अध्याय 26
1
फासे इशुय इ आख्यो परानपे आखथा तो तिया शिष्यान आखा लाग्यो.
2
बेन दिहाकी पडला सण हाय इ तुमाहाल माहीत हाय आणी माहा- पाधरा खीला ठोकीन मारानारो हाय, मारा खातोर तोरावी दि,
3
फासे मुख्या याजक लोक आन वडील वर्ग, महायाजकाहा मेहलाम जोम्या, मुख्या याजका नाव कयफा आथो.
4
समामे मिलीन तियाहाय मसलत केये युशुल पकडा अटकावी जीया मारताहा.
5
तेवी ते आखा तुल जा दिही रादे नेता मारामे मोडो राडो वी जाय
6
तहा इशु बेथानी गावाम शिमोन जो कृष्ठरोगी आथो तिया कोओ मे गीयो.
7
येशु तिहा हाथेा ताहा एक थेय तीयही आली, खुब किमती ऐहडी मोलवान गुंदाय ऐहेडी अलाबास्त्र तेला कुपी तियी पाहे आथी आन येशु मांडोखां खातोर टेकीन बोठलो आथो ताहा तीयुय ती कुपी तीया मुनकावे टाकी देदी.
8
पेन तिया शिष्याय तो वेयो ताहा तियाल रोग आली शिष्या पुछा लाग्या ऐहडो नाय काहा ?
9
तोह पाकां पैसा की आने तेह पौसा अरिवाल दी सेकतुली.
10
पेन इशुल तेह काय आखतुला तोह मरलुम आथो तियाय तिहाल फुस्यो तूमा ऐपली थेयीले काहा तारास दी रिया तियाये मा खातोर खूब हारो काम केयो,
11
गरिब माहाये तुमा आरी कामय रि पेन माय तुमा आरी कायम रेनारो नाहा.
12
काहाका तियुय मा डिलाव सुगंधी तेल टाक्यो तोह माले पुरा खातोर तियारी केयी,
13
माय तुमाल खेरो आखू आखा जगाम जी सुवार्ता आखाम आवी तीह तीही ई थेयीय जो केयो तिया काम आने तिई ईत म्हणुन आखाम आवी.
14
बारा शिष्या केहता एक यहुदा इस्क्ार्याेत मुख्या याजकाय गियो.
15
यहुदाय आख्यो माय यिाशुल तेरावी देदो ताहा माल काय दया ताहा तियाल चांदी तिस िाका देदेा.
16
ताहा यहुदाय यीशुल तेरावी दा संधी वाट जोवतुलो.
17
बेखमीर माडा सणा पेहला दिह यीशु शिष्य तियाय आला तिया आख्यो. आमा आपु खातोर वल्हाडन सणा मांडो कीह केरा जोजे ऐहकी तोह ईया काय हाय,
18
यीशुय आख्यो तुमा गावामे ऐंगा माहाय जो आने तियाल आखा गुरूजी आखे का मा समय जागे आलो हाय तोह को मा शिय्याआरी माय वलांडनसण केनारो हाय.
19
यीशुय जो आखलो आथो तोह तिया शिषया केयो आने तियाय वलांडनसण जेवण तियार केयो.
20
वातीवेले यीशुय तियाहा शिष्याआरी जेवण केरा बोठो.
21
खाता खाता यीशुय आख्यो माय तुमाहाल खेरो आखुहू तुमामने एक जाह माह आरी विश्वासघात केरी.
22
ते खुब दु:खी वेया आने तियाणु आखा जाहा तितियाणे पुछा लाग्या प्रभुजी तोह मायता नाहा का ?
23
फासी यीशुय जावाब देदो जियाये माह टाटाम हाथ टाकलो हाय तोज हाय, विश्वासघाती हाय.
24
जेकी माहापोयरा बाराम पवित्रशास्त्रामे लिखलो हाय ते की तोह जहय खेरो पेन जो तिया विश्वासघात की रियो तियाल दिखार हाय तो माहाव जर जन्मणे लेतो ़तिया खातर हारो रेतो.
25
फासी योहुदा जो तियाआरी विश्वासघात केनारो हाथो तो यीशु होवा वलीन गोग्या तोह मायता नाहा का ?
26
ते जेवण केहतुला ताहा यीशुय माडो लेदो तिया देवा आभार मान्यो आने ती तियाये तो माडो शिष्याल दे दो तियाआख्यो ले आने खा ओ मा शरीर हाय.
27
फासी यीशुये लोटो लेदो तियाबददल देवाय आभार मान्यो आने तो तिया शिष्या देदो यीशुय आख्यो तुमा आखा यामने पिया.
28
काहाका ई मा शरारा रक्त हाय इ पाप माफी केहता खूब लोकाखातर टाटाम टाकलो जाय.
