¹ kú relação iném kúacê ku bô is clêvé: " É sá búa ômé na tóka ni muala fá " ² maji, pló viá de atú imoral e de tentaçõ, koda ômé toka té plopi muala dé, e koda mula tokaté plopi homé dé" ³ homé ká chá muala dirétu conjugal. I, ni modu cé mé muala plá lú ômé té. ⁴ Ná sá mualá só homé. Di modú cê mé, na sá homé soku té atoridade ni plopli clopó dé fá, maji mualá ⁵ Nancê naka pliva uã kú otló fá, xi ê na ça plô um desisõn juntu ni ola ispécifiku, pa nancê poji fé laçõn. Antón, záo dicé. junta maxi. Axém satanagi na ka tenta nancé plóvia di fatá di kôntlalu. ⁶ Andeji mé ami ká fadá nancê ine kuacé mó di koncê i na mó di uã mandamento fá. ⁷ Ami ta mecé plá tudu nguê sá mó damé: Magi koda nguê té dóm dê plopi de Dêçú, uã di uã modu i otló di otló. ⁸ Ngá fadá nén xi kú naça casadu fá e iné Viuva kuma ê sabua ku ine kata cê kasa mô dami. ⁹ Magi, xi iné haté autó contlolu fá, céla iné casa. Punda é sa maxi buadu kú iné ká kasá dokê ndá ni paxõ. ¹⁰ Miolé plá iné casado ami kodá mandamentu cê, naça ami fá, magi sumú: "Muala naká dêçá ômé dê fá" ¹¹ Maji xi muala dê çá ômé dê. axém mó "ômé naka pogi léga mualá dê fá" ¹² Maji plá iné nguê maxi, ami ka flá, nasa sún fá, kuma xí uã lumõn té uã muala disklénte exi êça ku gostó de vivé kúe, é naka dêcê fá. ¹³ Xi uã muala te uã ômé disklénte e ômé cé sá kú gostó de vive ku muala, muala na kapó dêcê fá. ¹⁴ Punda ômé disklénte sá santificadu plóvia de muala dê e muala disklénte sá santificadu punda ômé de sá klente. Kazú nao, iné mina dinén kapó sá suzú, ni olá vedé mé iné sá santu. ¹⁵ Magi, xi companhelo ku na sá Klistón fá bédê dêcé bé, niném kúa cé, lumõ ou mana iné nasa plézu da dotu dé fá. Dêçú samá nón di vivé ni pagi. ¹⁶ Sósó, mó bô cêbé, muala, xí bô ka ba istláva ômé bô? ou kuma bô ka cêbé ômé, xi bo ka ba instláva muala bô? ¹⁷ Vivé vida tám kú sum kôiê da kada nguê ku ê sama. Icê sá ordenança mú ni tudo glêza. ¹⁸ Uã nguê foi cilcuncidadu ola é bó samadu de kélê? É naka pó tenta condé meka de cilcuncison fá. Xí kúa kuali nguêsa samadu da a fé cê sircuncidá? É naka pó cilcuncida fá. ¹⁹ Sósó, né cilcuncison né cilcuncison na ká potá fá. Kua kú ka potá sá kumpli palavla di Dêçú ²⁰ Kada nguê ku ta flimi mó é tava olá kú Dêçú samé pê kêlê. ²¹ Bô tavá uã sclávu ola Dêçu sama bô? na vugú ku kúacé fá. Magi xi bô bila livli. ê sa bwa. ²² Plá nguê xi kú sá samadu plô súm mó sclavo. Icé sá uã ômé livli plá sum. Di modu céme, nguê xi ku sá livli ola ê fô samadú di kêlê, ê sá katxibú di klistu. ²³ Nancê fô kopladu pló uã pleçú, na bila katxibú d'ómé fá. ²⁴ Iné manú, axém mó kód'uwa fô samadú di kêlê, bamu ta axém. ²⁵ Miolém da tudu nguê ku na kasa fá. naté ogi di sum fá. Maji, ngada koncê mó nguê di kunfiansa pló mé di mixikogi, sum. ²⁶ Sósósó plóvia, di tentaçõn miolém, é sá buá pla ômé tá mo é sá. ²⁷ Xí bô sá kázadu kú uã mualá? blaga fá xí bó ná sá kazadú fá? na goló kaza fa. ²⁸ Maji xí bó casa, bó na peka fá. Xi uã mina moça casa, e na peka fá. kú ká casa kaba té póbléma montxi gina olá kuê isca vivê, ami tava mecé livlá bô de ine kuacê ²⁹ Magi incê ami nguá fada iné lumõn: Témpo sa cutu, Miolém ba wê, lega iné cê ku té muala vivé mó kú iné na téfa. ³⁰ Iné nguê ku ka solá, méxi iné na iska sola fa; iné cê ku ça kú gostó, mó ku iné naçá gostá fá; ³¹ Iné cê ku ka copla, mé ku iné naté poxi de kua kuli kua fa. Inê cê ku kafé negóxô ku mundú, mó ku iné naká fé negóxô fá; Púnda Mundú cé miolém iskábá kabá. ³² Ami tava mecê pá nancé tá plocupaçón omém ku naça kazadu fa ka plocupa ku kua de sumu, ni módu ku ê ká yê. ³³ Magi omém kazadu sá plocupado ku kua de mundú, ni modu de yê muala dê. ³⁴ Êsa patxidu, axém tembété, muala ku naça casadu fá ou kú naxi konsê omé fá ê ka vugú kua di sum, ni di sa santu nu ubuê kú sublito. Maji muala kazadu ká kupá ku kua di mundu, ni modu de yê ômé dê. ³⁵ Ami ngáflá kua cê plô bém nancê, i énaça di nhé nancê fá. magi cetú ça planancê ça dedikadú ní sum çé niuã plokupasón. ³⁶ Magi xi kua kualinguê ka pensa kuma ê naska tlata mina dê kú naxi koncê ku lispetu fá, xi ê iskapasa dagi di kaza fê mó ê mécê. Opô kazé. ³⁷ E xi êça flime ni kloçon dê, cê niuã plesón, magi kú kontlólu de plopi vonté dê, ê xi Ê toma migida ni plopi kloçon dê de fé kuacê, lega mina dê ku na koncê ômé fá, é ka fé bém. ³⁸ Atón, nguê xi ku kaza kú noiva dê ku vigí ká fé buadú, n nguê xi ku ka koyê na kasa fá, sá maxi buadú. ³⁹ uã mualá sá zuntadu kú ômé dê gina Êça vivo. Maji xi ômé dê molé, ê sa livle pê kasa ku nguê xi kú ê mecê, maji cêlá ni sumú. ⁴⁰ Antaô ni sdlugamento mú, ê kaça maxi buadú ká vivé ni modu sê kú ê sá. I ungá pensa kuma ami témbété tê suplitu Dêçu.