1 परूशी आणे सटुकी लोकाहाले ईशुई परीक्षा बेरूलो आधो म्हणुन ते ईशुई आले आणे आमहाले वादलामेने चिन्हा देखाव एहेकी मागनी त्याये केअई. 2 पेन ईशुई तियाहाले उत्तर देदो तुमा वातीवेल वेड़ ताहा आखता हवामान हारो वेरी काहाका वदलो तांवडो हाये. 3 आणे तुमा हाकालीवेल आखता आन बादलो बेरी काहाका वादलो तांवडो आने जाहको जाडो हाये. तुमाहाले वादला रूप वोहकुता आवेहे पेन कालवेल लक्षणे ओहकुता आवतो नाहा का ? 4 दुष्ट व दुवाआरी इमानदारीनेय रेनारी पीढी चिन्हे (साबुत) होदेहे पेन त्याहाले यांना संदेष्टया शिवाय वीहरो चिन्ह (सोवुत) देवाम आवणारो नाहा हाती तो त्याहाले सोडीन गीयो. 5 ईशु आणे तिया शिष्य फुगाराती तोडी गीया ताहा मांडा लीला विहाराया. 6 ताहा ईशु त्याहाले आख्यो परूशी आणे सटुकी याहा खमीरा विषयी सावध रेजा (हुशारीम रेजा) 7 ताहा ते तिहामे विचार कीने आख्या लाग्या आपु मांडा नाहा लेटा तिया ते एहेकी आखताहा. 8 पेन ईशुई ओहकीन आख्यो ओ वाय कोमी विश्वाश्या आपु मांडो लेदो नाहा रहेकी तुमा आपसाम काहा केएहताहा. 9 आमीलाग तुमाहान इत नाहा का पाच मांडा पाच हजार लोकाहाले खावाडीन ते आले त्या फासे तुमा कोताहा सिंवले उचलीलेटे इ तुमाहान इतव्यो नाहाका. 10 तेहकीज चार हाजाराहाले खावडा सात मांडा आणे तुमा कोतेहे सिंवले उचलीलेदे इ तुमाले इत नाहा का? 11 आय मांडा विषयी तुम्हाले आख्यो नाहा तर परूशी व सटुकी यांहा खमीरा विषयी सावध राआ एहेकी आख्या ई तुम्हाले केहकी होमजुतो नाहा. 12 ताहा त्याहाले होमज्योका त्याहाले मांडा खमीरा विषयी सावधराहा आख्यो नाहा ते परूशी आणे सटुकी त्याहा हिकवनु विषयी सावध राहा आख्या आयो... 13 ईशु फिलिप्पाया कैसरीया या भागा होवे गियो. तो तिया शिष्याहाले आख्यों मा पोयराल लोक काय म्हणुन आखताहा. 14 आण त्याई आख्या काईके वाप्तिस्मा केअनारो योहान तेरकाताक एलीया आणे वीहरा काम यिर्मया किवा संदेष्टयापैकी एक एहेकी आखतेहे. 15 हाती ईशुई तिहाल आख्यो पेन तुमा माल केडो म्हणुन आखताहा. 16 शिमोनपेत्राये आख्यो तु ख्रिस्त जिवता देवा पायरो हाये. 17 ईशुई आख्या, शिमोन वार्यांना तु धन्या हाये काहाका रोगोत आपे माहाया आकी तुले उलगडो केयो नाहा. ते मा वाहको हारेगामे हाय त्याये तुले इ उलगडो केयो. 18 आजी आय तुले एहेकी आखुका, तु पेत्र आहे आणे इया खोडकापे आमा मोंडली उवजावेहे आणी तिया आगला मोला माहा वाअनाहा काड्जे चालनारो नाहा. 19 माय तुले होरगा राजा कुच्या देहेओ आणे तोरतीपे जो काम तु सुटो केहेव तो होरगामे सुटोकेराम आवी. 20 ताहा तीयाये शिष्याहाले होमजावीन आख्यांका आय ख्रिस्त हाय ई तुमा केडालुज आखाहा नाहा. 21 तोहीनेज ईशु ख्रिस्त आपु शिष्याहाले आखा लाग्यो का आपु यरूशलेम शहेराम जाआवु, वडील, यदुदी नेता आणे मुख्य याजकलोक आणे नियमशास्त्रा शिक्षक याहाकी खुवुज तारास भोगावी आणे मायेटाकावी आणे तीसरे दिही फासो जिवता उठालो जाय इया जरूरी हाय. 22 ताहा पेत्राये त्याले एकीवेले निईन मनाकिईने आख्या प्रभु तोओवेन ई दूररिओ ऐहेकी तुले किधीज वेणारो नाहा.
23 पेन तो वोलीवीन पेत्राले आख्यो " अरे सैताना" माआफाचला वे तू माले अडथडो हाये काहाका तू देवा गोठीहोवे ध्यान लागवृतो नाहा ते माहा गेठी होवे ध्यान देतेहो. 24 जाहा ईशुई आपूवृ शिष्याले आख्या जो केडो मा फासलाआवा इच्छावेरी ताहा त्याये सोताहाले ऐकीवेले थोवीन आणे आप मोतीखांवे (स) उखलीने माफासला आवा जोजे. 25 काहाका जो केडो आपु जीव वाचावेहेकेहे इच्छाकेहे तो त्याले गोमावी पेन जो मा केओता आपु जीव गोमावी तो त्याले मिलावहलिई. 26 जे महाये वाठी दुनिया मिलवीलेटो आणे आपु जीव गोमाव्या तेर त्याले काय फायदो. ?. 27 काहाका माहापोयरो आपू वाहाका कैमवाकी स्वर्गदूताआरी आवी. त्या वेले आणे ताहा तो प्रत्येकाचे ज्या कामाप्रमाणे मोजरी देणारा.
28 माय तुयाहाल खेरो आखु का इही उवी रेनारा राहाम जो काही लोक एहंडा हाय का ते मनुष्या पोयराल तिया राज्याम आवी ताहा वी तावक हुद तियाहाल मोजु आवनरो नाही.