¹ Plimélu livlo ku´um sclévé, Teofilu, kum konta tudu kwa ku Jizu komesa ka fé i ka xina, ² anté dja sé ku ê foi elevadu ba ôsé. kwa sé ê dá ôla ê da inen ordem, plômé di Suplitu Santu, inen apostulus ku ê koiê. ³ Ôla ê tava sluflidu, Ê plasé da êlê mé da inen vivu, ku yô di plova ku a ka kontesta fá. Kwarenta dias, Ê plasé da inen, i fada inen di Lênu di Dêsu. ⁴ Ólá ê tava junto ku tudo iné,, Ê flá pá iné ná xê di Jeluzalen, maxi pá iné ´pô gwada plomesa di Pé, ná lá, kuma ê flá: "Nansê tendê ji mú, ⁵ ku Zon batizá ku awá, mas djá ká válá nansê bá sê batisadú ku Ispiritu Santu". ⁶ Olá iné táva zuntadu, iná puntá: " Sumú ê, sá ni temú sé ku Sun iska votá dá Islael Lenu?" ⁷ Só Ê flá: "Nansê ná tê ku sêbê tempú ku épuka, kú Pé mu flimá ku atolidade dê mê, ⁸ maxi nansê ká lêsêbê pôdê, ólá Ispilitu Santú ká bi, liba nansê, só nansê ka bilá testemunha mú, ni Jeluzaren, ku tudu Judéia, ku Samaiá, antê ni tudú kantu di télá". ⁹ Sósó ólá Ê flá iné kwa sé, Sun tává ká subli bá ósé, iné disipulu dê tává ká pia Ê ká sublia nó ómê di nuven, só iné ná Jizu maxi fá. ¹⁰ Sósó iné tava ka pia ósé antá uô, olá Jizú tává ká subli, sósó dôsú anzu Desú bixidú di blanku, plásê ni opé diné. ¹¹ Iné Anzú flá:"Íné ômé galileu, pundá kê kua nansê sá ku wê nó ôsé? Jizú sé ku nansê bê iská subli, Ê ka bila bi, di modú ku nansê pia ku Ê subli". ¹² Antón iné bá Jeluzalen, ni montxi di oliveiras ku ká fica pétu di Jeluzalen, ni uwã camiã di djá sabadú. ¹³ Olá iné xiká, iné fô bá kuatu ni libá, anji iné tava hopedadú. Iné sá Pedlu; Zon; Tiagú; Adlé; Filipe; Tómé; Batôlômê; Mateu; Tiagú mina di Alfê; Simon; ku sá Zelotxi; Zúda; ku sá mina di Tiagú. ¹⁴ Tudú iné tavá zuntú ni olason, suntadú ku iná mualá, ku Maia, mén di Jizú, ku iná manú Dê. ¹⁵ Ni djá sé, Pedlú fika mundjadú nô ômê di iné manú, Ku tavá sá uwã sentú vintxi ungê, só ê flá: ¹⁶ "Iná manú, ê tava ku xê axén pá Isklitulá pô kumpli, ni kua ku Ispilitu Santú flá ni boká di Davi, ku lespêtú di Judá, kú bi ku iné ungê ku plêndê Jizú. ¹⁷ Sósó fô uwã di non, ê tavá ku non ni ministelo sé. ¹⁸ (Ê komplá uwã kampu ku jélú di negóxó suzú, só ê bá floká, klôpô dê patxi no ômê, tlipá dê xê bá lwá. ¹⁹ Mali sé fika konxidú de tudu ungê ku ká vivê ni Jiluzalen, sósó kampu sé a ká samé ni lungwá diné "Alseldama", ku ká signifiká "Kampú di Sangi". ²⁰ Sósó ê sá isklevidú ni livlu diné Salmú: " Hun fé ku kampu bô ka fika bandonadú, pá niwãunge ká vivê nê fá" Hun fê ku ôtlô ungê ká fika ni luge bô ni lidelansa". ²¹ Sósó ê tê ku xê axén , nô ômê di non tê ku sê ômé ku tava ku non ni opá Jizu, ²² ku ká komesá ni batismú di Zon antê djá ku Ê fô subli bá ôsé, uwã diné ká bilá testemunã ku non ni lesuleson". ²³ Sósó iné pontá dôsú: José, ku ká samá Balsabás, ku tê ôtlô nomi ku ká Samá Zuxtu, ku Matia. ²⁴ Sósó iné fé olason: " Sun só ká konxê kloson di tudu ungê, anton, flá non kuali di iné dôsú, ²⁵ Sun koiê pá ê pô fiká ni stluvisú di apostulu, ku Zúda xê pundá ê bá ôtlô kamiã di mali". ²⁶ Sósó iné lansa sotxi nô ômê diné dôsú; sósó sotxi sé kê fô liba Matia, só ê fô kontadú ku iné ônsé apostulu.