¹ ताहा उजाडो वेयो ताहा आखा मोडा याजक लोग आण डाया हा ईयाय यीशूल केहकी मारला ईया विचार केयो. ² तीयाय यीशुल हाकली बादीन ली जाईने रोमी सैनीकाहा अधिकारी पिलाता आथुम होपी देदो. ³ ताहा तीयाय यीशुल गुन्हेगार टरवी देदो ई विने तीया शत्रु आथुम यीशुल होपी देणारे यहुदा पासतायो तीयाल तीयाय चांदी तीस नाणे लिन मोडा याजक लोक आणे डाया पासे आलो. ⁴ तीयाय आख्यो मायु जीया काय चुक नाहा काय तीयाय माई टाका वाटो दिन पाप केयो. यहुदी लोकाय आख्यो ईयाम कामा काय केनी तो तुल माहिती आथेा. ⁵ ताहा यहुदाये ती चांदी नाणे परमेश्वरा मंदीराम फेकी देदा आणे तो नीगी गीयो पासे बारे जाईने सोताल फासी लागवी लेदो ⁶ मुखयाजक चांदी ते तीस नाणे लेदया आणे आरबा लाग्यो ऐ पोईया परमेश्वरा मंदीराम खजानाम ठोवता कावे नाय ई कामा नियमा विरूध्द हाय काहाका ऐ पौईसा केडाल तेबी माई टाकावा खातुर देदला आथा. ⁷ ताहा तीया विचार कीने तीया पौईसा कुंभारा खेत वेचतो लेदो आण तीयागाम माहान बोनावा जागो लेदो. ⁸ तीया खातोर आज बी तीया जागेल रोक्ता खेत एहकी आखता हे ⁹ ताहा यिर्मया संदेष्टया हा जो आखलो तो पुरो वेयो तीयाय आख्यो का इस्त्राएलस यहुदी लोकाय जे चांदी तीस रूपया माहाल माय टाका खातेार ठोरवी देदला ते ली लेदा. ¹⁰ माल प्रभु परमेश्वराय आज्ञा देदी तेहकिी चांदी त्या तीस पोईसा की तीया ते कुभांर खेत वाठो देदो. ¹¹ ताहा यीशु राज्यपाल पिलाता हुबुर उबो रीयो ताहा पिलाताये तियाल फच्यो तु यहुदी लोकाहा राजो हाय का… यीशुय आख्यो हा माय हाय जेहकी तुमा आखी रीया हा. ¹² पेन ताहा मोडा याजकाय आन डायाय तीयापे चुक्या काडा लागया तो तो काईज नाय काय गोग्यो. ¹³ तीयाय पिलाताय यीशुल आख्यो ऐ लोक तोपे चुक्या काडी रीया तो चुक्या देखावी रीया तो तु उनाय रीयो ने तातु का हाय आरबी नाहा रीयो. ¹⁴ पेन यीशुय पिलाता ले कावीज नाय काय गोग्यो आणे पिलाताल नोवाय लाग्यो. ¹⁵ वलांडन सना वेल दरी वोरी लोक खातोर राज्यपाल ये तीया निवडीकी जेलुमेने केडालबी एकाल सोडी देवना रीत आथी. ¹⁶ ता तीही एक बरब्बा नावु खुप मोडो बांड आथो ¹⁷ तीयाल जाहा लोक टोलवाया ताहा पिलाताये तीयान फुच्यो तुमा काय मोरजी हाय तुमा बाटो माय केडाल सोडु बरब्बा ल का जीयाल ख्रिस्त आखतेहे तीया यीशूले. ¹⁸ काहा का तीयाल होमजी गेहलो तीयाय तीयाल ठोगीन ती देदलो हाय. ¹⁹ तो न्याय केरूला जागावे बोठलो आथो ताहा तीया थेईये तील एक गोठ आखी मोकली ईया माहावेल होमजीले आणे हारकी वीचार के काहाका तीया काय चुक्या नाहा तीयाकेता होवनाम मान आज दिही पोय खुप दु:ख वेयो हो ²⁰ पेन पिलाताये बरब्बाल सोडी दिवुला आण यीशुल माय टाकुला का नाहा ऐहकी लोकाय विचार आवा जोजे तीयाय मोंडा याजकाय आण डायाय ईयाय आखालोका हा मोने वोलवे. ²¹ राज्यापाल ये लोकान फुच्यो माय ईया बेन्यामने तुमा वाटो केडाल सोडी दिव ऐहकी तुमा ईछा हाय लोकाय आख्यो बरब्बाले. ²² पिलाताय फच्या आने जीयाल ख्रिस्त आखता ईया यीशु आमी आय काय कीव आखा लोक बोबलीन आखा लाग्या ईयाल वधस्तंभावे खिल्या ठोकीन ताई टाका ²³ पिलाताय आख्यो काहा ईयाय काय खोटी काम केयो पेन आखा लोक बोबलीन बोबलीन आखालाग्या तीयाल वधस्तंभावे चोडवा.

