अध्याय 25

1 ताहा निवा दिहाम स्वर्गा राज्याम दाहा कुवारी होस वेरी तियुहीय तियुह दिवा लेदा आण बोर राजाल मिला गिया, 2 तियुमनु पाच मुर्ख आध्या आण पाच हुशार आथ्या, 3 मुर्ख कुवारिहीय तियुहु दिवा लेापेन दिवास थका खातोरतेल माघ लेदो, 4 हुसार कुवारिहीय दिवा आरी तियुहू बासनाम तेल लेदलो. 5 जाहा वर राजाल वा वी गीयी ते आख्या जोपा लाग्या आणनेहुवी गिया, 6 आरदी राती केडाय तेबी आवज केयो वरराज्यो आवीरियो बारे निगिन तियाल मिला, 7 आख्या कुवाप्या उठीचल्या आण नियुठीय तियुहू दिवा तियार केया. 8 ताहा मुर्ख हुसारूहुन आखा लाग्या तुमा तेलामनु आमाहान दया आमा दिवा खोलाय रियाहा, 9 पेन हुसार आख्या तियुहीय आख्यो तो तुमाहान आण आमाहान कदाचित पुरे नेय. तिया खातोर तुमा वेचनाराही जा आण तुमाखातोर वेचतो ल्या, 10 ते तेल वेचतो ला गिया वर राजो आलो जे तियार आथ्या ते वराडकेरा तिया आरी कोमे गिया फासे दरवाजो बंद वि गियो, 11 फासे बिहि-या बी आल्या आखा लाग्या हे प्रभु आमा खातोर दरवाजो उघडाव, 12 पेन तियाय आख्यो माय तुमाहान खेरो आखु माय तुमाहान ओहकुतो नाहा. 13 तियाहाल सदा तियार–या काहाका माहा पोयरो कीधी आवी तो दिही आण तो टाईम तुमाहान मालुम नाहा, 14 काहाका ई परदेशाम जाणारा माहाहोस हाय जियाय कानी जावुलो पेहेलातिया चाकरिकेनारा हादीन तिया धन दौलत तियाहान होपी देदी, 15 तियामनु एकाल तियाय पाच हजार होना थैल्या सिक्का बिहराल तियाय बेन हाजार होना सिक्का थैल्या आण तिसराल तियाय एक हाजार होना सिक्का थैल्या देद्या प्रत्येकाल तिया तिया मानेाकी तियाय पैसा देदा फासे तो तिया प्रवासाल निगी गियो, 16 जियाल पाच हजार होना सिक्का थैल्या देदल्या आथ्या तियाय तिया मनाकी काम केरा सुरवात केअई. आण आजी पाच हाजार होना सिक्काहा थैल्या कामाव्या, 17 मेहेकीज जियाल बेन हाजार होना सिक्का थैल्या तियाया मिलल्या आथ्या तियाय आजी बेन हाजार होना सिक्का थैल्या कोमाव्या, 18 पेन जियाल एक हाजारा होना सिक्काहा थैल्या मिलल्या आथ्या तियाया तरतीम एक खाडो खोदीन आण मालका सिक्का तियाम देाबावला, 19 थोडाक दिहाकी चाकरी केनाराहा मालक आलो आण तियाय तियाहा हिसाब ला चालु केयो, 20 जियाल पाच हाजार होना सिक्का थैल्या मिलल्या आथ्या तियाय मालकाप आजी पाच हाजार लावीन देदया तो आखा लाग्यो मालक तुयुय देदल्या सिक्काप माय आजी पाच हाजार सिक्का कामाव्या, 21 तिया मालक आखा लाग्यो शाब्बास हारो आण विश्वासु सेवक तु भोरोसो थेवेएहेडो चाकरी केनारो हाय, तु थोडा सिक्का खातोर इमानदारहोस वाग्यो तियाल माय कासयम तुल होपी देहुव माज जो आण तो मलका खुशीम सहभागी वी जो, 22 फासे जिया माहाल बेन हाजार होना सिक्का थैल्या मिलल्या आध्या तो मालकाहाय आलो आण अखा लाग्यो मालक तुयुय मान बेन हाजार होना सिक्का थैल्या देदल्या आथ्या माय आजी बेन हाजार कामाला हाय, 23 मालक आखा लाग्यो शाब्बास हारो आण विश्वासु सेवक तु भोरोसो थेवेएहेडो चाकरी केनारो हाय, तु थोडा सिक्का खातोर इमानदारहोस वाग्यो तियाल माय कासयम तुल होपी देहुव माज जो आण तो मलका खुशीम सहभागी वी जो, 24 फासे जियाल एक हाजारा होना सिक्का थैल्या मिलल्या आथ्या तो मालिापाही आलो आण आखा लाग्यो, मालक मान मालुम आथो का तूमा एक कठीन नियमा माहुव हाय जिही पोओलो