अध्याय 22
1
ईशुय फाचें तियाहान दाखलो विईन गोठ्या हिकव्या.
2
होरगा राज्य एका राजाहोस हाय, तियाय तिया पोयरा वोराडा मांडो खा निमत्ते देदलो.
3
तियाय जिया लोकाहान वोराडा निमत्ते देदलो, तियाहाल आमी मांडो खा हादा खातोर नौकरान मोकल्या पेन ते लोक नाहा आला.
4
फाचे तियाय बिहिरा नौकरान एहेंकी आखीन मोकल्यो, वोराडाम आवनाराहांन एहेकी आखजा, की राजाय तियाहारामने हारेडोगरे, आनेहारामेने हारेवासडे, वाडीन हारोमांडो तियार केलो हाय तामा हारी वोराडाम मांडो खाआवा.
5
पेन ते नौकरा गोठया नाहा उनाया आन जिया तिया कामा केरा खातोर बाकी खेताहाम आनवाकीवेपार केरा खातर निंगी गियां.
6
आन तिया हाम ने जे बाकी रीगेहेला तियाहाय राजा नौकरान तिइन मार देदो आनमा यटाक्यो.
7
ताहा राजाल रोग किआली आन तियाय, तिया सिपाहान मोकल्या, ते गिया आन तियाहाय नौकरान मायटाकनाराहान तिनमाय टाक्यो, आन तियशहासेहेराल वाली टाक्यो.
8
ताहा राजाय तियानौकरान आख्यो, वोराडाम मांडो तियार हाय, पेन जियालोकाहान मांडो खाआ खातोर तेलायकी नाय आथा.
9
इया खातोर वाटी ही पेजा आन जे लोक तुमाहान सापडी तियाहान बादाहान वोराडाम मांडोखा आखा तोहा दीली आवा.
10
ताहा तिया नौकर तिया वाटीहीपे जाईन हारा आन माहा एहेंडा जे लोक मिल्या, तिया वादाहान मांडो खावावुन जागापे टोलव्या, ताहा तो जागो पोराय गियो.
11
जा हारा जो मांडो खानारा हान वेरा खातोर आलो, ताहा तियाय तिही एका माहाल देख्यो, तियाय वोराडा पोतडे नाय पोवले आथे.
12
राजाय तियाल फुच्यो, ओमा आहेंगात्या, तु वोराडा पोतडे पोव्या शिवाय केहेंकी इही आवी गियो ? ताहा तो कावीज नाय गोग्यो.
13
ताहा राजाय नौकरान आख्यो आय पाग वांदीन झ्यालवारे आंदाराम टाकीद्या, तिही रोडनु दात पिहनुहाय.
14
काहाका हादले ता खुबुज हाय पेन निवडुले वायज हाय.
15
फाचे परूशी लोक टोलवायन तिया तियाहाज विचार केरा लाग्या, का ईशुल केलली गोठीहीम डोगी लेजी.
16
इया खातोर तियाहाय तिया हांवे लाहान आन हेरोदी लोकाहान एहेंकी आखा मोकल्या, ओ गुरू आमा मानताहातू खेरो हाय, परमेश्वरा वाट खेरापणाकी हिकवु तोहो, तु केडा पारवानाहा केअ तो आन तुमाहा मुय विइन गोठया नाहा केलो.
17
इया खातोर तु माहान आखिदे, तुल काय लागे हें ? कैसर राजाल करपट्टी देवनु हारो हाय का नाहा ?
18
ईशुय तियाहान खोटा विचार मालुम आथा, तियाल तो आखा लाग्यो, ओ ठोग्या लोकाहा मान काहाल पार खुहाता?
19
कर-पट्टी पोराखातोर जे पोयसा तुम्हा वापरूतेहे, ते पोययसा मान देखावा, ताहा ते तिया हाय तियाल एक चांदी पोयसो देदो.
20
तियाय तियाहान फुच्यो, इयापआने नाव केडा हाय?
21
लोकाहाय ईशुल आख्यो, कैसर राजा, ताहा तियाहान आख्यो, जो कैसर राजा हाय तो कैसराल आन जो परमेश्वरा हाय तोपरमेश्वरां हाय तो परमेश्वराल द्या.