²⁴ लोक हुबुर मा कावीज नाय चाली ई पिलाताले जोमजाये पेन उलटा लोक जास्तीज बोबला लाग्या, तीयाय पाई लेदो आण लोका हुबुर तीयाय आथ तुव्या. ²⁵ आखा लोक आखा लाग्या ईया रोक्ता दोष आमापे आण आमा पोयरापे रे. ²⁶ पासे पिलाताय बरब्बाले सोडी देदो आण यीशुल चबकाय फटके ठोक्या आण वधस्ंतभाप खिला टोकीन मारा वाटो तीयाय तीया माहान होपी देदो. ²⁷ फासे पिलाता शिवाय यीशुल राज्यपाला वाडीम ली आला आण तायाय तीयाय तीया वाटो आखा शिपाया टोलो मागाव्यो. ²⁸ तीया कपडे काडी लेदे आण तीयाल एक लाल रेंगा कपडे पेावा देदो. ²⁹ पासे एक काटाहा मुकुट तयार कीन तोयाय यीशु मुनकाम पोवावी देदो केहकीज तीयाय तीया उजवा आथुल एक दा ठोक्या पासे शिपाय तीया आगला गुउगे वालीन तीया मजाक उडवा लाग्या आन आखा लाग्या यहुदा राजा तुल सालाम. ³⁰ आण तीयाप शिपाय खुपा लाग्या आण तीयाल पाये यीशु मु नकाम ठोक्यो. ³¹ यीशु निंदा पारवाया ताहा तीयाय तीयाल जे कोपडे पोवा देदले आथे ते काडी लेदे आन तीया जे कोपडे आिो ते पासे पोवी देदे पास तीयाय वधस्तंभापे चोडवा ली गिया. ³² ताहा ते बारे जातला ताहा तीयान बारे एक शिमोन कुरनेकर नावु माहु मिल्यो तीयाय तीन तीयाल वधस्ंभ वोरा लागव्यो. ³³ जाहा ते गुलगुथा (कवटी नावा पे) आला. ³⁴ ताहा तीयाय यीशुल पिया द्राक्षारस देदो पेन तीयाय तो चाखीन पीया नाया आखी देदो. ³⁵ तीयाय तीयाल वधस्तंभापे खिल्ला ठोक्या पासे तीयर यीशु कोपडे पाडीने तीयर कोपडा चीथक्या कीन वाटी लेदया. ³⁶ शिपाय तीयी यीशु नोजोर थोवा लाग्या आन आखा लाग्या. ³⁷ आण ओ यहुदा राजो येशु हाय ऐहकी लिखलो आरोप लेखीन पाटी यीशु मुनका उजवया आजुल लागवी देदी तीही बेन चोरान बी क्रुस खांबापे उलटीवेल क्रुसखंबापे चोडव्या ³⁸ बेनी चोरांहान एकाल हुदीवेला आन एकाल उलटीवेला ऐहेकी तिया आरी कुरुसखांबाव खिलाटा आलो. ³⁹ जे जागापे जातले ते वोलीवीम तीया निंदा केरा लाग्या आखा लाग्या. ⁴⁰ आन आखा लाग्या ऐ परमेश्वरा मंदीर तोडीन तीन दिहाम पासे उभो केनारा सोताल वाचोव जर तदेवा पोयरो वेरी ता वधस्तंभापेने नीचे कावी जो. ⁴¹ तेहकीज मोडा याजकाआरी नियमशास्त्रा शिखक आन यहुदी लोक तीया चेष्टा केतलाे आन आखा लागे. ⁴² ईयाय बीहजान वाचावे पेन ओ सोताल वाचवी शकतो नाहा ओ इस्त्राएला राजो हाय ऐहकी वेरी ता तीयाय वधस्तंभापेने नीचे आव ताहा आमा आखे तायापे भाुरूसो ठोउवु. ⁴³ तो देवापे भरोसो ठोवे हे देवाल तो जो तो वेरी देवाय ईयाल वाचवा जोजे काहाका तेा आखे माय देवा पोयरो हाय. ⁴⁴ तेहकीज तीयर आरी क्रुस खांबापे चोडउला चोर बी तीया आरी यीशु निंदा केरा लाग्या. ⁴⁵ ताहा दुपारी बारा वाजे .