¹ Hai urang-urang kayo, dongorkolah! Meratop ngan meratoplah untok penderitaon nyo nak menempame. ² Kekayoonme lah membosok ngan pakoyonme demakon ngengat. ³ Emas ngan perakme lah bekarot, ngan karot iye nak menjedi bukti nyo memberatkome sereta nak memakon degengme upa api. Kowe lah menimbon reto podo hari-hari teakher. ⁴ Dongorlah, upa para penggawe nyo mengolah humame, nyo kou tahan ngan kecurangon, pepantouon melawonme. Ngan, pantouon para pemanenye lah sampoi ke telinga Tuhan semesta alam. ⁵ Kowe lah hidop dedenia delom kemewahon ngan kesenangon diri dewek, kowe lah menggomokko hatime podo hari penyembolehon. ⁶ Kowe sodah mehokom ngan membuno urang bonor, ngan enye hopi melawonnme. (Tabah delom Penderitaon) ⁷ Uleh ulenyo iye, Dolor-dolorke, besabarlah sampoi podo Hari Kedetongon Tuhan. Kolelah upamone petani menungguko buah terbeik nyo dehaselko tanoh, menunggu konye ngan sabar empoknyo jongonye hujan awal ngan hujan akher. ⁸ Kowe jugo haros besabar, kuatko hatime ulenyo kedetonggon Tuhan lah parok. ⁹ Dolor-dolorke, jengonlah kowe besungut-sungot sikok ngan nyo loen empoknyo kowe hopi dehokom. Keleklah, Sang Hakem lah togok dedepan pintu. ¹⁰ Dolor-dolorke, upa teladan penderitaoon ngan kesabaron, kolelah para nabi nyo boek delom namo Tuhan. ¹¹ Kami menganggap bebhagia rombongon nyo tabah. Kowe lah mendongor ketabahon Ayub ngan ngelek maksod Tuhan podo akhernye, bahwa Tuhan iye ponoh belas kasihan ngan murah hati. Jengon Besumpah ¹² Cuma hambok, Dolor-dolorke, de pocok segelonye iye, jengonlah kowe besumpah, beik demi langet, bumi, apo demi ape pon. Buekolah "ao" munye nye ngan " Hopi" munye hopi empoknyo kowe hopi detiteki hokomon. Kuaso Doa delom Iman ¹³ Apokah deantaro kowe ado nyo sedang menderita? Biarlah ye bedoa. Apokah ado nyo sedang besukacita? Biarlah ye menyanyiko mazmur. ¹⁴ Apokah deantaro kowe ado nyo edang domom? Biarlah enye memantou tua-tua* jemaat nyo rombongon haros mendoakkonye, mengurapinnye ngan minyak delom namo Tuhan. ¹⁵ Doa nyo denoekko delom iman nak menyelamatko urang nyo domom iye ngan Tuhan nak membengunkonnye. Ngan, munye ye lah melakukoh doso-doso, ye nak deamponi ¹⁶ Ulenyo iye, hendoklah kowe saleng mengaku dosome ngan saleng mendoako empoknyo kowe sehat. Doa urang bonor nyo denoeko ngan songgoh-songgoh, sajo godong kuasonnye. ¹⁷ Elia* adolah mendesio biaso upa kite. ye bedoa ngan songgoh-songgoh empoknyo hopi toron hujan, ngan hujan hopi ngeri iye selamo tia tahon enm bulan. ¹⁸ Kemudion, ye bedoa lagi, mengka langet mencurahko hujan ngan bumi menombohko buahnnye. ¹⁹ Dolor-dolorke, seandainye ado de antaro kowe nyo menyimpang der kebonoron, mengka ado urang nyo menolongnnye bebelek, ²⁰ Ketahuilah bahwa urang nyo mengunda urang bedoso belek ke jelon nyobonor nak menyelamatko jiwo urang iye deri kemation ngan menotop lobot doso.