¹ Sumu sasedoxi punta: inen kwase sa vede?. ² Stêva fla: Inen manu ku inen papa mu ê a tende mu: Desu di gloia plase da ablon pe ni ola e tava ni mezopotania , antés di ê vivê ni hora. ³ So fade: "Desa tela bo ku familia bo, ba tela kun sa di mu sa di bo" ⁴ Anton ablon desa tela di kodeu pa ê ba vive ni horã nala ola ku nase ska vive ne wô. ⁵ Ê na de nó uã likeza fa. ne uã kamya di pe a pe maji ê plomete kuma ê ka de tele ma poxi da familia dê, se pa ablon te anzu. ⁶ Desu fla kuê de moda se: Punda zelason de ka bi pasa tempu ni otlo tela ka vive manstlanjelu andji inen ka bi sa kotxibu bela sa motladu plo kwantlu sentu anu. (400 anos) ⁷ Desu fla: "Ami nga bi lansa sensa da nason ku ka bi fe ine katxibu soso ola inen kwase ka vala inen ka bi damu adorason ni luge se" ⁸ Anton a de kontlatu di xikunsison ablon bi sa pe di dzaki sa ê sekunside ni wôtô dja. Ijaki bi se pe di jako, soso jako sa pe di doze patriarka. ⁹ Maji inen patriarka tava ku sumi di zozé inen bende da Izitu maji Desu tava kuê. ¹⁰ Soso livle ni tudu Suflimentu de glasa ku sêbê ni wê di farao. Farao fe gobenado di Ezitu ku tudu ke de. ¹¹ Ua fami plase ni Ezitu ntelu ku ya di suflimentu inen pe non na tava ka be kume fa. ¹² Ola jako tende kuma ni Ezitu te kume, plume vê ê manda, inen danu non. ¹³ Né segundo vê, zoze plase da inen manu de fada bi konse zelason dê. ¹⁴ Zoze manda inen manu dê di ba fada joko pa ê po be Jitu, zuntadu ku tudu familia, dê ku sa, dexi vê di sete ku xenky ngê stenta xinku. ¹⁵ Axen joko dêsê ba Ezitu, na ê lêlê êlê ku tudu inen zelason se. ¹⁶ A be kuê ba ûtela ni ximinteli ku ablanta kopla ni siken pla ua plesu gladji kwantia di mosu de Emor, ni siken. ¹⁷ Kwa tava ka faze tempu pa Desu po kumpli plomesa ku e ta fe da ablon; povo ta klese ka sabloka ni Ejitu. ¹⁸ Ante ku otlo alê, lanta nala, sê sê bê lemgie sa zoje. ¹⁹ Alê seme ngana, povo na bila matlata inen danu non bila da inen odji di juga anzu fili buta pla inen na vêvê. ²⁰ Nitempu sala, muze nansê Desu gogo kuê lumadu a de mama tlexi meji ni ke pe dê, ²¹ Ola kuê zunge pe lwa, mina farao kye ma mo mina mosu dê. ²² Muze ta fo xinadu ni tudu sêbê di eji pa séu ê tava ku pode ni obla. ²³ Maji ola ku e tava ku uã kwarenta anu ê de ni kloson vonte di ba pya inen manu dê inen mina di islaeli. ²⁴ Ê bê uã islaelita ka pasa mali, muze valê ni mon di vingado soso mata ejipisiu se. ²⁵ Kunda kuma Desu sa di bi livla inen plo mon dê. ²⁶ Ni xégintxi, fazê uã dasu Islaelita ku tava ka fe demanda ê tenta di fe paji, home, nanse sa manu fâ: kamanda a xika fê otlo mali da?. ²⁷ Ayola, ngê ku tava ka matlata otlo da muze pinsu fla: kêngê fe bo mo xefé a jixi ni ome non?. ²⁸ Mo ba mata Ejipisiu ante sa bo mese mata mu? ²⁹ Plovia di kawase ku muze têndê ê fuji, bila mo di xtlanjêlu ni midiã, kamya ku ê fe dosu mina mosu. ³⁰ Plentu di kwarenta anu, uã anzu Desu ni diretu ni monte xinali, ni uã so so ku tava ka ledê no fogo. ³¹ Olá Músé pia fôgó, ê fika dimiladu ku vison sé, só ê bi maxi pétú pê pô pia, sósó ê têndê uwã vós Sumu, ku flá ku ê: ³² Hun sá Desú diné pê bô, Desú di Ablon, ku Isaqui, ku Jakó". Músé tlêmê, ê ná tava mêsê pia punda mendú. ³³ Sósó Sun flá dé: " txilá sapatu ku bô sá ku ê, pundá lugé sé ku bô sá sá lugé santú. ³⁴ Ami tava ká pia suflimentú di pôvô mu ku sá ni Egitu. Hun tá ká têndê dôlô diné, sósó Hun ixká