¹ Nâ sa livli fá? Nâ sa uã apostulu fá? Ami na be Jizu sum non fa? Nansê na sa xtluvisu mu ni sum fá? ² Xi na sá uã apostulu dá otlô fá, maji u sá apóstulu pla nansê, pundáa nansê sá plova dy apostoladu mu ny sumú ³ Ysé sá dêfeza mu pla yné sé ku ka migi mu ku ni ⁴ Non na tê oji dy bé ku bêbê fá? ⁵ non ná tê ojí dy bé ku non ûa muila ku sa kliston, axen mo yné apostulu ka fé, y yne manu dy sum ku Cepa fá? ⁶ Ô sa barnabé ku ami tan só ku ka pô tlabá? ⁷ Kengê ku ka xtlivi mó sadé ku plopi kustu dê? kengê ku ka ximiá uã pô ku na ka kumé dê fá? Ô kengê ku ka kiá uã lebaiu ku na ka bêbê lête de fá? ⁸ Uga flá kuá sé ny pôde dy óme? tembété alê na ka flâ kua sé fá? ⁹ Pundá ny alê dy moisés sá xklêvidu: "Ana ka tapá be boka olá ê xka damu glón fa?" Vêdé mé ê sá buê plopi ku Desu ka potá? ¹⁰ Ê na xka fla ny non fá? Ê fô xklevidu pla non, punda ugê ku ka tlabá tela, selá Ê tlabá ku xpelansa, y ugê xi ku ka tlabá, sé lá ê tlabá ku konfiansa dy patxi yxi ku â kôiê. ¹¹ XIi non ximiã kua suplitu namê nansê, ê ka pô sá maxi koiê kwa kane nomê nansê?. ¹² Xi ôtlô tê deritu plô mê nansê maxi dokê ynê non na tê fá? Andeji mé, non na plixiza piji oje sé fá, maji non guênta tudu kua invês dy non sá uã inpidimentu plá evangeli dy Klistu. ¹³ Nansê na sêbê kuma ûngê ku ka xtlivi ny glesâ, katana kumé dê glêza fá? Yné sé ku ka slivi ny atali ka patxi ku sá dá ny ataxi ? ¹⁴ Di modu sé mé, sum dá ojí Yné sé ku flá Evangeli ka vivê dy evangeli. ¹⁵ Maji amin ná, goló niuã sé fá. Na ka xklevê kua sé pá fé kua da mu fá. Milion u molê dokuê tê uã da yné kua sê. ¹⁶ Antóxi ngá plega evangeli, na tê lazon dy batê pêtu fá, punda u tê bligasõn dy fé kua sê. Ai domi xi na plegá evageli fá!. ¹⁷ Punda xi dy bon vonte uga fé kua sé, u tê ua ganhu, maji xi na fé dy bon vonte fá, andêjimé. u tê bligason ku á dámu. ¹⁸ Antõ kuÊ nganhu u té pléga evangeli sê Klistu, antom na ka fé usu dy ojí mu ny evangeli fá. ¹⁹ Ami pô sá livle de tudu kua, u bílá uã stxividô dy tudu ugê, pa u pôji uganha nguê maxi ²⁰ pla yné zudê u bila mon d'uã zudê pa pó nganhã zudê. Yne sê ku sá basu dolê y bila mongê sa basu dolê. ²¹ Xi ku na tê alê fá, u bila mó nguê sê alê, andeji mé amu na sá sé alê dy Desu fá, maji ny basu dy alê dy klistu. U pó kua sé, pla nganhã yné sé sé alê. ²² Pla yné flaku, ku plopozitu dy nganhã yne flaku. U bilá tudu kua pla tudu ugê, pã poji, gol´di tudu modu xflavá uã dôsu. ²³ Ami ka fé tudu kua plovia dy evangeli dy modu pa patxi di benson dê. ²⁴ Ana sêbê kuma olá á ka kôlê, tudu ugê ka kolê, maji uã ta ka nganhã plemi fá? antom, kâlê di nganhã plémi. ²⁶ Ua atleta sá nguê té diximina ny vida dê yné ká fé kua sé di nganhã ua medálha ku ka daná maji non ka kôlê di fê ua medalha ku naka danafá. ²⁵ Sô só só, naka kôlê non nguê ku natê kua de fé fá, ami naka ka luta mo ngê ku ka mandá nxamé dá véntu fá. ²⁷ Maji un toma klôpô mu fê mó katlibu di modu ku olá ngá pléga da ôtlô amimé naka bi sá zetátu fá.