¹ Hambok kowe , ngajarko, hal-hal nyo beik ngan pangajoron nyo beik. ² Jenton-jenton nyo lobe tuha haros depot menahan diri, tehormat, nguasoi diri, setio sehat delom iman , delom kaseh, ngan delom ketekunan ³ Jugo betina-betina nyo lobe tuha haros monjok ko tingka laku nyo saleh , bukon petana atau hambo anggur , cuma haros nonjok ko ape nyo beik. ⁴ Ngan memunyelah nyo depot manasehati betina-betina muda nak mencintai jenton nye , mengasehi anak-anak nye. ⁵ Menguasai diri , beik, ngoros oroson rumah tanggonye, rama, ngan tondok kepado lakinye, empok nyo Firman Allah pide celakohi. ⁶ Upaiyelah jugo, pengajoron urang- urang muda empok depot nguasohi diri. ⁷ Delom segelo hal, jediko diri me teladan delom perbuatan-perbuatan beik delom pengajoron ,tonjokku hal integritas, kehormaton, ⁸ kehato bonor nye hopi tecela sehinggo para lawon ngan menjedi malu ule nyo pidepot, melabeko hal nyo borok tentong kite. ⁹ Hambo-hambo haros tondok ngan tuan-tuan nye delom segelo hal, usaha kon nak menyenangko enye ngan pimelawon. ¹⁰ Jangan maleng , cuma tonjok ku lah bahwa kowe depot di percayo empoknyo delom segelo hal nyo memuliyako ajoron Allah, joro selamat kite ¹¹ Sabab, anugra Allah nyo ngunda keselamaton soda nyato de segelo urang. ¹² nak memampuko kite menolak hal-hal nyo pi saleh atau pan hawo nafsu duniawi empoknyo kite depot hidup menguasoi diri, adel, ngan saleh di jaman kini, ¹³ Sementaro kite nunggu pengharopon nyo ponoh berkat, yaitu kedetongon nyo pono kemuliyaon deri Allah nyo Mahagodong, ngan Juruselamat kite Kristus Yesus ¹⁴ Nye lah boriko hidopnye untuk kite untuk membeso kite deri segelo perbuaton jahat ngan ontak diri Nye, sesuatu mendesio pilehonnye nyo giyat melakuko perbuaton beik. ¹⁵ Ajor ko lah segelonye iye. Nasehati ngan tegorlah ngan segelo kewibawaan. Jengon ado urang nyo merendako kowe.