¹ Ny don xplitual yné manu amin na mesê plá nansê na sa sê informason fá. ² Nansê sêbê ku olá atava pagon atava bedu plô idulu mudu. ³ Só ku û mêsê kua ku sêbê ku niuã ûgê ku ka flá plô xplitu dy Dêçu paji flá: "Jizu sá malditu" Y niuã ugê poji fla: Jizu sá sumu, sê na plô xplitu santu fá. ⁴ Miolé ê tê otlô tipu di don, maji sá suplitu sé mé. ⁵ Y ê tê ôtlô tipu dy ministelu maji sá sumu sé mé. ⁶ Y ê tê ôtlô tipu di Stluvisú, maji sá Dêçu sé mé ku ka fé posivel ni tudu. ⁷ Kada uã sá dadu uã manifestason vizivel dy suplitu pla beneficiu dy tudu ûgê. ⁸ Só só ûa sá dadu plo xplitu palavla de sêbê, y ôtlô palavla dy conximento pla suplitu sé mé ⁹ A ôtlo sá dadu afé pla suplitu sé mé, y ôtlô, don dy kula plâ suplitu sé mé, ¹⁰ Y ôtlô don dy podê, y ôtlô, plofecia a ôtlô abilidadji du dixini suplitu, y ôtlô, yiô lunguâ, y ôtlô intepletason dy linguá. ¹¹ Maji suplitu sé mé ka tla bá ny tudaxi kada don kada uã potadu, mó ê mêsê. ¹² só só madu klôpô s'uã y ê tê yiô menblu, y tudaxi sá memblu dy klôpô sé mé axem ê sa Klistu. ¹³ Só só, n'uã suplitu tán, tudu non fô batizadu n'uã klôpô tan: ê pô sa zudê, ê pô sá gleugu ê pô sá plezu, ê pô sa livli tudaxi fô fedu plo bêbê d'uã úmiku suplitu. ¹⁴ Pundu klôpô na sá uã uniku, memblu fá, maji montxi. ¹⁵ Xi ópé flá: "Kumá u na sá mô fá, amim na sa patacidi klôpô fá" Yné na ka desá dy sa patxi dy klôpô fá ¹⁶ Y xi ólia flá: "Punda amim na sa uê fá amim ná sá patxi dy klôpô fá" ê na desá di sá potxi dy klôpô fá: ¹⁷ Xi tu klôpô fô olia, anji ka sa lixi? ¹⁸ Maji Dêçu lanja kada patxi dy klôpô mó ê determiná. ¹⁹ Y xi yné fô tudu memblu sé mé, anji klôpô ka sa nê? ²⁰ Plotantu, ê tê yiô memblu, maji klôpô s'uã tán. ²¹ Uê na pôji flá mõn: "Amin na te plexiza dy bô fá", nê kabêsa da ópé: "Amin na plexiza dy bô fá" ²² Maji memblu du klôpô ku ka plasé sa maxi flaku ê sa plexizu. ²³ Y patxi dy klôpô ku non pensa ku sa menu onlazu, nón ka d'yné maxi onla, y menblu nóm indeka laso ka gaiã maxi dignidadji. ²⁴ Míolé menblu nón ku ka plezentá non na tê mixidaji dy tlaté kú dignidaji fá, só só yné tê kua sé za amton Dêçu luma tudu menblu zuntu, y ê da maxi onla ysalá ku tê fatá dê. ²⁵ Ê fé kua sê axén pla na tê divizon ny klôpô fá maji, pla ku yné menblu ku ka da sustentu uã dôtlô ku amôlê sé mé. ²⁶ Y, olá uã menblu ka soflê, tudu , menblu ka soflê zuntu Kuê. Ô, ola uã menblu sá onladu tudu menblu ka sa ku gôsto kuê zuntu. ²⁷ Plotantu nansê sá patxi dy klôpô dy Klistu y tanganá tán menblu dê. ²⁸ Y Dêçu dezigná ny glêza plumê apostulu, ny segundu plofeta, ny tlesêlu mesé, sá, só apeladô dy milagli, sô, sô don dy kula, salá ku ka plôvê sakalu, ysalá ku ká fé xtluvisu dy administlativu, y ysalá ku ka tê yô don dy lunguá. ²⁹ Non tudaxi sá apostulu? Nontudaxi sá ploféta? Non tudaxi sá mesé? tudu non ka apelá milagli? ³⁰ Tudu nguê tê don dy kulá? tudu nguê ka flá ny linguá? tudu nguê ka imtepleta lunguá? ³¹ Góló ku zêlu, mamtxi don maxi glavi. Y amin ngá munsá y nasê uã xtlada maxi buadu.