1 शब्बाथ दिही नंतर आठोडया पहिला दिही वेगीवेल मग्दालीया नगरी मरीया याकोब आण योसेफ ईया याहकी मरीया कबर वेरा तीही गीये. 2 ताहा तीही खुब जोरमे तोरती कापी उठी परमेश्वरा दुत स्वर्गामेने उतीने तीही आलो तीयाय कबरी बानो होरकावीन तो तिया डोगडा बनापे बोठो. 3 तो चोरकुनारा विजो होस देखावतलो आन तीया पोतडे बोर्फा होस उजले आथे. 4 तीही ते नोजर थेावनारा शिपाई खुप बी गीया ते थरथर कापा लाग्या तीया मोला माहा होस तीयर हालत वी गीई. 5 देवदुताय त्या बाईन आख्यो बीया मा काहाका मान माहीती हाय का ज्या वधस्तंभा पे चोडउूलो त्या यीशुल तुमा होदी रीया हा. 6 पेन तो तीही कायनाहा काहाका तीयाय आखलो आथो तेहकीज तीयाय मोलानेमे जीवतो वेयो आवा आत ईही तीयाल ठोकलो आथो तो जागो वेरा. 7 अरमी माहारी जा आन तीया चेलान आखा तो मोलामेने जीवी उठयो आन वेरा तो तुमा आगला गालील प्रांताम जाय रीयो हो आज तुमा तीही तीयाल वेरा हा मायु तुमान आखी देदेा 8 ताया ते बाया धाकाय गोहया आन मोडी खुशीकी पोराय माहरी माहारी कबरी जागेने निग्या आन तीया चेलान इ्र हारी गोठ आखा खातोर दोवडुतया गीया. 9 पासे वेरा यीशु तीयान मिल्यो आन तो तीयान आखा लागयो शांत वेरा तया बाया तीया जागे आल्या तीयान यीशुल तीयाय आथ जोडी पागे पोडया. 10 ताहा यीशुय तीयान आख्यो बीया मा जा मा पाउून आखा की तीयाय गालील प्रांताम जा आखा ते तीही तुमाहान मीले हे. 11 ते बाया तीया चेलान आखा खातोर गीया ताहा कबरी नोजोर थेवनारा शिपायामेने आरदा शिपाय नगराम गीया आन तीया जो वेयो तो आखो मोडा याजक लोकान आख्यो. 12 पासे याजक जाईन मोडा लोान जाईन मिल्या आन तियाय एक ठराव केयो तीयाय तीया चेलान खुबुज पोईसा दीन ऐहकी आखा लागाव्यो. 13 ते आखा लाग्या का लोना ऐहकी आखा का आमा राजी हुतला आथा ताहा यीशु चेला आला आन तीयाय यीशु शरीर चोईली गीया. 14 इ जर पिलाताल राज्यपालाल माहिती पोडी तेबी आमा तीया साबालीलीहु आन तुमान केलीज गोठी चुकीम आवा नाय देजी. 15 ताहा शिपायाय ते पोईसा लेदा आन याजकांय जो आख्यो तेहकी तीयाय केयेा आन तीयाय यहुदी लोकान तेहकी आखा लाग्या. 16 ताहा अकरा शिष्य गालील प्रांताम यीशूय मीयान आखलो त्या डोंगरापे ते निगी गीया. 17 आन ते यीशुल तीही मील्या आन तीयाय यीशुल वेयो आन ते तीयर पागे पोडया पेन आरदान विचार केरा लाग्या ओ यीशुज हाय का नाहा. 18 ताहा यीशु तीया जागे आलो आन आखा लाग्यो स्वर्गाम आन तोरतीप मान आखो अधिकार देदलो हाय. 19 तीयाल तुमा आखा जा आन आखा जोगाम राष्ट्रामेने लोकान मा शिष्य केरा पिता पुत्रा आन पवित्रा आत्मा ईया नावा की बाप्तीस्मा द्या. 20 आन जे हाऱ्या गोठया मायु तुमान आख्या हीकव्या ते लोकाहा हिकवा आन पाला खातोर हिकवा आन ई दुनीया पारवाय तांवलुग शेवटीलुग माय सदा तुमा आरीज हाय.