^{1 2 3} 1 Sósó só dinen kwasé, Paulu dessa Atenas i ê bé pla kolintu. 2 Ê bê nai uwa zudê ku ka sama Aquila, ku sa di Pantu, ku ta bi tê pôkô di stalia ku mwala dê Prisila, naji kláudiu ta dá oji ku tudu inen zudê inen ka dessa Roma Paulu bé antê inen. 3 E, punda inen tinha fisu sé mé, Paulu fika kiê ka tlaba ku inen, punda inen ta ka fé tênda. ^{4 5 6} 4 Paulu tudu sábadu tava ni Sinagoga ka goló modu di konvensê inen zudê mó inen gregos. 5 Sósó só, ola Silas ku Timotiu inen dêsê di Masedônia, Paulu fô môvidu plô Suplitu pé fla inen zudê ku Jizu sa Klistu. 6 Olaxi ku inen Zudê bé kontla êlê bila vôluê, Paulu saguji lôpa dê flá kuma sangue nansê sa liba kabesa nansê, ami sa nôsêntxi,. Di miolé ba wê, uga ba inen gentíos". ^{7 8} 7 Ê xê nai bá ké di Titu justu, uwa omé ku tava ka dóra Dêsu. Kê dê tava, petu u, zuntu, di Sinagoga. 8 Klispo, xefi di sinagoga tudu ngê di ké dê kêlê ni Sumu, yô dinen kôlintiu ku kuta Paulu inen tembeté kelê sósó fô butxizadu. ^{9 10 11} 9Ya jina noitxi nuwa vizon Sumu, fla Paulu:" Na tê mendu fá, maxi fla na kaboka fa. 10 Punda u sa ku bô, niwa ngê na ka pê mon ni bô fa punda u tê yô povô ni posón sé." 11 Paulu vivê nai plô uwa anu e sexi mêji, ni dinen ka xina pâlavla di Dêsu. ^{12 13} 12 Maji olaxi ku Galio bila govenadô di Akaia, inen zudê zunta kontla Paulu i iene bé kuê tlibunalu. 13 Inen fla:" Omé sé ska kônvê povô di stlivi Dêsu, kontla alê. ^{14 15} 14 Ola Paulu ta kuaji di flá, Galio fada inen zudê:" Anton, inen zudê xi kwakwali klimi ô keston glanji, anton u ga tlata ku nansê. 15 Maji kuma ê sa kwa di palavla i nome dí plopi alê di nansê, isé nansê mé ka sêbê dê, ami na mesê sa zuxi ninen kwa sé fá. ^{16 17} 16 Galio manda inen xê di tlibunali: 17 Andejimé inen plega Sóstenes, xefi di Sinagoga, ku fêsa inen dé pankada ni wê di tlibunali. Anton, Galio na pota ku kwaxi ku inén fé fá. ^{18 19} 18 Olá uwa dôsu dja vala nala, Paulu désa inen manu navega ba Siria, ku Prisula ku Aquila. Antis diê desa Portu, ni Senkreia, ê klóko kabêsa punda ê tava fedu uwa votu di nazireu. 19 Óla iene xiga Efesu, Paulu desa Prisila ku Aquila nai, soku ê be lêmé ba Sinagoga kiê ka plufia ku inen zudê. ^{20 21} 20 O ola inen piji Paulu pê pô fika maxi tempu, ê nega: 21 Maji ê dispidi dinen, flá xi sa vonté di Dêsu uga bila bi lêlê nansê. ^{22 23} 22 Ola Paulu fé viaji ni Sesareia, ê subli Jeruzalén, fla mantxa da glêza, dêsê ba Antiokia. 23 Ola ê pasa tempu nai ê bé ê vala plô inen legion di galasia di Frgia, tudu iene dixipulu ê dá anumu. ^{24 25 26} 24 Uwa zudê ta sen Samadu Apolu, naxidu ni Alexandria ku bi di Éfesu. E tava sa omé di pôdêni isklitula. 25 Apolu fui xinadu ni stlada di Sumu di Suplitu fotxi, ta ka fla ta ka xina ku plixison ninen kwa di Jizu., Maji ê tava ka konsê tanganatan butismu di Zon. 26 Anton, ola Prisila ku Akila têndê, Apolu kiê ka fla ku kurajem ni Sinagoga. inen bé kuê zó xinen stlada di Dêsu maxi bwadu. ^{27 28} 27 Ê tava ka mesê vala ba Akaia, i´nen manu enkorajé i da inen dixipulu pa inen pô lêsêbê ni Akaia. Ola ê xiga ê zuda inen sén ku plô glasa ta kêlê. 28 Apolu, ni masã ngê ta ka vênsê inen zudê ku podê abdaji dê, ê musinen plô sklitula ku Jizu sa Klistu