(Kasehilah Segelo Urang) ¹ Dolor-dolorke, jengon menunjokoimanme delom Tuhan kite nyo mulia, Yesus Kristus, ngan membeda-bedako urang. ² Munye ado urang nyo jongo ke sinagogeme ngan memakoi cincen emas ngan pakoion nyo mahal, pado saat nyo samo, jongok jugo urang mesken nyobepakoion rengai, ³ ngan kowe memboriko perhation kosos kepado urang nyo bepakoion mahal iye ngan buek kepadonye, " Silako dudok de deman nyo beik nie," cuma kepado urang mesken iye kowe buek, " togoklah de sane!" apo" Dodoklah de parok kakike!" ⁴ Bukonkah kowe sodah membeda-bedako de antaro kowe ngan menjedi hakem ngan pekeron-pekeron nyo jahat? ⁵ Dolor- dolor nyo kukasehi, dongorkolah! Bukonkah Allah lah memileh urang nyo mesken de mato dunia untok menjedi kayo delom iman ngan mewarisi Kerajaon Allah nyo lah Ye jenjiko kepado rombongon nyo mengasehi Nye? ⁶ Cuma hambok, kowe lah mehino urang mesken. Bukonkah urang kayo nyo menindas ngan meheretme ke pengadelon? ⁷ Bukonkah rombongoniyelah nyo mehujat Namo beik, nyo ulehnye kowe depanggel? ⁸ Munye kowe menjelonko hukom utamo sesuoi ngan Kitab Suci, nyoiye " Kasehilah sesamome mendesio upa dirime dewek," kowe lah melakuko nyo bonoe. ⁹ Hambok, munye kowe membeda-mbedako urang, kowe melakuko doso ngan denyatoko sebagai pelanggar hukom uleh hukom. ¹⁰ Siape pon nyo menaati segelo hokom, cuma gagal menaati sikok begeonnye bae, ye besaloh terhadop segelo hokom iye. ¹¹ Sabab, Nye nyo buek, " Jengon bezinah*," jugo buek " Jengon membunoh." Jedi, munye kowe hopi melakuko perzinahon, cuma kowe membunoh, kowe lah menjedi pelanggar hokom iye. ¹² Boek ngan betindaklah sebagai urang-urang nyo nak dehakemi ngan hokom nyo membebasko. ¹³ Sabab, penghakemon hopi nak bebelaskasehon kepado urang nyo hopi menunjokko belas kasehan; belas kasehan nak menang pocok penghakemon. ¹⁴ Dolor-dolorke, ape gunanye seseurang membuekoh bahwa enye menuhani iman, cuma enye hopi menuhani perbuaton? Depotkah iman iye menyelamatkonye? ¹⁵ Munye seurang dolor apo dolor hopi menuhani perebot ngan membotohko maonon sehari-hari, ¹⁶ ngan seurang de anterome buek kepodome, " larilah delom damai, semoga badanme dehangotko ngan dekonyongko, " cuma kowe hopi meboriko kepodonye ape nyo deperluko badannye, ape gunanyo iye? ¹⁷ Demikian jugo iman, munye iman hopi deseretai perbuaton-perbuaton, pado dasrnye iman iye mati. ¹⁸ Hambok, mongken ado urang nyo boek, "kowe ado ima, ngan ake ado perbuaton." Ake nak menjawab, "Tunjokolah imanme tanpo perbuaton, ngan ake nak menunjokko imanke ngan perbuaton." ¹⁹ Kowe pecayo bahwa Allah iye sikok. Iye bonor. Roh-roh jahat pun pecayo ngan rombongon gemetar. ²⁰ Hai urang bodoh! Endokah kowe menyadari bahwa iman tanpa perbuaton adolah sio-sio ²¹ Bukonkah Abraham*, bapa kite, debonorko uleh perbuaton-perbuaton ketika ye mengurbanko Ishak*? ²² Kolehlah bahwa iman sesamo begawe ngan perbuaton-perbuatonnye, ngan uleh perbuaton-perbuaton, iman desempurnako. ²³ Degenapilah ape nyo debueko Kitab Suci*, "Abraham pecayo kepodo Allah, ngan iye deperhitongko kepadonye sebagai kebonoron," nganye desobot " Kanti Allah". ²⁴ Jedi, kowe koleh bahwa deri perbuaton urang debonorko, bukon deri iman bae. ²⁵ Demikion jugo, bukonkah Rahab, si pelacor iye, debonorko ulenyo perbuaton kite enye menerimo mato-mato Israel ngan menolong mike melariko diri melalui jelon nyo loen? ²⁶ Jedi, samo upa badan tanpa roh adolah mati, demikian jugo iman tanpa perbuaton adolah mati.