ने ती वाजे लुग आखा देशाम आंधारो पोडलो आथो. ⁴⁶ अंदाजे नवव्या तासाकी यीशु मोडा आवाजाम बोंबलीन आखा लागयो (एलोई एलोई लमा सबख्थनी) इया अर्थ मा देवा मा देवा तुयु मान काहा सोडी देदो. ⁴⁷ जे लोक तीही उबला आथा तीयाय ई उनाय आखा लागया तो एलीयाल हादी रीयो हो. ⁴⁸ तीयामेने ण्क माहु माहरी धेउतुतो गीयो आन तीयाय एक कापडा गोळो लेदो आन तो द्राक्षरसाम बुडवीन तो ऐका होटीप थेवीन यीशुल चुहीन पीया वाटो देदो. ⁴⁹ पेन तीयामेने आरदा लोक आखा लाग्या तीयाल एखलो रा द्या एलीयो आवीन तीयाल वाचवतो का नाहा आपु तो विहु. ⁵⁰ पासे एकवारी यीशु जोरमे बोंबली उठयो आन तीयाय तीया जीव सोडी देदो. ⁵¹ ताहा परेमेश्वरा मंदीरामने पडदा उचेने नीचे लुग बेन भागुम फाटी गीया तोरती कापी उठी मोडा दोगडा फटी गीया. ⁵² कबरी उघडी गीया आन मोला आधा ते जीवी उठया. ⁵³ ते लोक कबरीमेने बारे नीग्या यीशु मोला मेने जीवी उठयो ताहा ते लोक पवित्र नगराम गीया आण खुप लोकाय तीयान वेयो. ⁵⁴ ताहा मोउा अधिकारी आन तीया आरी यीशु पे नोजोर थोवतला ते शिपाय आथा तीयाय तोरती आली उठी तो आखो जो वेयो तो वीन ते खुप बी गीया ते आखा लाग्या ओ खेरोज देवा पोयरो आथो. ⁵⁵ तीही आरदया बाया जे दुर उब्या रेहल्या ते जे यीशुसेवा केत्या ते बाया गालील प्रांतामेने यीशु फाचला फाचला आल्या आथ्या. ⁵⁶ तीयाम मगदालीया नगरी मरीया याकोब आन योसेफ ईया याहकी मरीया आन जब्दी पायरो याकोब आन योहान ईया याहकीऐ बी तीही आथ्या ⁵⁷ ताहा वातीवेले योसेफ नावु अरिमथई एक मालदार माहु तीही आलो तो यीशु चेलो आथो. ⁵⁸ तो पिलाता ही गीयो आन तियाय यीशु शरीर मागयो ताहा पिलाताये तो देउुला हुकुम केयो. ⁵⁹ ताहा योसेफ ये तो शरीर लेदो आन हारा नोवा कापडाम तो गुंडाली लेदो. ⁶⁰ आन तीयाय एक खडकाम खेदीली नोवी कबरीम यीशु शरीर थोवी देदो पासे कबरी बानाप एक मोडो दोगडो बानो लागवीन कबर बोन्द कीन ता गिनगी गीयो, ⁶¹ मग्दालीया नगरी मरीया आन याकोब योसेफ तीया याहकी मरीया ते कबरी हुबुर बोही रोहल्या आथ्या ⁶² जो शब्बात दीही आखजले ताहा बीहीजा दीही मोडा याजक आण परूशी लोक पिलाता ही गीये. ⁶³ ते आखा लाग्या महाराज आमान ईत हाय का तो ठोग जीवतो आथो ताहा आखतोलो का माय ती दिहाकी पासे जीवतो वी जाहे उठेहे. ⁶⁴ तीया वाटो तीन दिहालुग कबरीपे हारकी नोजोर थोवा वाटो आखा काहाका तीया चेला आवीन तीया शरीर चोई लीजा वाटो पासे तो मोमामेने फासे उठयो ऐहकी लोकान आखी ई शेवटी ठोगुला पहिला ठोगलो आथो तीया पेने जाहको ठोगी ता हारी नाय गोठ वी. ⁶⁵ पिलाताय आख्यो तुमान जेहकी वाटे तेहकी तुमा शेनीकान ली जायेन कबरी पे कडक नोजोर थोवा. ⁶⁶ ताहा ते गीया आन कबरीपे कडक नोजोर थेावा लाग्यसा आन कबरी जो दोकडा बानो आथो तीयापे सरकारी शिक्को मारीन तीही नोजोर ठोवा शिपाई थोवी देदा.