¹ Paulo, samadu plu Klisto Jizu pla sá apostulu plu vontê Deçu, cu sostere luma non, ² Pla glesa de Dêçu ni corinto, inem cu fô santificadu ni klistu Jizu, samadu pla ce povô santo. Non tenbe-tem ca escreve pla tudu cu sa samada ni nome de sum nôn Klisto Jizu ni tudu luguê, Sum dinem cu Jinon. ³ Cu glaça e paji ca sa cu nansê ni parti de Dêçu pé non e de sun Jizu Klistu. ⁴ Semple nga da glaça a Deçu mun plu nansê, plovia de glaça de Dêçu cu Klistu Jizu da nansê. ⁵ Ê fê nansê lico ni tudu, ni tudu palavla e cu tudu conximento; ⁶ Axen mô testemunho de Klistu fô confirmadu cuma vedê ni nansê. ⁷ De modu cu ca fata ni nansê niuãn dom espiritual, enquanto ansiosamente nansê ca guada pela revelaçon de sun nom Jizu Klistu. ⁸ Êle tem ca foxtalecé nansê pla final, pla nansê ça irreprensiveis ni ja de sun san Klistu Jizú. ⁹ Dêçu ça fiel, sama nansê ni comunhão de mina dê, Klistu Jizu, sum nom. ¹⁰ Miolem ga loga inem mano ni nome de sum nom Klistu Jizu ku nansê ka vive em harmonia uã ku ôtlo, e ku division na ka sem, ni nansê fá. Gâ laga nansê pa nansê sa unidus ku pensamentu ca nen e ku popógito cô nom. ¹¹ Punda ê fica clalo dâ amin, nem mano mun, plu kua ku familia de cloé fada nun, ku division son nomê nansê. ¹² Nga fla kua ku ua ua nansê ka flâ: "Ami sa de Paulo", "Ami sa de Apolo", ô "Ami sa de Cefas ", ô "Ami sa de Klistu" ¹³ Klistu sa dividido? Paulo sê fâ Crucificado da nansê? Nansê fô batizado ni nome de Paulo? ¹⁴ Ngâ da glaça Dêçu punda na buztiza niuã nan cefa, cela Crispó cu Gaia. ¹⁵ Pla niuã guê na fla cuma nansê fo butizadu ni nomê mun. ¹⁶ Tembê ten um butiza kê de Estéfanas. Fada inem cê, na sebê xi un butiza ôtlô fá. ¹⁷ Punda clisto na envianon pla butiza fa, maji pla plega vangeli. Na sa ku palavla de Sêbê de homê fa, pla cluçu de Klistu na sá nuladu fá. ¹⁸ Punda mesagem de cluçu sa loucura pla inem ku sa ka plêde. Maji inen ku Dêçu êsca astlavâ, ê sa pode de Deçu. ¹⁹ Punda ê ca exclitu: "Nga cabá ku sebê de inen nguê ku tê sebê bila flustla sebê dinen ku sa xinadu" ²⁰ Nguê ku tê sebê bô? nguê ku estuda bô? inem argumentadô de mundu cê bô ? Deçu na bila sebê de mundu kuma nadaxi fá? ²¹ Bêdu kuma mundu, ni cêbê dê, na consê Dêçu fa, elê manda inen Deçû plu meio de plégaçon ce sebê ê estlava ngê ku kêlê. ²² Punda zudê ka piji milagre e inem Glego ka golô sebê. ²³ Maji nom ca plega Klistu clucificado, escandalo pla inem Zudê e fata de sebe da inem Glego. ²⁴ Maji pla nguê ku Dêçu samâ, ê pô sa Zudê ô Glego, non Ka plega Klistu, Podê ku sebê de Dêçu. ²⁵ Punda fala sebê de Dêçu sa maxi sebê dô kê homê,e flaqueza de Deçu sa maxi fotxi dô kê homê ²⁶ Inem mano ê, pia ni sana di nansê. Munto nansê na tava ku sebê confólumu padlon dô homê. Fá, ne monthe de nansê na tava cu podê fa. ²⁷ Maji Dêçu koiê kua dôdô de mundu de fê nguê ku tê sebê vlegonha; e koiê kua ku sa flaco ni mundo de fê ku sa fotxi vlegonha. ²⁸ Dêçu koiê kua ku sa humilde e zetadu ni mundu, e koiê ku so ma nadaxi; pla mingua kuaxi ku sa mô de kua ku tê valor. ²⁹ Ê fê kua ce pla niuã nguê natê nada de glóia ni uê dê fá. ³⁰ Maji nansê sa ni Klistu, Jizu plovia de kua ku Dêçu fê. Ê bila pla non sebê de Dêçu, justiça santificaçon ku redençon. ³¹ Plovia de kua cé esxlitula ka flá: "Nguê ka glóia, glóia ni sun."