^{2 3 1} É tava ku uwa dôsu mese ku plofeta ni gleza di Antiôkia. Ine sa, Barnabé, Simon kua a ka sama Niger, Lusio di Sirineu, Manaén, manu dotadu di govenadô Herode. 2 Ola ine tava ka adola Sun ku zizu, Suplitu Santu fla: Pê ptadu da Mu Banabe ku Saulu da obla ku ami sama ine di fé. 3 Ola ine kuba di zizu a sende mon pê liba dine laza benson za manda ine be. ^{4 5} 4 Anton Barnabe ku Saulu vlega da Suplitu Santu, ine desê ba Lelêusia, nala ine be ni kanua antê iya xipri. 5 Ola ine tava ni poson di Salamina, in kuê ka fla palavla Dêsu ni xinagoga dine judeu. Maku tembete tava ka ine me mawêlu. ^{6 7 8} 6 Ola ine vala tudu ilha di pafus, a bê wua ome ku ka fe stluvisu majia, ome se sa fasu plofeta nomi dê sa Borjezu. 7 Magiku se tava ku govenadô Sergiu Paulu, ku sa ome sêbêdô. Ê manda sama Barnabe ku Saulu, punda ê ta mêsê têndê palavla Dêsu. 8 Maji Elima (nomi majiku nôtlô lungwa) tava kontla, mêsê bila ba tlaxi afe di govenadô. ^{9 10} 9 Maji Saulu, tembete samadu Paulu, xa di Suplitu Santu, pye ni wê. 10 so fla: Bô mina demono bô sa xa tudu mintxila ku mali. Bô sa numigu tudu tipu justisa. Antê kê dja bô ka mundjado fe mali da stlada Sun ê? ^{11 12} 11 Miolen, men Sun sa kontla bô, bô ka ta seju. Bô ka ta lôngô tempu sê bê solo" É na tada fa wua pie di kulu kyê liba dê, ê fika segu ka nda ka piji ngê pa te mo. 12 Ola govenadô bê kua ku da ê kêlê punda ê gôgô lumadu ku xinamentu di Sun. ^{13 14 15} 13 Anton, Paulu ku ine migu dê navega di Pafus xiga Pergi, ni Panfilia Zon desa ine nala bêdê Jeruzalén. 14 Paulu ku migu dê fe viagi di Pergi xija Antiôkia di Pizidi. Nala, sabadu ine ba xinagoga, ine tason. 15 Olá a kalio di lê nlê di ine Plefota, ine lide di xinagoga manda fa dine: Ine manu ê xi nansê tê mensagen di animu da pôvô, a pô fla. ^{16 17 18} 16 Axen, Paulu lanta le xinali ku non pa po kaboka fla: Omé di Israeli nansê ku tê lispetu ku Dêsu têndê . 17 Dêsu di pôvô se Israeli, kôyê ine donu ne fe pôvô glandji ola ine tava ni tela di Egitu ku blasu di pôde txila ine dala. 18 Plenta di kwarenta anu, Ê da ine sustentu ni dizertu. ^{19 20} 19 Ola ê blaga sete nason ni tela di kanaã Ê da pôvô no tela se de leda. 20 Tudu kwa se tê maxi di kwatlusentu xinkuenta anu. Maji ni tudu ine kwa se, Dêsu da ine juxi antê plofeta Samueli. ^{21 22} 21 Anton pôvô pidji wua alê plo kwarentaanu, Dêsu da ine Saúlu, mosu di kis, ome di tlibu di Bejami. 22 Tempu vala, Dêsu txila ni tlonu so da ine Davi mo alê. Ku Davi Dêsu fla: Nbê Davi mosu Jese, pla sa ome mo kloson mu, ê ka ba fe tudu kwa vonte Mu. ^{23 24 25} 23 Ni zelason di ome se, Dêsu bikwê da Israeli Jizu, Itladadô, kwa E plômêtê. 24 Antê E be Zon fla ni butismu di alêpêndimentu pla tudu pôvô di Israeli. 