नाहा हाय तीही तुमा कापणी केताहा आण तिही बिया पोअल्या नाहा तिही पिक लेताहा, 25 माल तो धाक आथो तियाल माय जाईन तुमा एका हाजारा होना सिक्का थैल्या तोरतीम दोबावी थेावल्या ए ले ऐ तोज हाय, 26 मालकाहाय उत्तर देदो ओ वाईट आण आल्योहा चाकरी केनारा माय जिही पोओलो तिही कापणी केतोहो आण जिही जिही पोओलो नाहा तिही पिक लेतोहो ई तुल मालुम आथ्यो, 27 ता तु मा सिक्का सावकाराही थोवले रेने फासे माय को आवतो याहा मान व्याजाआरी मिलतो रेतो, 28 तियाल मालकाय बिहीरा चाकरी केनाराहान आख्यो ईयाप एक हाजार होना थैल्या हाय ते तियाल दया, 29 काहाका आपुहुपे जो हाय तिया वापर केनाराल आजी देवाम आवि आण तियाप खुब वेरी पेन जो आपुहुपे रेहेतेबी उपयोग केतजा नाहा, तियाप जो काय वेरी तो आख्यो तियापनु लेवाम 30 आवी, फासे मालक आखा लाग्यो ईया आल्याहा चाकरिकेनाराल बारे आंधाराम टाका तिही रोडुलोक आण दात खदुलो चालेहे माहा पोयरो आख्याहा न्याय केरी, 31 माहा पोयरो जाहा तिया स्वर्गा गौरवाकी तिया देवदुताआरी आवी ताहा तो तिया गौरवी एहेडो राजासनाप बही, 32 फासे आख्खे राष्ट्रे तिया हुबुर एकुज जागे टोलवाय तियाहान तो एक बिहीरायनु अलग केरी, जेहेकी मेंढेवारनारो मेंढे बोकडाहीनु दुर केरेहे, 33 तो मेंढहान तिया हुदीवेल भोवाडी पेन बोकडाहान तों उलटीवेल भेवाडी, 34 फासे राजा जे तिया हुदीवेल हाय तीयाहान आखी जे तुमा मा भाका धन्यवाद केनारे हाय, ई राज्य जगा स्थापनालुग तुमाखातोर तियार केलो हाय तिया राज्या वतनदार वेरा, 35 ई तुमा राज्या हाय काहाका जाहा माय पुखो आथो ताहा तुमाय मान खा खातोर मान पाय पिलागली ताहा तुमाय मान पाय पिया देदेा, माय बिहीरा देशामनु आथो आण तुमाही मान कोमे हादयो, 36 माया उघडालो आथो ताहा तुमाय मान पोतडे देदे माय बिमार आथो ताहा तुमाय मा कालजी लेदी, माय झेलुम आथो ताहा मापाही आले, 37 फासे जे ईमानदार हाय ते उत्तर दी प्रभु आमाहाय तुल केहेडी वेल पुखोज आण पायपी वेला आण तुल खा खातोर आण पिया देदलो, 38 आमाहाय तुल पार गावचो आचखी कीधीही वेलो आण तुल कोमे कीधी हादलो का आमाहाय तुल कीधीही उगडो वेलो आण पोतडे देदले, 39 आण तु बिमारी आथो ताहा तुल किधी वेरा आल्ला, आण किधी झेलांम आथो ताहा तो पाही आल्ला, 40 फासे राजो तियाहान उत्तर दी माय तुमाहान खेरो आखु ईही हाय ते मा बांधवामनु एकाल केरा ता तो तुमाय मानुज केयो, 41 फासे राजो तिया उलटीहोवपे बोहलो तियाम आखी माहिनु दुर जा तूमा शापित हाय,सदाकाल अग्निसिध्द केलो तियाम जा आगीम सैतान आण तिया दुताखातोर तियार केलो हाय, 42 ई तुमा शिक्षा हाय काहाका माय पुखो आथो पेन तुमाय मान कायज खातोर देदो नाहा, मायपायपी लेवालो आथो पेन तुमाहाय मासन कायज पीयाखातोर देदो नाहा, 43 माय पारायो आथो ताहा मान कोमे हादयो नाहा माय उघडालो आथो पेन तुमाहाय मान पोतडे देदे नाहा, माय बिमार आण झेलुम आथो पेन तुमाहाय मा चाकरी केरी नाही, 44 फासे ते लोकसुध्दा तियाल उत्तर दी प्रभु आमाय किधी वेलो, का पोतडे नेय आथे बिमारी आण झेलुम किधी वेलो आण तो मदत केयी नाहा, 45 फासे राजो तियाहान उत्तर दी माय तुमाहान खेरो आखुहु का ईया खातोर एगा हानलबी केयो नाहा तो मान केयो नाहा , 46 ते ता सदाकाल शिक्षा भोगा जाय आण हारो माहुव सार्वकालीक जीवन जीवा खातोर जाय,