^{1 2 3} 1 Óla demanda kaba, Paulu sama inén disipulu, dinén fôsa, antón dispiji dinén bédê Maxidónia. 2 Óla ê vala dinén lugué sé, ta ka da inén klistón di luguê sé yô di fôsa, óla ê xiga Gléxa. 3 Óla ê fé tlêxi mêgi nai, ua dôsu zudê fla mali dê ni óla ku ê tava ka fé pé subli vapô di ba silia, anton, ê toma disison di bila bá Maxidómia. ^{4 5 6} 4 Ynén lêlê antê ê xiga Ája. atava Sopatlu, mósu di Pílu di Berreia, Alistálku, ku sékundu, inén di tésalónika; Gaiu di Délbi; Timóti; ku tiquiku ku trófimu di Azia . 5 Andiji mé, inén ome sé bé sê guadá nón zó guada ni troade. 6 Óla fésa di npõ sê flomentu kaba non fé viagi di Filipu, xinku já vala nón zunta ku inén ni tlóide. Nala Nón fika sété já. ^{7 8} 7 Ni plumê já somana óla nón ta zuntadu di fatxi npõ, Paulu fla pôvô, ê ta mêsê be já xiguintxi, só, só,só ê be ku plégasón antê mia-notxi. 8 Yô kanjá tava plundadu ni lugué ku a tava zuntadu. ^{9 10} 9 Ua maxibim ku ka sama Êutiku ta tasondu ni di uã janela ê kiê nua sóno lôngo, konformu Paulu sendê plegason, maxibin sê, tá dê ka dumini, êkyê di tlêsêlu anelali, óla á lanta, ê tava mótxi. 10 Só, só, só Paulu dêsê vlêga ni liba maxibim, blasé zó flá:" Na plêtuba fá, maxibim sé sa vivu. ^{11 12} 11 Ê, subli, patxi npõ kumé bila fla ku inén yô di pola, antê plama bili só ê bê dê. 12 A bé ku maxibim vivu, ê konsola inén montli. ^{13 14} 13 Nón plópi bé ni yô di Paulu ni vapô, antê Assôs, lugué ku nón tava pá nón lêsêbê Paulu atê bódó; Axén mó êlê plópi ta disidi, ê tava ka planêja bé di Téla. 14 Óla nón bêlê ni Assôs, nón lêsêbê ni bódo, nón ba Mitilenia. ^{15 16} 15 Só, só, só, nón bé dai, já xiguintli, nón xiga ótlo kuatu di ilha di Quio. Ni ôtlo já, nón xiga ilha Samo, di ua ôtlô já nón xiga pósón di Mileto. 16 Paulu tá toma disisón di na munja ni Éfesu fá, pê na plêdê témpu montxi ni Ásia já, punda ê tava ka mêsê xiga sédu ni jeluzalén ni já di Pentékostxi, xi di ua modu fô posével. ^{17 18 19 20 21} 17 Ni Mileto, ê manda ome bá Éfezu, ba sama inén pligibitel di glêza. 18 Óla inén xiga, ê fla inén:" Ynansê sêbê kuma gina plumê já kun pê ópé ni Ásia, u pasá maxi tempu ku inansê. 19 U stxivi Sun ku tudu humildaji ku awa uwê ni mê, suplimentu kum pasá plovia di dizojé di inén Zudê. 20 Inansê sêbê kuma na désa de fla nadaxi ku nasa plovétoso, mo u xina nansê ni kê, kê tudaxi, 21 U da têstêmunhu di alêpêndimentu da Zudê kuma Glêzu ni yô di Dêsu ku afé ni Sun nón Jizu. ^{22 23 24} 22 Miolé guiádu plu Suplitu, nga bá Jeluzalén, sê sêbê kua ku ka ba dá ku ami nalá; 23 Ô kua ku Suplitu Santu ska fé mu sêbê, ku ni tudu pósón, kaja ku Suflimentu ska guadamu. 24 Andeji mé na ska bê vida mu maxi buadu fá, xinga pôgi kaba kolê tã i ministéli kun lêsêbê di Sumu Jizu, pã dá têstêmunhu di vangeli di glása di Dêsu. ^{25 26 27} 25 Miólé u sêbê ku nêua nansê, kun tá plegá lênu, naka bila bê kala mu fá. 26 Plutantu ósé u ska fada inansê kuma u sa nosêntxi di sangui di kua kuali ome. 27 Punda na désa di munsa inansê tudu konsê di Dêsu fá. ^{28 29 30} 28 Só, só, só toma isténsu ku inansê mé ku lébanhu, ku Suplitu Santu fé nansê bispu, di guiá glêza Sumu, yxi ku Êlê plopi kopla ku sangui Dê. 29 " U sêbê kuma óla nga xê, lôbô distluidô ka bá lêntla nomê di inansê, ê naka pópá lebanhu fá. 30 U sêbê kuma nômê di inansê ka ba léntla ome ku ka bi tlâsê védé, di moda sê pé pô fasta inén disipulu di tlaínen da êlê mé. ^{31 32} 31 Plutantu, vija, lémbla ku inansê gina tlêxi anu na munja di da inansê istlusón bila sama atênson di kada ua di inansê ku áwa mê plamá ku notxi. 32 Miolé, nga tanda inansê da Dêsu kú palavla di glása Dê, ku sa kapaji di idifika inansê bila da elánsa di tudu ngê ku sa santifikadu. ^{33 34 35} 33 Na tê wê da plata, nê ôlô ô lôpa di nêwã ome fá. 34 Inansê sêbê kuma inen món sé stlivi mu óla na tinha kwa fá, supli nêsêxidaji di tudu ngê ku ta ku ami. 35 U da inansê inzémplu di tudu kwa i di modu ku a ka pô zuda flaku, mó inen ka pô tlaba, kuma inén ka pô lémbla di palavra Sun Jizu, palavla ku Êlê mé flá:" Maxi sa gôgô di da doque lêsêbê. ^{36 37 38} 36 Ku ê flá ê da dizê lasón ku tudu inén. 37 Inén tuduxi sola muntu, inén blasá Paulu, dé beginhu. 38 Inén tava tlisti plôvia di kwa ku ê fla inén kuma inén bila bêlê kala dé só, só, só, inén lêlê antê vapô.