22
इ उनाईन तियाहान नोवायलागी, आन ते तिहीने निंगी गिया.
23
ति दिही जसदुकी लोक ईशुई आला, तियाहा पंयालोक होम जुतला, मोलो माहु फाचे जीवतो उठनारो तिया हाय तियाल फुच्यो.
24
ओ गुरू, परमेश्वरा निरोप्या मोशेय आखलो आयो, केडोबी माहु तियाल पोयरो नाय वेता तो मोय गियोता. तिया थेयील तिया पाहायराखी लिइन जो मोय गियो तिया पिडी आगला चालवा जोजे.
25
आमी आमाहाम सात पावु आथा, पेहलाय वोराड केयो आन तो मोय गियो, तिया पोयरे नाय आथे तिया खातोर तिया थेयील तिया पावहाय राखी लेदी.
26
एहेकीज तिसराय आन चौथाय भी केयो, सात्याहाय एहेंकीज केयो आन सातीपावहुभी मोय गिया.
27
आन ती भी मोय गियी.
28
फाचे ती जीवी उठी ताहा, सातीपावहामेने केडा थेय रेनारी? काहाका तियुल बादाहांय राखी लेदली आथी.
29
ईशुय तियाल आख्यो, तुमा परमेश्वरा वचन आन पोक्ती नाहा मालुम, तिया खातोर तुमा खोटा विचार केता हा.
30
फाचें मोलामने जीवी उठीन वोराड वेनारोज नाय, पेन ते होरगाम परमेश्वरा दुताहाहोच रेनारे.
31
पेन जीवते विइन उठी तिया हावोद्दन परमेश्वराय तुमाहान आखलो वचन तुमाहाय वाच्यो नाहा का?
32
आय आब्राहामा, इसाहाका आन याकोबा परमेश्वर हाय, ओतामोलाहानाय पेन जीवता लोकाहा परमेश्वर हाय.
33
ईशुई हिकवुनु की लोकाहान नोवाय लागी.
34
ईशुई हिकवुनु की सदुकी लोकाहान ठाकाजराखी देदा, तो उनायीन परूशीलोक टोल वाया.
35
आन तियामने एक जो नियमशास्त्र जांनारो आथो, तियाय ईशु परीक्षा वेरा खातोर तियाल फुच्यो,
36
ओगुरूजी, नियमशास्त्राम केललो हुकुम मोडाम मोडो हाय?
37
ईशुई तियाल आख्यो, तू तो प्रभुपरमेश्वराप पुरामोना की, पुरा जीवाकी आन पुरा अंतःकरणाकी मायाके.
38
इपेहलो आन मोडाम मोडो हुकुम हाय
39
बिहीरो हुकुम भी इयाहोचुज हाय, तू जेहेकी सोताहापे माया केतोहो तेहंकी तु बिहीरा पेभी माया के.
40
इवुनीहुकमे बादा नियमशास्त्रा आन परमेश्वरा निरोप्याहा आधार हाय.
41
जाहा परूशी लोक टोलवाया आथा, ताहा ईशुई तियाहान फुच्यो,
42
ख्रिस्ता बाबतीम तुमाहान काय लागेहे? तो केडा पोयरो हाय? परूश्याहाय तियाल आख्यो, दावीदा पायरो.
43
ताहा ईशुई तियाहान फुच्यो, तो दावीदा पोयरो हाय ता दावीद आत्मा की पोराय गियो ताहा तो ख्रिस्ताल प्रभु, एहेकी काहाल आखेहे? परमेश्वराय मा प्रभुल आख्यो,
44
आय जाव लूग तो दुश्मनाहान तो पागाथुले नाय की देहे तावलूग. तूमा हुदीवेल वोहो.
45
देखा दावीद तियाल प्रभु; आखेहे, ता ख्रिस्त केहेकी दावीदा पोयरो वेनारो ?
46
परूशी लोकाहामने केडाय इया प्रश्ना उत्तर नाहा देदो, तिहीने फाचे केडायज तियाल प्रश्न फुचनु हिंमत नाहा केई.