¹ Uã dôsu ome dêsê di Judeia ta ka xina inen manu ka fada: " xi nansê toka sa xikunsidadu xigundu kustume di Muzé, xina nansê na ka stlava fa. ² Paulu ku Barnabé tinha uã glandji disenson ku debate ku inen, inen manu disii di Paulu, Barnabé i uã uã ôtlô toka subli ba Jerusalém, pla inen bé ku quston sé da apóstulu ku plisbitelu. ³ Punda kwa sé sa mandadu plu glêza. ine vala di Finisi ku Samaiá, anunxia koverson di zentin ku da inen manu yô gosto. ⁴ Ola a xiga Jerusalém, inen fô lêsêbidu plu glêsa, plu inen apostulu, ku inen plistitelu fla tudu kwa ku Dêsu ta fe plô mê di inen. ⁵ Andêjimé, uã dôsu ome di glupu dinen faluzeu ku ta kêlê lanta fla: "Ê sa nesesariu ku inen toca sa skunsidadu be la toka têndê alê di Mozé." ⁶ Inen apostulu i plisbitelu zunta di tlata asuntu sé. ⁷ Ni ômê di yô klonvesa Pedu lanta fla: "inen manu, nansê sêbê kuma nomi nansê Dêsu fe uã kôya, plovia di boka mu inen zentin têndê palavla di vandélu, kêle. ⁸ Dêsu, ku konsê kloson, sestemunhan da inen, ola inen Suplitu Santu axê non ni mon; ⁹ na fe distinson di non ku inen fa, limpa inen kloson plô mê di afé. ¹⁰ Anton, a ska testa Dêsu punda kamanda, ska pê ni dixipulu uã kéga ku nê nansê nê pe nansê na ngwenta kwê fa? ¹¹ Non kêlêku non ka sa aluvu plô glása sumu Jizu, axen mó inen fô." ¹² Tudu multidon fika ku boka fixadu da a tênê Barnabé ku Paulu ta ka fla di xinali ku malvilh ku Dêsu tinha fedu ni ômê zentxin plõvia dinen. ¹³ Ola inen ka bôk, Tiagu kujiê fla:" Inen manu, tendê mu." ¹⁴ Ximon lelata kuma plumê Dêsu zuda glaxiosamente inen gintxin, di ni ômê dinen uã pôvô pa nomi Dê. ¹⁵ Palavla dinen plofeta ka kuji ku isé mo ê sa sklêvidu. ¹⁶ " Olaa inen kwa se nga bila fla tenda di Davi ku fô blagadu. Nga bila tanta di fé tudu inenkwa se danadu. ¹⁷ Pa ome ku sobla bé buka Sumu incluitudu zentin samadu plu nomi Mu." ¹⁸ Sum fla inen kua se, pa a kônsê nomi Sum djina tempu pasadu. ¹⁹ Plutantu,dision mu sa pla non na bila plêtuba inen jentxin ku bila ba Dêsu fa; ²⁰ Maji sklêvê inen da inen loklê di kontaminaon di tudu idulu, di fornikason, di kumébisuflokádu i di sangi. ²¹ Punda yô selason, Muzé sa plêgadô tudu sabadu, ni xinagoga di tudu poson. ²² Anton, kwa ku bwa da inen apostulu ku ine plisbitelu, ku tudu glêsa kôyê Zuda samadu Barsabás ku Sila, inen sa lider glêza, manda baAnteokia ku Paulu ku Barnabé. ²³ Inen sklêvê axen:" inen apostulu,ku inen plisbitélu ku inen manu, da ien manu jentxin ni Anteokia, Siria ku Silisia, saudason. ²⁴ Non tendê ku uã glupu d'ome, ku non na ta da nê uã odji fa, finta non, ta ka tlubula nansê ku palavla, di konfundi kabêsa nansê. ²⁵ I plasê nom ben xiga uã disison, kôyê ome di manda inen antê nansê zuntu ku inen namu non Barnabé ku Paulu. ²⁶ Inen ku liska vida dinen plô nomi di klistu Jizu Sum non. ²⁷ Plutantu, non manda Zuda ku Sila konta inen ku sê mé. ²⁸ Punda ê plasê bwadu da Suplitu Santu ku non, na pê ni liba nansê kêga maxi glandji dôkê inen sé fa. ²⁹ ku sêlaa mantê londji di tudu kwa saklifikadu da idulu, sangi, bisu flokadu ku sexu sê lispêtu. Xi nansê plôtegê dinen kwa sé, tudu kwa ka sa bwa ku nansê, Amém. ³⁰ Anton, ine a dixpidi inen, inen dêsê ba Anteokia, zunta multidon, tanda kata. ³¹ Ola inen lê, inenfika ku gostô lumadu plôvia di kolaji. ³² Zuda ku Sila tembeté plôfeta, da inen fôsa kolajiku yô di palavla. ³³ Ola inen pasa mina tempu naí, a manda inen ni paji ôtlô vê da inen manu ku tava manda inen. ³⁴ maji, ê plasê bwa da Sila ta naí. ³⁵ maji, Paulu ku Barnabé fika ni Anteokia zuntu ku inen ôtlô kamya, inen tava ka xina ka plega palavla di Sum. ³⁶ Pasadu uã dôsu dja, Paulu fla Barnabé: " Bômu bila wê ba pya innmanu ni kada poson kamya non tava plegadu palavla di sSum pa non pya mo inen sa. ³⁷ Barnbé tembeté ta ka m^sê bé ku Zon samadu Maku. ³⁸ Maji Paulu na kunxintxi di bé kwê fa punda, ê tava bandonadu inen djina Panfilia ni obla ku inen ta ka fe. ³⁹ So So kwa se da yô demanda inen wanga Barnabé toma Maku navega bá Xipli. ⁴⁰ Maji, Paulu kôyê Sila bé dê, soso inen xê ni kunfiansa dinen manu ni glasa Sum. ⁴¹ va la di Siria ku Sisilia, k da glêza fôsa.