¹ Setu home samadu Nania, ku mwala dê Safila, bênde uwa bem, soso fika ku uwa patxi di djelu (mwala de ta sebe de kwase) ² Ê be ku otlo patxi ba tlega inen apostulu. ³ Anton Pedu puntê: "Nania, komanda bo lega djabu lentla bo kloson pa ba bi mintxila da suplitu santu fika ku uwa patxi di bem ku bo bênde de? ⁴ Ola e tava se bêndê e tava sa ji bo me ã? ê na tava ni pode bo ola ku bende ã? kuma bo pensa kwase ni kloson bo? nanse na mintxila da home fa, maji Desu" ⁵ Ola Nania tende palavla se ê kyê matxi. tudu ngê ku tende kwase mendu e ⁶ Inen maxibin kubli ê klangê be ku ê ba ntela. ⁷ tlexi ola vala, mwala dê lentla tembete, sê sêbê kwa ku da. ⁸ Pedu fade: konta mu kantu bo bêndê kwase? Ê kuji ê uwa bênde pla plesu seme. ⁹ Anton Pedu fadê: " komanda nanse fe patxi de ngona suplitu sandu da?, bya, inen ku ntela home bo sa ni potaa, inen ka be ku bo tembete. ¹⁰ Meda ola ê kyÊ matxi ni ope di Pedu, inen maxibim bi bêlê motxi higiê be kuê ba ntela ni juntu di home dê. ¹¹ So tudu ngê ku tende kwase ku tudu konglegason mendu muntu. ¹² yo xinali ku milagle tava ka kontese ni ome povo ni mon di d'inen apostulu, zuntadu inen tava ni postiku di selomon. ¹³ Ma povo tinha kansideson da inen ne uwa ngê maxi tinha kloson di zunta ku inen fa. ¹⁴ tantu home ku mwala klente ne sum tava ka klese uwa data. ¹⁵ Dimodu ku ante ne doentxi a tava ka be kwê bwa Pedu ni koma ku maka, da ola ku Pedu kavala pelumenu sambla de po kubli uwa uwa d'inen. ¹⁶ Bi zuntu tembete mumuru, glandji dengê e poson ku bobo di jirusalem, beku duentxi ku tlomentadu di suplitu, soso tudu inen tava kassa kuladu ¹⁷ Anton sumu sacedotxi lanta ku tu ngê ku ê tava kuê ise sa lijion de saduseu so tomadu di inveja. ¹⁸ Te inen apostulu be ku ê kodjan publiku. ¹⁹ Ni motxi anzu sun bili pota di sela, txila inen de ku ê leva fad'inen: ²⁰ Beba plezenta ni templu palavla di vida se xina tudu ngê. ²¹ Ola ku inen tênde kwase plano sedu inen kye ka xina, agola, mese de gleza nganha ku uwa dosu ngê ku ê tava ku ê, fe uwa renion kuvidu tudu gi wê di lijion di islaeli manda guada di ba se (kodjan) pa bi ku inen apostulu. ²² Inen guada be ante nala, maji a na be inen ni kondjan fa, inen bila be konta tudu kwase. ²³ Non pe sela fisadu kâkô inen guadu munjudu zuntu di pato, maji ola non bili, pato non na be ne uwa ngê fa. ²⁴ Ola ku kapiton de guada di templu ku inen mese de gleza tende inen palavla se inen babaka, sa kwa da kwa ku da anton uwa ngê nganha fada inen. ²⁵ Inen home se ku a pe ni kedjan sa ni empu ka xina ngê" ²⁶ Anton kapiton be ku inen sade di ba buka inen se domada, punda a mendu pa povo na zuga inen ku budu. ²⁷ Soso ola ku a bi ku inen a prezenta inen ni wê konsê. xefe di mese gleza punta inen. ²⁸ Fda: " non da nanse odji pa nanse na xina ni nome se, maji axen me nanse xa jerusalem ku xinamento nanse bila zuga sangi di home se pe liba non." ²⁹ Anton pedu ku inen apostulu kuji: Sela non fe vonte Desu maxi dokê home. ³⁰ Desu di pena koda Jizu, ngê ku nansê mata ligi pe klusu. ³¹ Desu pe ne mon gletu pa ê bi sa plinspi xtlavado pa ê da lepedimentu ku pedon di pekadu da islaeli. ³² Non sa sextemunnha di inen kwase, axe suplitu santu, ku Desu da ngê ku ka fe vonte dê" ³³ Ola ku inen munblu de Konse têndê kwase inen blase kyase inen blose kya mese inen apostulu, ³⁴ Maji uã farizeu kuka sama gamaeli, dôtâlô d'alê, kutudu ngê ka lispeta, da a ji pa be ku inen apostulu lwa pla guada pikina. ³⁵ Zawo fla: Home di israeli, toma kuidadu di kwa ku nansê mese fe inen ngê se. ³⁶ Non sêbê kuma ni pasadu tadeu tava lenta ngê muntu uã murmuru di home, kwaji kwwatlusentu, zunta kuê ê mâlê tudu ngê ku lêlêwanga. ³⁷ Ola ku inen kwase vala, zuda de galileia lanta ni ja de sunsu, ya ngê lêlê tembete ê tada fa tudu nge lêlê tlaxi wanga. ³⁸ Nga fada nanse foka fa zuntu di inen home se leji nen, punda xi pla nu se sa obla di home e ka mundja (ê na te wê fá) ³⁹ Maji xi êsa di Desu nansê ka po ku ê fo, pa na bi da kwa di nansê xka luta luta kontla Desu. Soso kwase konve inen. ⁴⁰ Anton a xama inen apostulu, da xikotxi da goji pa ine na bila fla né nomi di Jizu fa so lega inen beno. ⁴¹ Inen desa konse ku gosto, digunu di pasa aflison plovia di nomi di Jizu. ⁴² Ola inen kwase vala, tudu dja ni templu ni ke ku ke plegason ku xinamentu kuma jizu sa klistu semple inen tava ka xina.