( Meneladani Yesus ) ¹ Ulenyo kite mempunyoi lobot saksi nyo mengelilingi kite upa aban, marolah kite meninggalko segelo bobon ngan doso nyo menjerat kit ngan belari dengan tekun podo perlombaan nyo de sediako de hadopon kite. ² Biarlah mato kite tertuju podo Yesus, Sang pencipto ngan penyempurna iman kite, nyo dmi sukacita nyo lah de tetapko bage-Nye, rela menanggung salib ngan mengabaiko kehinaan salib iye. Ngan, kinie, Enye duduk de sebelah kanon tahta Allah. ³ Ingotlah bakal Yesus, nyo tabah menghadapi permusuhon deri urang-urang bedoso shingga jiwome hopi menjedi litak ngan putus aso. ⁴ Delom perjuangonme melawon doso, kowe bolum sampoi menumpahko derohme. ⁵ Ngan, apekah kowe lah melupako nasehat nyo de boriko kenempatme sebage anak-anak ? "Hai anakke, jengon anggap enteng didikan Tuhan, ngan jengon meraso kecik hati tekalo kowe de togur-Nye. ⁶ Sabab, Tuhan menghajor urang nyo de kasehi-Nye. Ngan mncambuk urang nyo de terimo-Nye sebagoi anak."Amsal 3:11-12 ⁷ Kowe arus betahan demi didikan iye ule iye berarti Allah sedang memperlakukonme sebage seurang anak; lagepula, anak macam apekah nyo hopi perenah de didik ule bepaknye ? ⁸ Munye kowe perenah menerimo didikan nyo sarusnye de terimo ule segelo anak, kowe adolah anak harom, bukon anak nyo sah. ⁹ Seloin iye, kite memiliki bepak-bepak de denia nie nyo mendidik kite, ngan nyo kite hormati; munye upanie, bukonkah kite arus lobeh lage menundukko diri kenempat Bepa pucuk segelo roh ngan pucuk hidop? ¹⁰ Sabab, Munye bepak kite nyo ado de denia nie menghajor kite untok waktu nyo singkat bedasarko caro nyo mike anggop paleng beik, Bepak nyo ado de serga menghajor kite demi kebeikon kite dewek sehingga kite memperuleh bageon delom kekuduson-Nye. ¹¹ Segelo didikan, podo saat de boriko, memang hopi menyenangko ngan menyaketko. Cuma hambuk, sesodah iye bakal menghaselko buah kebonoron nyo membori damai sejahtera kenempat mike nyo lah de latih ule didikan iye. ¹² Sabab iye, kuatkolah tangonme nyo lamah ngan lututme nyo goyah, ¹³ Buatlah jelon nyo lurus bage kakime sehingga tungkai kaki nyo lamah hopi menjedi lumpoh, hambuk de sembuhko. ¹⁴ Kejarlah perdamaion dengan segelo urang. ngan kejarlah kekuduson sabab pi kekuduson, hopi surnagpun depot mengoleh Tuhan. ¹⁵ Pastiko empuknyo jengon ado seurangpun nyo kehingaon anugerah Allah; pastiko jugo empunyo jengon ado akor pahet nyo tumbuh ngan menimbulko masalah sehingga mencmari lobot urang. ¹⁶ Ngan, pastikolah empuknyo jengon ado urang nyo berbuat cabul atau hopi suci upa Esau nyo menjuol hak kesulungonnye demi semangkuk makonon. ¹⁷ Sabab kowe tahuko behwo de kemudion ari, enye de tolak ngan hopi ado lage kesempaton untok betobat sekalipun enye mendalaknye dengan mencucurko aek mato. ¹⁸ Sabab kowe hopi njongok kenempat gunung nyo pacok de rabo, kenempat api nyo menyala-nyala, atau kenempat kekolomon, kekelaman ngan badai. ¹⁹ Kowe pun hopi njongok kenempat suaro trompet, ngan kenempat suaro nyo pembuikonye membuat padong pendongornye memohon dengan sajo empuknyo pembuikon iye hopi de buikko lage kenempat mike. ²⁰ Sabab mike hopi depot tahan mendongor perentah nyo de boriko," Bahkan munye seekor binatong sekalipun nyo merabo gunong iye, mengka binatong iye arus de lempari betu sampoi te'elek." ²¹ Ngan, sedemikion mengerikonye pengolehon iye sampoi-sampoi Musa pun buik," Ake gemitek ketakuton." ²² Cuma, kowe lah njongok ke gunong Sion, ngan ke kota Allah nyo hidop, Yerusalem sergawi, ngan kenempat malaikat nyo hopi tehitung jumlahnye. ²³ Kowe lah njongok kenempat perkumpulon godong jemaat nyo terdiri deri anak-anak sulung Allah nyo lah terdaftar de serga, kenempat Allah, Hakem pucuk segelo urang, ngan kenempat roh urang-urang bonor nyo sodah de sempurnako. ²⁴ Kowe lah njongok kenempat Yesus, perantaro perjenjion nyo beheru, ngan kenempat deroh nyo de percikko, nyo buik lobeh beik deripodo deroh Habel. ²⁵ Pastikolah empuknyo jengon kowe menolak Enye nyo buik. Ule munye mike nyo menolak Eny nyo membori peringoton deri behumi sajo hopi depot melepasko diri, mengka kite pun hopi bakal depot melepasko diri deri Enye nyo membori peringoton deri serga. ²⁶ Bilek, suaro-Nye mengguncang behumi," Cuma, sekali lage Ake hopi anyo bakal mengguncangko behumi, hambuk jugo serga." ²⁷ Ungkapon " Sekali lage" menunjukko tentang pemusnahon hal-hal nyo depot de goyahko, yaitu segelo nyo sodah de ciptako, empukno hal-hal nyo hopi de goyahko depot tinggal tetap. ²⁸ Ulenyo iye, lah kite menerimo kerajaon nyo hopi tergoyahkan, marolah kite menunjukko raso syukur dengan mempersembahko ibadah nyo layak kenempat Allah, nyo de sertai rasa hormat ngan ponuh kekagumon, ²⁹ Sabab Allah kite adolah api nyo menghangusko.