29
माय तुमाल आखू माय देवा राज्याम तुमाआरी नवो द्राक्षरसा पिण ति दिहालुगे द्राक्षरस माय पिनारोज नाहा.
30
फासी तिया एक स्त्रोतो मानो आखीन जेनतुना डंगापे निधी गिया.
31
यीशुय आख्यो आज राती तुमा आखा चकीत काहका ऐकी लिखलो हाय का माय मेंढपाळाण मारे आणे टोलामणे मेडें सुठे पोटी जाय.
32
पेण माय मोलामणे उूठे ताहा तुम्हा केहताज पेहलाज गालील शराम जाय.
33
जवाब देताज पेत्राय आख्यो ई आखा जर आपु बाराम जर चूकी तेभी आये चुकनारेा नाहा.
34
यीशुय तियाण आख्यो माय तुल खेरो आखू आज राती कुकडो गागाय तिया पेहला तु तिन दाव माहा नाकार केरो.
35
पेत्राय आख्यो माल तो आरी मोरा पोडी ते बी माय नेय नकार बिहिरा शिष्याय तेहकिज आख्यो,
36
फासी गेथशेमान नावा जागाप यीशु तिया शिष्याआरी गियो यीशुय तियान आख्यो माय थोडोके आगला जाय प्रार्थना किईवे ताव तुमा ईहिज –या.
37
यीशुय पेत्र आने जब्दी बेन पोयराने तिया आरी आवा आख्यो फासी यीशु मनामूज खूब दु:खी वेयो आने कागावागा वेरा लाग्यो.
38
यीशु पेत्राल आने जब्दी बेनी पोयरान आख्यो मा जीव खूब दु:खी आने मोरा होस वी गियो ई रोकाया आने मा आरी जागता –या.
39
तो थोडेक आगला गियो आने पुये पोडीन प्रार्थना केरा लाग्यो ओ मा बाका तो कि वेता वेरीता ओ दु:खा समय मा आगलाने जा दे ते बी मा ईछया की नाहा पेण तो ईछया कि वेरा दे.
40
फासी तो शिष्याय फासो गियो ताहा ते उतला हाय लोकाहाले मा आरी ऐगो ताज बी जागतो नाहा रेवातो का ?
41
तुमा परीक्षाम नेय पोडा तियाल जागता –या आने प्रार्थना केता –या आत्मा खेरेज उतावलो हाय खेरे पेण शरीर कमजोर हाय.
42
फासी बीरी दाव जाय यीशु प्रर्थना केरा लाग्यो ओ मा बाका जर दु:खा ओ समय माय वेया शिवाय टोली नेय जाय ता तो ईछया वेरी ऐहकीज दे.
43
फासी यीशु तियाय फासे गियो ताहा तियाल ऐहकी वाटयो का तियाहा डोवा जउ वी गिया आने हूवी गिया काहाका तियाय कि जागतो नेय रेवातलो.
44
फासी याीशु तियान फासी यीशु शिष्यान तेहकीज सोडीन आगला गियो आने तिसरी दाव प्रार्थना केयी.
45
या फासी यीशु आजी शिष्याय गियो आने तियान आख्यो तुमा आजी हूवीरीया का आजी आरामूज की रिया वेरा माहा पाुयरो पापी लोका हाथाकी तेराय रियो.
46
उठा चाला वे माल तेरावनारो माहा जागो आलो
47
यीशु ऐकी गोगतोवेळी तोतामुज बारा शिष्यामेने एक जो योहूदा हाथो तो ती आलो तिया आरी लोक आथो मुख्य याजक आने वडलाय तियाय मोकलुलो हाथो ते लोक तलवार आने होटा ली आला आथा.
48
आने तियाले तेराविदेणाराये तियाले लालुच दि आखलो आथो का माय जियाले चूमो तोज तो हाय तियाल मुम्हा तेजा.
49
फासी यहुदा यीशुय गियो आने आख्या हे राब्बी आने यहूदाये यीशुल चूमे हे.
50
यीशु तियाल आख्यो हेगात्या जो केरा आलो तो के फासी यीशु जागे आला तियाय यीशु वे हाथ टाक्यो आने तियाल तेयो.
51
इ्र वेता यीशु आरी एका जाये तलवार हाथाम लेदी आने ति काठी आने तियाये एक महायाजका सेवका कान वाढी टाक्यो.
52
यीशुय ति माहाल आख्यो तो तलवार म्यानाम थेावी दे जे तलवार वापर केता ते तलवारीकीज मोहना.
53
माय याहा बाकाल आख्यो ता तो देवदूता साहा हजार सेनिकाल एक ऐहंडा वारा केहतां वादार पोलटन मोकली ई तुम्हाल होमजूतो नाहा का ?
