¹ U tóká glóia, máji na nganha nadaxi kú kwá sé fá. Antón, ngá pasá visón mú kú lévélasón di sum. ² U kômé uã hómé ni Klistu, isala déxi kú kwátlu ánu antiji, fô txiladu ba tlísêlu ósé - Xi ê sá ni klôpô ô sé kôplô ami, ná sêbê fá; Dêçu só sêbê. ³ U sêbê kúma hómé sé (Xi ni klôpô, ô sê klôpô ami ná sêbê fá; Dêçu só sêbê) ⁴ Ê fô txiladu ba (Parazu), ê têndê kwá sagládu muntu olá uã nguê pô flá. ⁵ Pla ome se ngada glóiá; máji plámi, ná ká glóiá fa, xi ê na sa ni flakêsa mú fá. ⁶ Xin ska mêsê da gloia, na sá dôdô fá, ámi ska flá védé; máji ná ká glóiá fá, plá niuã nguê ná pénsá ná mi máxi dôkê a bê ni ami ô kwá ká têndê dá mi. ⁷ Amí témbété ná ká glóiá fá plôviá di ximentxi livelason se. Plôtantu pla ami na lepoji pasá fá, á dá mú uã nega ni kámi, uã mesajêlu di satanáji plá ê tlómentá mú, plá ami na xa fá. ⁸ Tlêxi vê u piji sum ku loga ni kwásé, pla ê pôji txilé ni ami. ⁹ Sóku ê flá: "Glása mú ka xigá bô; Pôdê mu ka dá bô fôsa ni flakêza". So so, milio ami tê poki ni flákêsa mu, plá pôdê di Klistu sá ni ami. ¹⁰ Êlê manda, u sá ku gôstô ni flakêsa, ni insúltu, ni pôbléma, ni plixiguisón ku ine disástli, plôviá di Klistu so so, óla u sá fláku, antón u sá fótxi. ¹¹ U bilá dôdô! nánsê so fe mé axen, ê nánsê tóká da mu Désu pá du. Ami ná sá flíoló di ine samadu apóstulu glanji fá, andéji me ná sá nádaxi fá. ¹² Meka flofi di unta apóstulu fô fédu ni nánsê kú túdu paxénsa, xináli (malavilia) kú milágli. ¹³ Antón, mó nánsê mê fô maxi txoko dókê ôtlô glêsa, ami kú ná fô uã kéga dá nánsê? Pôdá mú da mali se! ¹⁴ Piá! u sá ni modu bila bi lê lê nansê tlisêlu vê. Ná ká sá uã kéga da nánsê fá; no mêsê ku sa jinán sê fá, maji nansê mé. Pundá mina na tóká zunta bém da iném pé fá, máji pé só ka zúnta dá mina. ¹⁵ Ami gosta ku gôstô kwá kun tê nga vida mú plovia álima nánsê. Xin tê amôlê ku nansê lumá, u sá pôkô amádu plô nansê? ¹⁶ Di módu sé, ná ká pê pezu bilá nansê fá: maji, jína kun sá u sá ástutu u mala nansê kú mintxila. ¹⁷ Mó fála u explólá nánsê plô mê di nguê ku mandá. ¹⁸ U kônvensê titu di bé antê nánsê, bila mandá ôtlô mánu bê kwê. Mô fála títu explóra nánsê? nón na ndá ni suflítu sé mé fá? ná sá pasú se me só mo da fá?. ¹⁹ Nánsê pensá, kú túdu témpu sé nón táva ká dêfendê ni uã nansê? ni wê Dêçu, nón táva ká flá túdu nén kwá sé plá edifikásón nánsê. ²⁰ Nga mendu, óla ngá bi, ná ká bê nánsê ni modu kun tava mêsê fá kú nánsê ná ká bê mú mó nánsê ta mêsê fá. Ngá mendu bê demanda, wê xa, ójó, ambisón egoista fásu, pla von von, sobelubu kú disórdem. ²¹ Ngá mendu óla bilá, Dêsu mú ká minguá mú ôtlô olá, kú ná lepêndê di kwa suzu sexu sê lispetu ku vida di seduson ku iném ta fé