^{1 2 3} 1 Saulu kunxitxi ku motxi dê. Anton uwa plixigison ku lanta ni luge se kontla glego ku tava ni Jeruzalem; ine kliston tava uwanga ba tudu kanja di Judeia ku Samaria; ina Apostulu tan na uwanga fa. 2 Ine ome piedozu ntela Estêvão ku dôlô lumadu. 3 Maji Saulu tava ka plixigi Iglêza lumadu ka lentla ke; rasta ome ku muala; bekwe ba pê kadja. ^{4 5} 4 Anton ine kliston ku uwanga ba otlô kamia; tava ka plega palavla. 5 Filipi dêce ba poson di Samaria ba fla ine di klistu. ^{6 7 8} 6 Ola yô pôvo tendê bilabê xinali ku Filipi fe ine plesta atenson ni kwa ku ê tava ka fla. 7 Punda suplitu di demono tava ka xê ni ubwê di yô ngê ku glita ê kula yô lozadu. 8 Pôvô da la poson sé gôgô lumadu. ^{9 10 11} 9 Maji ni poson tava uwa omé ku ka sama Simon; ku txolaza tava ka ngana ngê di Samaria ka baya yô di ngê tava ka bêlê mo uwa ome di valor. 10 Tudu Samaritanu jina mina pikina antê nge tame; tava ka de atensou bila fla: Ome se sa ixi samadu di Pôdê Glandji di Desu. 11 Ine tava ka kute punda lôngô tempu ke ê tava ka babaka ine ku majia kuê ka fé. ^{12 13} 12 Ola ine kêlê ku Filipi tava ka ploka vanjeli nova di govenu Desu ni nomi di Klistu Jizu a butiza nê ome ne muala. 13 Antê nê Simon kêlê; ola ê batiza ê fika bodo Filipi. Ola ê bê xinali ku kwa glavi ku Filipi tava ka fé ê gôgô lumadu. ^{14 15 16 17} 14 Ine Apostulu ku tava Jeruzalem ola ine têndê; kuma Samaria koyê palavra Dêsu a manda Pedu ku Zon bala. 15 Ola ine nganha a fla lason da ine xi ku kêlê pla ine pô tê suplitu Santu. 16 Antê ola se Suplitu Santu na tava dexidu pê niwa dine; ine tava butuzadu ni nomi di Sun Jizu tan. 17 Anton Pedu ku Zon pê mon ni kabesa d,ine; ine fika xa di Suplitu Santu. ^{18 19} 18 Ola Simon bê ine Apostulu sende mon laza benson Suplitu Santu desê; ê pl [omete ine djelu. 19 Zao fla: Da-mu podê se tembete pla kwa kwuali nge ku nja pê mon liba dê; ka tê Suplitu Santu. ^{20 21 22 23} 20 Maji Pedu fadê: ne bô nê ajelu bô sa plêdidu bô kunda pôdê di Dêsu a kople ku djelu ô. 21 Bô na tê patxi ô lugê ni skluvisu sê fá; punda kloson bô ka Dêsu na sa flimi fá. 22 Anton sela bô lependê de mali sê, fla lason da Sun pia xi Ê ka poda bô di mali se ku bô tê ni kloson. 23 N`ska bê bô xa di disgôstô ni omê di pekadó." ²⁴ 24 Simon kuji fla: fla lason da mu, pia xi tudu kwa ku bô fla na ka bi da ku ami fa. ²⁵ 25 Ola ine; da sestemunhu bila fla palavla di Sun; Pedu ku Zon ba Jeruzalen; a da nutisia di vangeli ni yô fazenda dine samaritanu. ^{26 27 28} 26 Anton; uwa anju dose fada Filipi:" Lanta ba direson di sulu ni stlada ku ka dêsê di Jeruzalen ba Gaza.(stlada se sa ni uma kampu azeto). 27 Lanta bé Ê bê uwa ame di Etiopia, administradô de Cadansi, painha dine Etiopi ome podadu, ku tava ka toma konta di tudu likeza dê, tava ka bi di dorason nala Jeruzalen. 28 Tasondu ni karu dê ka ba kê ê kyê ka lê livlu di plofeta Izaia. ^{29 30 31} 29 Soku Suplitu fada Filipi:" Ba zuntu karu sé. 30 Anton Filipi kôlê ba bodo dê so ku bêlê ska lê livlu di plofeta Isaias, ê puntê:" Bô ska têndê kwa bô sa lê; 31 Soku etiopi kuji: kuma nga pô, xi a na juda (xina) mu. ( a ?" É loga Filipi pê pô subli kalu tason zuntu kuê. ^{32 33} 32 Kamia di exklitula ku Etiopi tava ka lê sa ise: A bekwê tadu mo ovelha, mo kanêru zuntu matadô dê, ê kaboka pipipi nê bili boka. 33 Ni mansu ku ê sa a nege juxi, jelason dê kenjê ka konte? Punda vida Dê a txile ni Tela." ^{34 35} 34 Anton ome se podadu punta Filipi: Nga piaji bô plofeta ska fla ni kêngê? Ê ska fla dê ine ô dotlô ngê. 35 Filipi fla ni exklitula, komesa ni kwa se, plega klistu dê. ^{36 37 38} 36 Ola ine tava ka lê lê stlada kabê a xija uwa kamya ku tô awa ome podadu fla: Pya nai tê awa; kwa ka po tê mu di butiza? 37 Filipi fla: Bô ka pô ji, xi bô kêlê ka tudu kloson.; Ome podadu kuji: Nya kêlê ni Klistu Jizu mo mina Dêsu." 38 Anton etiopi da oji di munaji karu, ine dosu dêsê ba awa, Filipi butxize. ^{39 40} 39 Ola ine dê ni awa, Suplitu Sun txila Filipi, ome podadu na bila bêlê fa, anton ê lêlê xtlada bêdê xa di gostô. 40 Maji Filipi plasê ni Azotu, soso da plegason di vangelu ni tudu poson, antê ê nganha Cezareia.