25 Ola Zon tava ka kaba stluvisu dê, ê fla: Nansê ska pensa kuma ami sa kêngê? Ami na sa ixi ku nansê pensa fa. Maji Ê ska xiga ola depoji di amin, Ngê ska bê nê sandalia do pe na ka pôji txile fã. ^{26 27} 26 Ine manu ê, mina di zelason di Abrom ku ine ixi ku ka adora Dêsu ni ômê nansê, a manda mensagen di stlavason se da non. 27 Punda ine se ku ka vivê n Jeruzalen kuine govenu dê, ine na konsê Jizu pô, vedeme nê mensagem de plofeta ku ine ka fê tudu sabadu a na têndê fa maji ine kumpli palavla dine plofeta mata Jizu. ^{28 29} 28 Andêjime ine na bê nada xi ku da lazon ola motxi Dê fa, maji a piji Pilato di mate. 29 Ola tudu kwa ku sa stlitu kumpli Nê ( ni liba De). a txilê liba po pê niwa kobo. ^{30 31} 30 Maji, Dêsu lesusita Jizu ni motxi. 31 Ê plasê yô vê da ine xi ku bi kwe jina Galilêia antê Jeruzalen, miolen ine ngê se sa sestemunha dê da pôvô. ^{32 33 34} 32 Anton, non bi ku nutixa bwuadu di plomesa ku a fe da ine donu non. 33 Dêsu fe ine plomesa se da, mina Dê, kuma Ê lesusita Jizu ni motxi Ise sa sklitu tembete salumu sagundu: Bô sa Moso Mu, oze ami jera Bô,. 34 Tembete mo Jezu lesusita ni motxi, pla kôplô Dê na kolonpe fa, Ê fla axen: Nga da ba ine benson santo fieli di Davi. ^{35 36 37} 35 Êlê manda me, Ê fla ni otlo salumu: " Bô na ka ba desa Santu Bô poto fô." 36 Maji, ola ka Davi ta stlivi ne zelason dê ine kwa di Dêsu, ê môlê a utele zuntu ine pe dê ê sola koba antxoze. 37 Maji Jesu, ise ku Dêsu lesusita ê na poto ni kobo fa. ^{38 39} 38 Anton sela nanse Konse kwa se, ine manu plovia Ome se a fasda nansê nutixa di pedon di pekadu. 39 Plô ômê Dê, tudu ixi ku kêlê sa justu di tudu kwa ku ni alê di Muze na pô justifika fa. ^{40 41} 40 Sela, tê kuidadu pla ine kwa se ku plofeta fla na da ku nansê fa. 41 Pya, nansê ku fe mangason, nanse bebaka a ka be plêdê, punda ami ska fe wua obla ni dja nansê ku a pê fada nanse maji nansê ne ka bi kele fa. ^{42 43} 42Ola Paulu ku Barnade tava ka xê, pôvôlogo ine pa ine po bila fla palavla se me ni ótlô sabadu. 45 Ola ku renion di sinagoga kaba, yô judeu devotu aplozelitu lêlê Paulu ku Barnabe ine fada ine sun se pla ine ta flimi ni glasa di Dêsu. ^{44 45} 44 Sabadu xigintxi kwazi tudu njê di poson zunta di têndê palavra Sun. 45 Ola ku ine judeu bê pôvô, ine fla kontla tudu kwa ku Paulu fla. ^{46 47} 46 Maji, Paulu ku Barnabe, sê mendu fada ine:" Ê nanse se teka tende palavla se di Dêsu plumelu. Pya mo nanse zete nanse na sa konsideradu diginu di vida terna fa, myolen non bila wê da ine jentiu. 47 Punda axen Sun da no oji fla: Ami pê nansê mo kandja pla ine jentiu, pla nansê be ku stlavason ante tudu tela". ^{48 49} 48 Ola ine têndê kwa se, ine jentxi fika ku gôgô lumadu so kyê ka lova palavla di Sun. Tudu ine se ka sa pla vida terna kêlê. 50 Palavra Sun wanga ba tudu djangadjango dala. ^{50 51 52} 50 Maji ine judeu sama atenso da ine muala plixizu ku ine ome lide di poson. Ine da fosa di lanta plixigison kontla Paulu ku Barnabe di Kôlêku ine ba longi de poson dine. 51 Paulu ku Barnabe sagudji opó di ope kontla ine. Zaó xê ba poson di Ikóniu. 52 Ine lumoxiho tava xa di alêgria ku Suplitu Santu.