⁶ Olá inén fé tudu kwasé zá di módu kú inén sasedótxi ká léntla ni plumêlu sala di tabenákulu, pa inén pôji ministlá. ⁷ Maji, Ni segundu salá, súmu sasedótxi tã sóku ká léntlá nê, ua vê plô anû, ku sangui, kú ká flêsê dá êlê mé plô pekadu nasêntxi di pôvô. ⁸ Suplitu sántu ská mêsê usá kumá stláda di luguê santisimu a ná ká pôji bêlê fá. Olá plumêlu tabénakulu sén. ⁹ Ise sá uã ilustlasón dá tempu miólê. Nê inén oférta ku túdu saklifisu kú as ká flesê, miolê, ná sá kapaji di limpá kunxénsa di ngê kú ská kutuá. ¹⁰ Túdu inén kwa sé sá ligimi di omé, kumé, kú bêbê kú yo selimónia di purifikasón, anté kú ordenánsa nóveká bi sá pêdu ni lugê dê. ¹¹ Maji Klistu bi mó sumu sasedótxi plá bén ku ská bi, ku ua tabenákulu maxi plêfêtu glânji axi, kú na sá fedu plô mon dómé fá, kêndji, ê ná sá fédu ní mundú sê fá, ¹² Ná sá plô sangui di môsu bósé nê di kanêlu fá, maji plô sangui di Klistu kú lentlá ni sántu dinén sántu, di uã vê pálá sémplê, kú eterna redensón nónkú ê ganhá. ¹³ Punda, xi sangui di mósu bóji kú bwê kú xindja di nutéla wangádu ni ngê xi ku peká, Klôpo dinen ká bilá limpu. ¹⁴ Kántu máxi sangui di Klistu, plô suplitu eternu, ê flêsê êlê mé sê defêtu plá Dêçu ká bila linpá kunxénsa nón di óblá mótxi plá nón stlivi dêçu vivu!. ¹⁵ Ni lazón sé, ê sá pôntxi di uã aliánsa nóvu plô ômê di mótxi dê, plá ê txilá pekádu di inén xi ku sá basu di plumêlu aliansa, plá inén sé kú sá samádu pôji lêsêbê plômesa di léda pála sémplé. ¹⁶ Pundá kamía kí tê testamentu, ê sá plixizu plóva di mótxi di testadô. ¹⁷ Pundá uã testamentu ká valê pô ômê di mótxi, ku ê ná ká valê olá testádô ská vive fá. ¹⁸ Sósósó, nê plumelu aliansa sé mé fô pêdu sê sangui fá. ¹⁹ Ola muzé táva dadu tudu mandamentu da lê plá tudu ngê, ê pega sangui dinén vitelu kú mósu báji ku awá, bâ vlêmê kú hissópu vangádu ni liba livlu kú túdu pôvô. ²⁰ Flá: "Isé sá sangui di aliansa kú Dêçu nansê énansê" ²¹ Di módu sé mé, ê wánga sangui ni tabernáculu té kú tudu vázu kú a ká uzá ni kutu sasédotxi. ²² Mó alê sá kwají tudu kwá sá pulifikadu kú sangui; xi sangui ná kólê fá, pedón ná sén fá. ²³ Ê sâ plixisu, kú fegula dinén kwá kú sá nócê ka sá pilifikadu kú saklifisu di inen bisu sé: andéji mé, plá inén kwá sé di liba, nêlê mé sá pê sá pilifikádu kú uã saclifisu maxi bwádu. ²⁴ Pundá santuáriu kú klistu lentlá nê ná sa fédu plô món fá, kú ê sá uã kôpia dísé kú sá védê; máji ni plópi ocê, anji kú ê sá tasóndu ni wê Dêçú plô nón. ²⁵ Ê ná léntla ná lá pá ê flêsê iô vê, módu kú súmu sasedótxi ká fé fó, ku ká lentlá ni santú di santú anú ni libá dánu, ku sángui vón vón fá. ²⁶ Antón xi ê ka sá axén ê ka sá plixizu pê supli iô vê jina fundasón di múndu. Maji mióle, uã vê tã, ká kumpli ténpu, kú ê plasê di txilá pékádu plô ômê di saklifisu dê plópi. ²⁷ Axén módu kú túdu ngê sá kú distinu di môlê uã vê tã, zawó juizu ká bi. ²⁸ Klistu têmbêtê, fô flêxidu uã vê tã di txilá pekádu di yô ngê, ê ská bi plasê ôtlô vê sé pekádu, pá stlavasón di inén ngê xi kú ska guádé.