dêsê pan pô livla iné; Bí pundá Hun ká mêsê mandá bô bá Egitu ³⁵ Sósó Musé sé, ku iné tava ká zétá, ka flá: "Kêngê pê bô zuxi ni liba non?" Êlê mé Desú manda pê pô bila zuxi ku libetadó plôvia mon di Anzu Desú ku plasê dé ni plantá ku tava ká lêdê. ³⁶ Pê pô fé milagli ku xinali ni ômali vlêmê ni desétu, jina kualenta ano ku iné tava ni desétu. ³⁷ Isé só sá Musé sé ku flá ku pôvô di Islaeli: " Desú ká bá lantá uwã plofeta dá nansê nô ômê diné mano nansê, uwã plofeta kuma ami". ³⁸ Ise só sá ku tava ni konglegason ni desetú, ku anzu Desú ku flá ku ê ni montxi Sinai, ku iné antipasadú non, ê ku lêsêbê palavla ku tê vida pê pô fadá non. ³⁹ Isé só sá ômê ku iné pé non ná tava ká kêlê né; iné zété bilá kloson diné pá indé na tendê kua ku ê ka flá fá pundá iné tava ká mêsê votá bá Egitú. ⁴⁰ Ni tempu sé iné fada Aron: "Fé uwã desú ku ká bé ku non. Punda Musé sé ku txilá non ni telá di Egitú non ná sebê kua ku kontêsê ku ê fá". ⁴¹ Ni djá sé iné fé uwã bizelú, pá iné pô fé sakrifisú dê, pá iné pô gôgô ku ê punda sá obla di mon diné. ⁴² Maxi Desú, fô wê diné, desá iné fé kultu dá inpé hosti d'ôsé, kuma sá isklevidu ni iné livro diné plofétá. " Sósó nansê damú vitimá ku saklifisú ni desetú giná kualenta ano, ó iné ké di Islaeli?" ⁴³ Nansê lêsêbê tabenakulu di Moloqui ku istlela di desú Refã, ku imagi ku nansê fé pa nansê pô dorá: "Punda kua séd Hun ixká bé ku nansê fô longi, hun ixká ku nansê fô bá Babilinia." ⁴⁴ Iné hungê non tempú tava ku tabenakulu di testemuniu, ni desetú, axén kuma Desú tava ká fla ku Musé, pê pô fé kuma Desú tava mandé, kuma ê bê ku ê dê. ⁴⁵ Isé sá tendá ku iné ungê non tempú, ni tempu sé, bé kue télá ku josué. Kua sé kontesê olá iné tomá posi diné nason ku Desú txilá ni wê diné. Axém ê fika anté tempu di Davi, ⁴⁶ ku tava ku glasá ni wê di Desú; ê piji Desú do Jakó pê pô kontla uwã lugué pê pô vivê. ⁴⁷ Maxi Salomon kontluí ké Desú. ⁴⁸ Sósó, Sun Altissimú, ná ká bitá ni ké ku sá fedú ku mon di ômé fá, axém kuma iné plofetá flá: ⁴⁹ "Ôsé sá tlonú Mú, télá sá tapetxi ku ká pê pé Mú. Kê ké nansê ká pô fé dá Mú, Sun flá; kê lugê sá lugê kun ixká diskansá? ⁵⁰ Ná sá mon Mú ku fé tudú kua sé?" ⁵¹ Nansê ku sá ungê ku kloson biladú dá iné kua mali, ku ôlia dúlú ku ná tendê Ipilitu Santú fá; Nansê ká fé kuaémé kuma iné ungê nansê tempú,. ⁵² Kuali plofetá iné ungê nansê tempú ná plesigui? Iné matá iné plofetá ku bi plimê ku isé ku sá Zuxtu; ⁵³ Nansê tembeté sá klupadú di motxi Dê; nansê ku lêsêbê alê plômê di minitelio di Anzú Desú, maxi nansê ná gwada fá". ⁵⁴ Anton, olá iné memblú di konsê, têndê kua sé iné fika blabú ni kloson, só iné tavá ka tlinka dentxi kontla Estevan. ⁵⁵ Maxi Estevan tava xá Súplitú Santú, ê pia ku wê flimi dá ôsé, só ê bê glolia di Desú, ku Klixtu ku tava mundjadú ni diletá di Desú. Sósó ⁵⁶ Estevan flá: "Pia, hun ixká bê ôsé bétu, ku mina di Ômé ku sá mudjadú ku ni mon diletú di Desú". ⁵⁷ Sósó, iné memblú di konsé glitá, iné tapá ôliá diné e iné tudaxi zuntá pê Estevan; ⁵⁸ iné fô kuê dá luá di posón, pá iné pô dê ku búdú; iné testemunha ku tavá ná lá desá kapa dê ni ôpé di uwã mosú joven kukasama Paulu. ⁵⁹ Sósó olá iné tava ka dê ku búdú, Estevan tava ka fla ku Desú:" Sumu Jizú, tomé suplitú mu, ⁶⁰ Sósó ê fika plostadú só ê glitá: Sumê, nã fé iné inguê sé klupadú di pekadú sé fá". Sósó olá ê fla kua sé, ê kê kuma ungê ku dumini.