( Salam Ontok Filemon) ¹ Salam jak Paulus seurang nyo tepenjara gegara pecayo Yesus Kristus ngan jak Timotius. Dolor seiman kite, ngan Filemon sekanti ngan kanti pelayon nyo kamie kasehi. ² ngan kepado Apfia, dolor kite, sereta jugo Arkhipus kanti seperjuangon kite. ³ Anugerah ngan damai sejahtera bage me deri Allah, Bapa kite, ngan deri Tuhan Yesus Kristus. ⁴ Ake recap bersyokor ngan Allahke sejak ake mengingot kowe delom doa- doa ke, ⁵ lah lamo ake ndongor tentang iman ngan kaseh lah kowe lakuko delom Tuhan Yesus Kristus sereta urang- urang kodos. ⁶ Ake recap mendoako mike empok perkompolon imanme semaken bertomboh delom setiap hal beik demi Kristus. ⁷ Ake en besukacita ngan sajo tehibur uleh kasehme ulenyo melalui kowe, Dolor, hati urang- urang kodos desegarko belek. ⁸ Uleh sebab iye, meskipon ake ado keyakinon godong delom Kristus ngan pacok nyerayo kowe lakukolah ape yang telah menjadi kewajibon me. ⁹ De samping iye uleh sebab kaseh lebih baik ake ngerayo ngan me. Ake, Paulus omorke lah tuha, ngan kinie tepenjara kinie gegara iman ngan Kristus Yesus. ¹⁰ Ku serayoko ngan me anak ke, Onesimus tentang hal niyelah pacok ku depotko selamo ke delom penjara, ¹¹ sejak tekelahe Tong pi beguna bage me, kinie sajo en beguna, beik bage me, maopon bage ke jugo. ¹² kowe lah tong tepenting delom hidopke, en sajo amat betomu ngan me, ¹³ Sajo sebonornnye en amatlah ku nahan kowe tetap tinggal besamo ngan ku de sie empok pacok ku serayo nolungi ke delom pelayanon selamo ke tepenjara gegara Injil. ¹⁴ Namon, munye tanpo persetujonme, ake pindok nak melakuko ape pun empok nyo kebeikon itu mike lakuko bukon sekedar keharoson, meloinko ulenyo kesukaon. ¹⁵ Mengka alason Onesimus depisahko derime ontok sementaro waktu niye, empoknyo mike pacok menerimonye belek sampoi seterusnye. ¹⁶ hambok bukon lagi budak, meloinko lobeh deri iye, nyoiye upa dolor nyo terkaseh, bukon anyo kehosos untokke, tolobeh lagi ontokme, beik delom badan moupun delom Tuhan. ¹⁷ Jedi empok kowe menganggop ake upa kanti begaweme, terimolah Onesimus upamone kowe nerimo ake. ¹⁸ Mengka enye lah besaloh kepadome apo behutang apo bae kepadome, tanggongkolah iye kepodoke. ¹⁹ Ake, Paulus noles nie ngan tangonke dewek: Ake nak melunasinye nyobot apo bae tentang hutangme kepadoke, Iyolah hidopme dewek. ²⁰ Ao, dolorke, biarlah dedelom Tuhan ake mendepotko kebeikon derime. ²¹ Kareno keyakenonke akon ketaatonme, ake noles surat nie ngan me, empok ake tahuko kowe nak melakuko lobeh deri nyo kou minta. ²² Sementaro iye, tolong siapko kamar ontokke kareno ake berharap beharop melalui doa-doame, ake nak deperkenalko belek kepadome. Salam terakhir ²³ Epafras, kantike samo tepenjaro delom Yesus Kristus, , mengirimko salam ontok me, ²⁴ upanio jugo Markus, Aristarkhus, Demas, ngan Lukas, kanti-kanti sepelayononke. ²⁵ Anugerah deri Tuhan kite, Yesus Kristus, kironye menyertai rohme.