¹ So ku, Aglipa fla Paulu:" Bô pô flá di bô me; anton , Paula sendê mon i fe efesa dê: ² " Ami nga xintxi bén, alê Aglipa, pan pô kuji ozé; ni wê bô, tudu inen akuzaso dinen Zudê. ³ Antawó, maji bô ku nonsê ben di tudu inen tladison ku k^ston dinen zudê. Anton nga piji ku bô ka têndê ami ku paxensa. ⁴ Vade, vede me, tudu inen zudê sêbê moun vivê djina maxibim mu ni nason mu i ni jeluzalém . ⁵ Inen kôsê ami djina komesu,inen ka toka sêbê kun ta ka vivê mo uã falizeu, uã glupu maxi lizu ku sen ni leligion non. ⁶ Myolê un sa naí, pa un sa djulhadu,punda nga gwada plomesa ku Dêsu fe dainenpé non. ⁷ Plôvia kwa se dôsê plama ku nôtxi ku spelansa di tê. I ê sa plôvia di spelansa sé ku inen zudê ka kuza mu: alê Aglipa! ⁸ kwa manda nansê na ka kêlê kuma Dêsu na ka kóda tudu motxi fa? ⁹ Ya djina uã tempu un ta kunda ku ami me ku nga toka fe yô kwa kôntla nomi di Jizu di Nazalê. ¹⁰ Un fe kwa se niJeluzalém.Un na la yô dinen Santu ni plésu plô pôdêkun tinha dinen xefi dinen Sasedotxi di fe axen. Ola inen kwa sa motxi, un tembeté ka da votu mu kontla inen. ¹¹ Inen semple tava ka puni inen, ni tudu inen xinngoga,un tava ka mêsê pla inen blasfema. Ami tava ku fulia kontla êlê, antê ni poson stlanhu un ta ka plixikinen. ¹² Ola a ska fe kwa sé, un ba Damasku di basu di pôdê di odji dinen giyawê d'inen sasedotxi; ¹³ I ni stlada, béga béga di mêdja, alê, un bê uã kandja ku bi d'osé. ka luji maxi dôkê solo, bili blalálá pê lida mu ku inen ôtlô ku tava ka viaja ku ami. ¹⁴ Ola non kwê ni tela; un têndê uã fala ni lungwa dinen hebleu, ka fla ku ami; ku ta ka fla:" Saulu, Saulu, ka manda bô ska plixiki mu? Ê ka ba kusta bô lesisti guilhon!" ¹⁵ Un punta Sumuê kêngê sa bô? I Sumu kuji:" Un sa Jizu ngê ku bô ska plixigui. ¹⁶ Myôlé lanta mundja do pe, punda ê sa plôvia di kwa se kun plasê pla bô; pan pô fe bô selivi di sestemunhu dinen kwa se ku pô sêbê za d'ami i dinen kwa ku nga ba musa bô maxi taji. ¹⁷ Un nga livla bô di pôvô se i dinen zentiu ngê xiku nga manda bô; ¹⁸ Di bili wê dinen, disvyia inen di kulu pla kandja i di pôdê di démonó pla Dêsu, pa inenpô lêsêbê di Dêsu pedon dinen pekadu bila lada kwa ku nga da inen se ku nga Santifika plô afé ni ami. ¹⁹ Plutantu ,alê Aglipa, ami na dizódêdêsê vison Selestialifa: ²⁰ maji un plega pla ku tudu inen ka lêpêndê, bila ba Dêsu, fe bom obla di lêpendimentu; plumê pla inen di Damasku, Zó inen di Jeluzalém i tudu legion di Judeia, i tembeté pa inen zentiu. ²¹ Plôvia kwa se, inen Zudê mala mu ni templu mesê mata mu. ²² Dêsu zuda mu antê dja sé.Anton un nga lanta fla, tantu ngê ximpli mo inen ngê plixizu di kwa inen plofeta ku Muzé fla ku ka bi d, ala maxi; ²³ Ku klistu ka toka sufli kwê ka sa pluê ku ka koda inen motxi bili kandja pla pôvô zudê ku inen zentiu. ²⁴ Ola xi ku Paulu kompleta dêfêza dê, festu glitafjá :"Ê sa dôdô; sêbê montxi ku bô tê bô sê xintxidu." ²⁵ Maji Paulu fla " Ami na sa dôdô fa, Sumu, Sun festu, maji ku kloson un nga fla palavla di dedê, ku bom xintxidu. ²⁶ Punda alê konsê tudu inn kwa se; êlê manda ku ami nga flé sê mendu, punda un sa kônvesidu ku nadaxi sa kondidu fa; punda ne uã kwa se na da sê pa sêbê fa. ²⁷ Bô ka kêlê n'inen plofeta, alê Aglipa? Un sêbê ku bô ka kêlê ." ²⁸ Aglipa flá Paulu" Plô pôkô bô mesê fe ami kliston?" ²⁹ Paulu fla :" plô pôkô ô plô montxi un nga flá lason da Dêsu; na sa bô tan fa. maji tembeté tudu dinen ku ka têndêmu ozé ka sa. Andêjime sê inen kôlentxi sé ." ³⁰ Anton,alê, govenadô ku Berenise lanta ku tudu inensé ku tava tasondu ku inen. ³¹ Ola xi ku inen dêsa salon, inen flá uã plô ôtlô: ' Ome sé na fe nadaxi ku toka motxi ô plisón fa." ³² Aglipa fla Festu:" ome seé ka pôji sa lgadu, xi ê na ka pixi di ba Seza fa.