( Yesus e Nak Njongok Lagi) ¹ Dolor- dolor nyo kukasehi, niye merupako poson kedua nyoku toles ontok me. Delom kedua poson niye, ake beusaha membangketko pekeron me empok menjedi jereneh ngan caro mengingot kowe. ² Empok nyo kowe teringot pemboek- pemboek nyo tekelae yang de gerako melalui nabi- nabi kodos ngan perentah- perentah Tuhan sereta Juruselamat melalui para rasol. ³ Pertamo tamo de ketahui behwa pado saat ari teaher e, urang -urang pehimak akan bemunculon sereta mehilu hawo nafsu urang bedoso. ⁴ Urang- urang iye selalu behota " mone jenji hal kedetongonNye?" ( Kedetongon Yesus yang kedua kalinye delom denia) uleh sejak nenek puyang kite tekelae segelonye maseh tetap bejelon upa awal penciptaon. ⁵ Uleh sebab urang -urang iye sengajo pi nyo ingot behwa uleh firmanNye, langet e lah ado sejak tekelae ngan behumi de jediko jak aek melalui aek. ⁶ Ngan aek iyelah denia de hancorko dengan aek bah. ⁷ Mengka ulehnyo Firman-Nye yang samo, langet ngan behumi nyo ado kinie nye dekerawoko ontok de tunu ngan api jak api akher kehancuron urang- urang bedoso. ⁸ Dolor- dolor kukasehi, jengon pi de ingot ko kenyatoon nyo sikok nie : bage Tuhan sehari e upah seribu tahon seribu tahon ne upah sehari. ⁹ Tuhan ne pi perenah telambot memonohi jenji-Nye pi upah nyo de anggap urang selamo nie selalu telambot. sebeleknye, Enye en sabar terhadop me. Ulehnyo Enye pindok sikokpun mati, hambok empok segelonye depot jongok dengan betobat. ¹⁰ Uleh sabab ari kedetongon Tuhan upah urang maleng, ngan langet e nak benaso dengan caro menakutko. Bendo-- bendo langet e tetunu hangos segelo ngan habes de makon api. Behumi ngan segelo isinye jugo tetunu segelo. ¹¹ Munye segelonye lah de hancorko, dengan caro niye upamone seharosnye kowe hidop e? bukonye kowe haros hidop suci menghambo ko diri dengan Allah. ¹² Sambel nunggu- nunggu ngan mempercepat ari kedetongon Allah? pado saat ari Tuhan langet ngan segelo bendo- bendo e nak hancor uleh api nyo hangot e. ¹³ Hambok, sesuoi dengan jenji Allah, kite menunggu- nunggu langet nyo beheru ontok menempatko urang- urang bonor nak tinggal. ¹⁴ Dolor- dolor nyo kukasehi, kareno kite menunggu hal niye, mengka beushalah dengan nenihan empok Allah mendepoti kowe pi bedoso, ngan lah bedamai dengan Allah. ¹⁵ Anggoplah kesabaron Tuhan iyelah kesempaton ontok kite nerimo keselamaton. Samo hal nye ngan Paulus, dolor kite tekaseh kite tolis ngan hikmat nyo de boriko uleh Allah kepadonye. Nye jugo melabeh ko hal- hal nie delom segelo surat nyo loen. Memang ado hal- hal nyo pi pacok de mengereti sehinggo pacok de keleliruko uleh urang bodoh ngan lamah iman nye. ¹⁶ Enye jugo melakuko nye jak bageon- bageon Kitab Suci, nyo mengakibat ko kebenasoon awok nyo dewek. ¹⁷ Dolor- dolor nyo kekaseh, uleh nyo kowe lah tahu kopekaro niye, behati- hatilah empok nyo kowe jengon tesosot jak urang -urang pi kenal hukom. Jengon lah kowe jetuh iman me. ¹⁸ hambok, bertomboh lah delom anugerah ngan penegenalon akon Tuhan ngan Juruselamat kite, Yesus Kristus. Enye lah kemuliaon, kinie ngan selamonye! Amin