54
पेण ई ऐहंकीज वेरा जोजे ऐहकी जो शास्त्रलेख आखे तो केंहकी काय पुरो वेरी
55
या फासी यीशु आखा लोकाहा टोलाल आख्यो जे की का माय एओ गुणेगार हाय ऐहंडी रित की तुम्हा तलवार आने होटा आथाम ली माल तेरा माये चाल की आला का माय रोज दी परमेश्वरा मंदीरामे शिक्षण देतुलोे ताहा तुमाय माल नाहा तेयो.
56
पेण या आखी गोठी आशा केहंता वेया का संदेष्टयाय जो लिखलो आथो तो पुरो वे फासी यीशु आखा शिष्यातियाल सोडीन नाय पोडया .
57
ती लोकाहाये यीशु तेयो तियाय तियाले महायाजक या को ली गिया तीह नियमशास्त्रा शिक्षक आने वडील जाय वेगा वेला आथा.
58
पेत्र यीशु थेाडेक फासला चालो आथो पेत्र यीशु फासला महायाजका आगनाम लुग गियो आने हेखातो बोठो का काय वे तो वेरा खातर कामदाराआरी बोय गियो.
59
यीशुल मारा खातोर मुख्याजक लोक आने आखा यहूदीअधिकारी सभा तिया विरोध आवी खोटो आरोप केहंता आवी या प्रयत्न केरा लाग्या खोटी साक्षी देणारा लोक सापडूता का होद केरा लाग्या.
60
खुब खोटी साक्षी देणारा आला आने यीशु बारामे खोटी साक्षी दा लाग्या पेण यीशुले जिवे मारा कायज कारण नाहा यहूदीसभा नाहा, सापडया शेवट बेन माहाव आगला आला ते आखा लाग्या.
61
या माहाय ऐहकी आख्यो का देवा भ्वन माय पाडी सेके आने तिन दयाहाम फासे बांदी बी सेकू
62
ताहा महायाजक उटीन यीशुल आख्यो अे लोक तो विरोध साक्षी दी रिआ तो विरोध जे आरोप हाय तिया बारामे तु कावी आख्णू हाय का ऐ आखा.
63
पेण् यीशुय काय जवाब नाहा दे दो आजी एक दाव महायाजकाय यीशुल पुच्यो जिवता देवा नावा शपथ माय तुले खेरे आखु का माय तुले शपथ दी आखू का खेरो काय माल आख तु देवा पोयरो ख्रिस्त हाय काय?
64
यीशुय तियान आख्यो होव माय हाय जे की तुय आख्यो ते बी माय तुमाल आखू माहा पोयराल तुमा सामर्थ्या जेवना आधार बोठलो आने आकाशामने आवता वेरा.
65
जहा महायाजकाय ई उनायो ताहा तो खूब दु:खी वेयो तिया स्वत: पोतडे फाडी टाक्ये आने आख्यो यान देवा विरोध निंधा केयी आमाल साक्षीदार गरज नाहा रियी याले देवा निंधा केता तुमा उनाया .
66
तुमाल काय वाटे यहुदाय उत्तर दे दो तो गुनेगार हाय आने अेपोलो मराज जो जे.
67
ताहा ते तियाव धुक्या तियाय ठोक्यो आने बिहिराय उनावीन ठोक्यो.
68
तियाय आख्यो ख्रिस्ता आमाहा केहंता भविष्यवाणी आख तुल केहडाय ठोक्यो
69
या टायमाल पेत्र वडाआगमनाम बोठलो आथो महायाजकाहा दासी मे ने एक दासी पेत्राय आली तिया आख्यो तु वी गालीलाम यीशु आरी आथो.
70
पेण पेत्राय आखाहा हूमूर नेय मान्यो तियाय आख्यो तु काय आखती तो माल मालूम नाहा.
71
फासी तो आगनामनू निधींन फाटकाय गियो फाटका हूमूर बिहिरी दासी तियाल वी लेदो तिह आथा ति लोकाहाल आखा लागी नासरेथा यीशु आरी ओ आथेा.
72
आजी एक दाव पेत्राय शपथ लीन यीशुल नकारीन आख्यो माय तियाल नाहा आखुतो.
73
एक घेडी फासी तिह आथा ते लोक पेत्रा होवे वोल्या आने आखा लाग्या तू खेरे यीशु शिष्यामने एक ई आमाल मालूम हाय तो गोगणूपणे आमाल स्पष्ट देखाय रियो.
74
फासी तरे सोताल शाप दा लाग्यो तियाय मोठेणे आख्यो माय देवा शपथ आखू यीशु ओ माहाव केठो हाय तो माल नाहा मालूम पेत्राय ऐहंकी आख्यो ताहा कुकडो वाहायो.
75
फासी यीशुय काय आखलो आथो तो पेत्राल ईत की आलो का कुकडो वाहा तिया अगोदर तु माल तिन दाव नकारे फासी पेत्र तिहीने बारे निघि गियो आने मोडा दु:खा रोडयो.