¹ Punda alê sá ua sómbla tã di bén kú ská bi, di módu kú ê ná sá sétu di inén kwá sé mé fá. Nunka ê ná ká limpá inén xi kú ká xiga pétu Dêçu fá, plômê di saklifisu sé mé ké inén sasedótxi ká flêsê túdu óla anu ni libá dánu. ² Xi ê ká sá axén inén saklifisu sé á na ká dêsa di fê fá? Ni kázu sé, xi inén ká sá limpu duã vê tã, inén kú ká fé kutu ná ká tê kunxénsa di pekádu maxi fá. ³ Maji, kú inen saklifisu sé, ê tê uã lemblánsa di pekádu anu ni libá dánu. ⁴ Pundá sangui di bwê kú mósu bóji ná ká txilá niua pekádu fá. ⁵ Êlê mandá óla klistu bi mundu, ca flá:"Á ná gôgô ku saklifisu kú flêsê fá, maji ku uã klôpô kú bô plivini dá mú" ⁶ Bô ná tinha gôsto ku olokástu nê saklifisu plô pekádu fá. ⁷ Antón û flá:"Dêçu ê, iá mi, plá mi pôji fé vónté bô, mó ê sá sclêvidu ni livlu ni lispetu mú" ⁸ Plumelu ê flá:" Bô na gôgô ku saklifisum nê flêse, nê olokastu, nê saklifisu dá pekadu fá. Bô ná pota kwê mé fá " Inén sé sá saklifisu flêxidu kônfólumu alê. ⁹ Ê flá: "û sá nai, di fé vónte bô" Ê txilá plumêlu kwa pê pôji pê segundu. ¹⁰ Ni vonté sé, non sá santifikadu plô omê di flésê di klistu Jisú di uã vê tã. ¹¹ Di uã modu, tudu sasedótxi ká tá, djá plô djá, ká ministlá, tudu óla ká flêsê saklifisu sé mé, andeji kú inen ná ká pôji txilá niuã pekádu fá. ¹² Sá módu té, ku Clistu flése uã saklifisu dá pekádu pala semplé, kú ê sá tasón du ni kwátu glêtu di Dêçu. ¹³ Ê ská guadá ântê ê ka fé inén numigu dê ni básu dópé dê. ¹⁴ Ni uã flêsê sé tã, ê desa limpu, pala sémplé, inén xi kú ská sá santifikadu. ¹⁵ Suplitu sántu dá sestemunha témbété, olá ê flá; ¹⁶ Ê sá aliánsa kú ngá bi fé kú inén zawó di inén djá sé. Sún flá"Ngá bi pê inen alê mú ni klosón dinén ngá bi sclêvê ni kábesá dinen" ¹⁷ Ná bilá ká lembá di pekádu dinen nê kwá mali. ¹⁸ Xi pedón sé plá inén kwá sé, ê ná bila tê plixisón plá kwa kwáli saklifisu di pekádu maxi fá. ¹⁹ Sósósó, inén mánu, bámu kunfiá pá nón lentlá ni Luguê santisimu plô sangui di Jizú. ²⁰ Isé sá stlada nóvu i vivu kú ê bili dá nón plô ômê di véu, kêndiji, plô káni Dê. ²¹ Punda nón tê uã sasedótxi glanji axi ni ké di Dêçú. ²² Bómu xigá nê kú uã klosón di véde, ku uã pénhu da afé, kú klosón nón limpu di uã má kunxénsa kú ubwê nón labádu kú awá limpu. ²³ Bómu tá flimi ni kófisón di speransa nón sê kánha, pundá Dêçú kú plômêtê ê sá flieli. ²⁴ Bómu kónsiderá uã ku ôtlô pá nón dá ánumú ni amôlê ni tudu óbla bwádu. ²⁵ Bónu ná désa di konglégá fá, mó di uã uã dinén ká fé fá. Ni vêji di kwá sé, bámu dá fôsa uã dá ôtlô antáwo mó as ká bê kú djá ská xigá. ²⁶ Punda xi nón peká di xintxi zawó kú nón kónsé védé saklifisu plô pekádu ná bilá sén maxí fá. ²⁷ Ni vêji sé, uã kastigu fótxi kú uã sazón fôgô kú sá di bi kéma inén numigu Dêçu. ²⁸ Kwákwali ngê kú ká zétá alê di muzé, ni wê di dôsu ô tlêxi sestemunhu ká môlê sê mixikóji. ²⁹ Kántu máxi nguê xi ku pótó mina di Dêçu, ká tê kastigu, máxi lizu, ngê xi ku bê sangui di aliánsa mó kwáji lá, sangui kú ê fô santifikadu, dá mâli suplitu di glasa? ³⁰ Nón kónsê ngê xi ku flá: Vingansa sá jimú, ngá bi dá, ôtlô vê. Sún ská bi sdlugá pôvô Sún. ³¹ Ê sá uã péna kyê ni món Dêçu vivu. ³² Maji nansê ká lemblá ni óla sála, olá nánsê bê kédaji, mó nánsê klagá uã luta glánji ni sufli. ³³ Ê tê olá ku á fé pôkô nansê kú tlibulasón; Nansê fé patxi kú inén xi kú sufli módó sé tembéte. ³⁴ Á tinha péna di inén xi kú táva plézu kuji kú gôsto olá a tóma bén nansê andêji mé a sêbê kwamá á té uã bén máxi bwá pala sémplé ³⁵ Antón, ná zugá kunfiansá nansê butá fá, nánsê tê uã lékonpénsa glânji axi. ³⁶ Selá nansê tê paxénsa, sósósó olá vónté Sún sá fédu nánsê ká pôji lêsêbê kwá kú sún plômêtê nansê. ³⁷ Ni pôkô témpu, ngê xi kú sá di bi ê na ka tádá fá. ³⁸ Justu mu ká bi vivê d'afé, xi ê bilá bá tláxi, ná tê gôstô nê fá. ³⁹ Maji nón ná sá ixi kú ká bilá bá tláxi fá, pá distribuisón fá, maji dinén sé kú tê afé plá konstlévá alima nón.