¹ Ola dja di pentikosti njonha, inem tudaxi tava juntu niwa luge. ² Ê na tada fa uwa tromentu bi di ose mo ventu di uwa trovada xa je ntelu andje ine tava tasondu. ³ Lunja plasé potxidu mo fogo poza ni kabesa dine. ⁴ Inem tudu axi fica xo di suplitu juntu ine komessa ka fla ôtloô lingua, mo suplitu da ine pa ine fla. ⁵ Jeruzalem tava ku juda piedozo di tudu kamia xi basu dóse. ⁶ Ola a tende kwase, yon ngê zunta, babaka, punda inem tendê ngê ka fla ni plopli lungu dine. ⁷ Ine babaka punta tudu ine ome se ku ska fka na sa galileuã? ⁸ Kuma kada unwa bib ska têndê ine ka fla ni lungua tela non? ⁹ No sa ngê Partus, Medus e Elamitas, ku inen xi ku ka vivÇe ni mezopotania, ni judeia ni kapadosia, ni pontu ku Azia. ¹⁰ Ni fligia ku Panfilia ni Ejitu ku ine kamia di Libia petu di Cirene, ine vizita-ni roma, ine Judeu ku plozelitu. ¹¹ Ine Kretense ku arabi, non tudaxi tendê podê di obla di Deçu ni lingua non. ¹² Ine tudaxi fika pantadu ku kwa se jo kye ka junto uwa da õtlô:" kwa se kê kwa?" ¹³ Maji õtlo tava ja fe manjeson fla: " Ine sa bebedadu" ¹⁴ maji pedlu, lunta mundja ku ine onze, fla da tudu ngê: "Ome judeia ku tudu ngê ku ka ni jerusalem, a bili olia tende bila kuta palavla mu. ¹⁵ Ine ngê se ba sa bebedadu mo nansê ska pensa pô, ê sa flama anta wo. (ê sa nove ola plama wo) ¹⁶ Plofeta Joel tava ka fla kwa se: ¹⁷ " Ola dja kabi kaba sa mo Desu fla: Nga bi biloka suplitu ni liba tudu ngê: ine mosu nanse mina nanse kabi plofetiza, ine maxibin ka bi tê vizon e ngê, tame kabi sonha. ¹⁸ Tembete nga liloka suplitu m ni liba dine ome ku muala selvu mu, ine ka ba plofetiza. ¹⁹ Nga ba musa kwa glavi ni liba d'ose, ku xinali ni tela: sangi, fôgô ku ligô n'ose. ²⁰ Ante ku dja glandji sun kabi xiga solo kabi bila kulu nwa kabila sangi. ²¹ Ê kabi da ku tudu ngê ka klama nomi di sum kabi stlava. ²² Ome di israeli kuta palavla se: Mo nansê sebê, Jizu di nazalé, ome plovada plu Deçu ni ômê nansê mô nansê sêbe. ²³ Plovia di planu ku Deçu tava sebê txolaza, a tlega ome se da nansê, i nansê ni mom di ome, sê ale, a flege ni klusu bila mata: ²⁴ Ngê ku Deçu koda ni motxi bila kebla jinho di motxi, punda motxi na ka pô kwê fa. ²⁵ Davi fla nê moda se: "Semple amga bê sum ni uwê mu, ê ka ta gletu mu fla ami nasa vungunu vanga na fa. ²⁶ Êlê manda me klosson mu fa ku gosto lungua mu ka kanta, antê nê ubuê mu ka bi tê pozu ni mom sum. ²⁷ Punda bô na ka lega alma mu ni adi fa nê ubuwê di santu dê ê na ka legue po fa. ²⁸ Ine stlada di vida bô musa mu, ni juntu sun ami sa xa di gôstô. ²⁹ Ine manu ê vede me nga fla nansê di patriarka Davi, ê môlê a ntele, jaziju dê sala anté oze. ³⁰ Plomesa, di pê ni gonvenu unwa ngê de zelason dê. ³¹ Ê plêvê kwa se fla da lêsulêspm di Klistu koda ni motxi. Ê na zetê ni kbo fa (hades), ne ubwe de na poto fa. ³² Jizu se, ku Desu koda ola ê môlê, se ku non sa sestemunha dê. ³³ Axen ê sa luge di pôdê lodo Desu mon gletu, bila tê di pe plomesa di suplitu santu, ku nanse ska bê bila têndê. ³⁴ Punda ose Davi na be pô, maji ê fla: " Sum fla da sun mu: "Ni ladu gletu mu so bo ka tason, ³⁵ Antê ku ami ka fe ine numigu bô trubuna pa bô pê ope." Andê jime, sela tudu ke di islaeil: ³⁶ sêbê kwa se: Jizu se, ku nansê klusifika, ê sa fedu plu Deçu sum Klistu". ³⁷ Ola ine tende kwa se, klosson dine fika tlibuladu so inem fada pedl ku ôtlô apostulu: "inem manu ê ke kwa no ka fe?" ³⁸ So ku pedu kudji: "Sela nansê lependê bila butiza ni nomi di Klistu Jizu, pla pedon di pekadu nansê di modu di lesêbê don suplito santu. ³⁹ Punda plomesa sa fla nanse, pla mina nansê ku ine se ku sa londji, pla tudu ixi ku sa samadu plu Desu, sum no. ⁴⁰ Ku iô de palavlâ ê tava ka sama ine atenson fla: "xtlava ni ôme zelason maluvadu" ⁴¹ Antom ni dja sa la kleesenta uwa tlexi mili alima ku kuji palavla ka a butxiza ⁴² Ine tava flimini ni dotlina di apostulu, ni cumunhon ni meza sum ku lasom. ⁴³ Lispetu tava sen ni tudu nge, ine apostulu ta va ka fe io di sinali ku kwa glavi. ⁴⁴ Tudu nge ku kêlê tava zuntu (Mo plesu bosola) Bila tava zuntadu ni tudu kwa. ⁴⁵ Tudu bem ô tela ku ine tava ka bendê a ka patxi ku tudu ngê, minda fata di ka ngê. ⁴⁶ Antom, kada dja ine tava ni templu ku uwa plopozitu tan, ine tava ka patxi npô de ubuwê sum ni koda ke, tava ka kume zuntu ku gôsto ku kloson limpu; ⁴⁷ a ka lova Deus ine kyê ni glasa di tudu pôvô. Dja flô dja, sun tava ka klesênta ixi ku tava ka stlava.